5. Mose 12:20 - O Debleskro Drom 2021 (Sinte)

²⁰ Te dell tumaro baro Dewel – jaake har lo rakras – tumende budeder them, un tumen hi bok ap mass, palle chan mass an tumare gaba un forja, jaake bud har kamenn!

O Debleskro Lab 2024 (Sinte-Manouche)

²⁰ Te dell t'maro baro Devel – yaake har lo rakras – t'mende boudeder them, oun t'men hi bok ap mass, palle rhan mass an t'mare gaba oun forya, yaake boud har kamenn!

5. Mose 12:20 ပူးပေါင်းရင်းမြစ်များ

1. Mose 28:14

Jon wenna jaake bud har i tchik, hoi ap i phub hi. Un krau lengro them baro un buchlo ap hake rigja. Un koi bacht, hoi dau tute un tire tchawende, djal dureder ap i tsele menshende, kai ap i phub hi.

1. Mose 31:30

Me djinau, tiro dji hi pash tire menshende. Doleske djal tuke. Pen mange, hoske tchoral mire deblen, kolen me an-mangau?”

2. Samuel 13:39

Un o baro rai David his buder gar chojedo ap o Absalomeste. Leskro dji rowas buder gar jaake bud pral o Amnon.

2. Samuel 23:15

Un o Davides his trush, un penas: “Koon kamell mange pani pipaske te lell dran koi brunna pash o foreskro wudar an o foro Betlehem?”

1. Familjakro liil 4:10

Un o Jabez das gole ap o Israeleskro Debleste un penas: Tchip tiri bacht ap mande, un kre miro them bareder har lo kanna hi. Ab mantsa, un rike tiro wast pral mande, te well nai kek duk pral mande! Un o Dewel mukas te well, hoi job putchas peske lestar.

Debleskri gili 107:9

Kolen, kai his len trush, das lo doha te pijell, un kolen, kai his len bok, das lo bud latcho chapen.

Debleskri gili 119:174

Baro Dewel, miro tselo djijeha kamau, te tchiwess man an o tchatchepen. Me hom bachtelo te djap tiro drom.

Debleskri gili 119:20

Miro dji chatchrell, te dikap har tu rakreh o tchatchepen win.

Debleskri gili 119:40

Pen mange, hoi te krap tuke! Tu hal an o tchatchepen tardo. De man pale newi soor an miro djipen!

Debleskri gili 63:1

I gili o Davidestar. Job kras kai gili an o mulo tato them Juda.

Debleskri gili 84:2

Tu, baro Dewel un rai pral o bolepen un i phub, har kamau me tiro kheer o djijestar!

2. Mose 23:31

Un me penau, har bares tiro them wella. Job djal fun ko Baro Lolo Pani bis pash ko baro pani, kai i Filistarja djiwenn, un fun o mulo tato them bis pash o lengsto pani Eufrat. Kolla, hoi kote djiwenna, dau an tiro wast, te tradenn tumer len dran o them win.

2. Mose 34:24

Me tradau i tsele wawar menshen glan tumende krik, un krau tumaro them bareder. Jaake well kek an tumaro them, te lell lo peske i kotar them ap ko tsiro, kai djan tumer triin kope an o bersh pash tumaro baro Debleste, te wenn khetne glan leste.

4. Mose 11:20

Kowa djal jek tchon, bis te nai sungenn les buder gar, un kowa dran tumaro nak win well. Tumer tchiwan o baro Debles ap i rig, koles, kai mashkral tumende hi. Un tumer rowan glan leste un penan: ‘Hoske djam mer dran o them Egiptia?’ Doleske well kau koowa kanna ap tumende.”

4. Mose 11:34

Un jon kharan koi platsa ‘Kibrot-Taawa’. Kote wan kolla paskedo, kolen chantch hi pal o mass.

4. Mose 11:4

Mank i Israelitarja his ninna wawar menshe, kai lentsa djan. Kolen was i bari bok pal mass. Koi rowan kol Israelitarja ninna pale, un penan: “Koon dell men mass chapaske?

2. Korintarja 9:14

Te dikenn le, har baro o Debleskro latchepen mank tumende hi, mangenn le o Debles tumenge un kamenn tumentsa khetne te well.

5. Mose 11:24

Hako kotar phub ap koleste tumare pire stakrenn, hi tumenge, o tselo them mank o mulo tato them un i berge Libanon, un mank o lengsto pani Eufrat un o Mashkralstuno Baro Pani.

5. Mose 12:15

An tumare gaba un forja nai marenn jaake bud tumare viechendar har kamenn, un har tumaro baro Dewel tumende das, un nai chan lengro mass. Tumer halauter nai chan kolestar, erlige menshe har pale-tchidde. Kowa hi jaake, har chans i wesheskri busni oder i tserfo.

5. Mose 12:21

Tumer hunte djan doleske gar ap koi platsa, hoi tumaro baro Dewel win rodell, te well lo kote an-mangedo. Lauter, kai djiwenn dur koi platsa, nai marenn un chan lengre grumjendar, bakrendar un busjendar, hoi o baro Dewel len das, jaake bud har jon kamenn – kote an lengre forja, kai le djiwenn. Jaake penau les tumenge.

5. Mose 19:8

Te krenn tumer halauter, hoi tumenge kau diwes penau, te hunte krenn, te kamenn tumaro baro Debles o tselo djijeha un djan ap leskre dromma, palle krell tumaro baro Dewel tumaro them bareder, jaake har job pes glan tumare phurende sowel das. Ap ko tsiro, kai das lo tumen o tselo them, palle rodenn tumenge triin wawar forja win!

Filiparja 1:8

O Dewel djinella: Miro dji hi pash tumende. O Jesus Kristo das man i baro kamlepen tumenge.

Filiparja 2:26

Tumer shunan, kai job nasselo was. Har job shunas, kai tumer djinenn kowa, rowas leskro dji, un job kamas pash tumende te well.