5. Mose 12:28 - O Debleskro Drom 2021 (Sinte)

²⁸ Denn jak, te rikrenn mishto lauter dren, hoi penom tumenge. Te djiwenn jaake, hi kowa mishto un latcho glan tumaro baro Debleskre jaka. Un tumenge un tumare tchawenge pal tumende djal mishto hako tsireske.

O Debleskro Lab 2024 (Sinte-Manouche)

²⁸ Denn yak, te rikrenn mishto lauter dren, hoy penom t'menge. Te djivenn yaake, hi kova mishto oun lačo glan t'maro baro Debleskre yaka. Oun t'menge oun t'mare čavenge pal t'mende djal mishto hako tsireske.

5. Mose 12:28 ပူးပေါင်းရင်းမြစ်များ

2. Rajengro liil 17:31

kolla dran Awa kran penge i deblen Nibhas un Tartak; kolla dran Sefarwajim chatchran pengre tchawe glan pengre deblende, o Adrammelech un o Anammelech.

2. Familjakro liil 7:17

Un tu, te djiweh tu glan mande, har tiro dad, o David, glan mande djiwas, un kreh halauter jaake, har me tuke penom, un mire laba rikreh, un pal miro tchatchepen djiweh,

Nehemia 1:5

un penom: “Ach, baro Dewel, tu hal o Dewel an o bolepen, un hal baro un jaake sorelo, te daras hunte tutar. Tu rikreh koi sowel, hoi tu mentsa kral, un dikeh latches ap kolende, kai kamenn tut o djijestar un shunenn ap tire laba.

Debleskri gili 105:45

Kawa kras lo, te rikrenn le leskre laba, un shunenn ap kowa, hoi job lenge penas. Sharedo well o baro Dewel!

2. Mose 34:11

Me tradau kol Amorarja, Kanaanitarja, Hetarja, Perisarja, Hiwarja un Jebusarja dran lengro them un dau les tumende. Rikrenn kal laba, hoi me penau tumenge kau diwes!

Sikepaskro 8:12

Ninna te djiwell kowa i lengsto djipen, kai krell sheel kope fullo koowa, djinau me, te djal kolenge kokres mishto, kai djiwenn o Debleha un mukenn les lengro rai te well.

Ezekiel 37:24

Un jek dran i familja o Davidestar, kai hi har o David miro budepaskro, well lengro baro rai. Job well i bakrengro kolenge halauterenge, un dell jak ap lende. Un jon djiwenn pal mire tchatchepaskre laba un krenn, hoi lendar kamau.

3. Mose 19:37

Krenn halauter, hoi me tumendar kamau, un rikrenn ap miro tchatchepen! Me hom o baro Dewel.

Johanni 15:10

Te krenn tumer kowa, hoi me tumenge penom, atchenn tumer an miro kamlepen jaake, har me kowa krau, hoi miro dad mange penas. Un me atchau an leskro kamlepen.

Johanni 15:14

Te krenn tumer, hoi me tumenge penom, han mire mala.

Johanni 15:3

Tumer han djudjo. Mire laba, hoi penom tumenge, kran tumen djudjo.

5. Mose 12:25

Te krenn jaake, hi kowa mishto glan o baro Debleskre jaka, un tumenge un tumare tchawenge pal tumende djal mishto.

5. Mose 24:8

Te lell jek tumendar i djungelo nasslepen ap peskro mass, hoi les pale-tchiddo krell, palle denn jak, te krenn halauter jaake, har kol rashaja dran o kheer Levi tumenge penenn. Me penom lenge, hoi te krenn. Un ap kowa hunte rikrenn tumen.

5. Mose 4:40

Denn jak ap kowa, hoi job tumendar kamella, un djiwenn pal leskre laba, hoi tumenge kau diwes penau. Palle djal mishto tumenge un tumare tchawenge pal tumende, un tumer djiwenn i rah tsiro an kau them, hoi tumaro baro Dewel tumenge della, te atchell les tumenge hako tsireske.

5. Mose 5:33

Djan jaake ap leskro drom, har job tumenge sikras! Palle atchenn djido, un djal tumenge mishto. Un tumer nai djiwenna i rah tsiro an ko them, hoi tumer dren lenn, te well lo tumaro.