5. Mose 12:18 - O Debleskro Drom 2021 (Sinte)

¹⁸ Kowa well anlo glan tumaro baro Debleste ap koi platsa, hoi job peske win rodell. Kote chan tumer les, tumer un tumare tchawe un tcha, un tumare budepangre, mursha har djuwja, un i Levitarja, kai pash tumende djiwenn. Awenn bachtelo glan tumaro Debleste pral halauter, hoi tumare wastentsa khetne lan.

O Debleskro Lab 2024 (Sinte-Manouche)

¹⁸ Kova vell anlo glan t'maro baro Debleste ap koy platsa, hoy yob peske vin rodell. Kote rhan t'mer les, t'mer oun t'mare čave oun ča, oun t'mare boudepangre, morsha har djouvya, oun i Levitarya, kay pash t'mende djivenn. Avenn barhtelo glan t'maro Debleste pral halauter, hoy t'mare vastentsa khetne lan.

5. Mose 12:18 ပူးပေါင်းရင်းမြစ်များ

Debleskri gili 32:11

Tumer, kai an o tchatchepen tardo han, awenn bachtelo pral tumaro baro Debleste! Mukenn tumare djia san un bashrenn! Denn gole i bachtjatar, tumer lauter, kai shunenn o tselo djijeha ap o Debleste.

Debleskri gili 68:3

Jaake har i jagakro ducho krik phurdedo well, jaake phurdell job len krik. Jaake har i momeli chatchrell tele un buder gar koi hi, jaake wenn kol tchilatche buder gar diklo glan o Debleste.

Gosewe laba 3:17

O goswepen anell ap shukar dromma, kai dell kek tchingepen.

Sikepaskro 3:12

Doleske penom mange: Tchi hi feteder o mensheske, har te djiwals lo i shukar djipen un hi bachtelo koi pashel.

Sikepaskro 5:18

Te dell o Dewel i menshes brawlepen un latcho kowa, te nai chal lo un pijella, un te nai mukell lo peske mishto te djal, un leskro dji sal pral halauter, hoi leske dran peskri phari budi was, palle hi kowa tchomone, hoi o Deblestar was.

Jesaja 12:3

Ap ko tsiro, kai lell tumen o Dewel win, wenn tumer jaake bachtelo har trushele menshe bachtelo hi, te hatsenn le pani.

Bičepangre 16:34

Job las len dren an peskro kheer, das len te chal un te pijell, un his bachtelo peskre tsele menshentsa, kai wan jon patslo ap o Debleste.

Bičepangre 2:46

Hako diwes wan le khetne an o Debleskro baro kheer. Jon chan o maro khetne an i khera. Un jon his bachtelo, te dan jon nai i phralen ninna te chal. Kowa kran le o djijestar.

1. Korintarja 10:31

Hoi tumer ninna krenna un chana un pijenna, kowa krenn lauter jaake, te well o Dewel sharedo.

Galatarja 5:22

Kones hi o Debleskro Ducho an peskro dji, dran koleste wella latchepen: Les well o Debleskro kamlepen un bacht an o dji. Job kamell kek tchingepen. Job rikrell lauter win. Job hi latches ap i wawarende. Les hi i baro dji i wawarenge. Kowa, hoi job penell, ap kowa rikrell pes job.

5. Mose 12:14

Kokres ap koi platsa, hoi o baro Dewel win rodell an tumaro them, kote anenn kol viechen, hoi kamenn leske te chatchrell, un kote krenn halauter, hoi me tumenge penau.

5. Mose 12:19

Ma bistrenn i Levitarjen un denn lende, hoi len hunte well, jaake rah har an tumaro them djiwenn.

5. Mose 12:5

Mangenn o baro Debles ap i platsa an, hoi job peske win rodell mashkral an o them Israel, te djiwell lo kote. Kote djan, te mangenn les an.

5. Mose 12:7

Un tumer un tumare familje chan i chapen kote glan tumaro baro Debleste, un awenn bachtelo pral halauter, hoi tumenge khetne anan, ap koleste tumaro baro Dewel peskri bacht tchiwas.

5. Mose 14:23

An ko deshto kotar tiro djobestar, tiri moljatar un tiro djetestar glan tiro baro Debleste ap koi platsa, hoi job peske win rodella, te well lo kote an-mangedo. An leske ninna kol grumja, bakre un busja, kai hi o phureder lengre dajendar. Cha kote ko chapen un ko mass kal viechendar. Jaake bistreh gar, te djiwess tiro baro Debleha tiro tselo djipen.

5. Mose 15:20

Glan tiro baro Debleste chas len tu un tiro tselo kheer hako bersh ap koi platsa, hoi o baro Dewel peske win rodell.

1. Samuel 1:4

Te was ko diwes, kai anas o Elkana i vieches o Debleske, das job peskri romjat Peninna un lakre mursh tchawen un tchen, hakeneste jek kotar mass.