5. Mose 12:16 - O Debleskro Drom 2021 (Sinte)

¹⁶ Kokres o rat ma chan! Koles tchorenn ap i phub har pani.

O Debleskro Lab 2024 (Sinte-Manouche)

¹⁶ Kokres o rat ma rhan! Koles čorenn ap i phoub har pani.

5. Mose 12:16 ပူးပေါင်းရင်းမြစ်များ

1. Mose 9:4

Kokres o mass, kai hi gomme rat dren, kowa hunte chan gar; an o rat hi o djipen.

Ezekiel 24:7

Ko rat kolendar, kolen i menshe an o foro maran, hi gomme mashkral lende. Ap i baro bar nashas ko rat, un gar ap i phub, te nai tchakrals jek les tchikeha tele.

Ezekiel 33:25

Doleske pen lenge: Kawa penell o baro Dewel, maro rai: Tumer chan ko mass o rateha, un mangenn chochene deblen an un marenn menshen! Patsenn tchatchepah, ko them hi tumaro?

3. Mose 19:26

Ma chan mass, kai rat dren hi. Ma durkrenn! Ma krenn bengeskro koowa!

3. Mose 3:17

Kek tumendar hunte chal o thulepen un o rat. Ap kowa hunte rikrenn tumen un tumare tchawe kanna un hako tsiro, kai tumer ninna djiwenna.

Bičepangre 15:20

Mer tchinah lenge i liil, un penah lenge, te chan le kek mass, hoi was glan i figura anlo, hoi i menshe an-mangenn, har te wals li o Dewel; te sowenn i mursha gar wawar djuwjentsa, witar gar i djuwja wawar murshentsa; te chan le kek mass i viechendar, kai o rat gar win nashas, te pijenn le lendar witar kek rat.

Bičepangre 15:29

Chan kek mass, hoi was glan i figura anlo, hoi i menshe an-mangenn, har te wals li o Dewel. Pijenn kek rat! Chan kek mass i viechestar, kai o rat gar win nashas! I murshenge penah, te sowenn le gar wawar djuwjentsa. Un i djuwjenge penah, te sowenn le gar wawar murshentsa. Te rikrenn tumen ap kowa, hi kowa mishto. Atchenn o Debleha!”

5. Mose 15:22

An tiro foro nai chah les. Hi jek, te hal erligo oder pale-tchiddo. Kowa hi jaake, har chals i wesheskri busni oder i tserfo.

5. Mose 15:23

Kokres lakro rat chas tu gar! Tu tchoress les ap i phub har pani.

1. Timoteo 4:4

Lauter, hoi o Dewel kras, hi latcho. Un tchi hi pale-tchiddo, te parkrah men mer koleske pash o Debleste.

1. Samuel 14:32

un jaake bari bok, te peran le pral ko koowa, hoi i Filistarja pal pende mukan, un lan penge bakre, grumja un terne grumja un dan len mulo, un chan o mass, kai o rat gomme dren hi.

1. Samuel 14:33

Un o Sauleske was penlo: “I lurde anenn doosh ap pende glan o baro Debleste: Jon chan o mass, kai o rat gomme dren hi.” Koi das o Saul gole: “Hawo pale-tchiddo koowa glan o baro Debleste! Anenn i baro bar kai pash mande!”