5. Mose 11:24 - O Debleskro Drom 2021 (Sinte)

²⁴ Hako kotar phub ap koleste tumare pire stakrenn, hi tumenge, o tselo them mank o mulo tato them un i berge Libanon, un mank o lengsto pani Eufrat un o Mashkralstuno Baro Pani.

O Debleskro Lab 2024 (Sinte-Manouche)

²⁴ Hako kotar phoub ap koleste t'mare pire stakrenn, hi t'menge, o tselo them mank o moulo tato them oun i berge Libanon, oun mank o lengsto pani Eufrat oun o Mashkralstouno Baro Pani.

5. Mose 11:24 ပူးပေါင်းရင်းမြစ်များ

2. Familjakro liil 9:26

Un job his o baro rai pral i tsele rajende pral i themma mank o baro pani Eufrat un o them, kai i Filistarja djiwan un bis pash o them Egiptia.

2. Mose 23:31

Un me penau, har bares tiro them wella. Job djal fun ko Baro Lolo Pani bis pash ko baro pani, kai i Filistarja djiwenn, un fun o mulo tato them bis pash o lengsto pani Eufrat. Kolla, hoi kote djiwenna, dau an tiro wast, te tradenn tumer len dran o them win.

Joel 2:20

Un me tradau kol bud lurden krik tumendar, kai wenn koi rigjatar, kai norden hi. Kolla lendar, kai djan glanstunes, tradau an o Mulo Baro Pani, un kolla, kai wenn palstunes, tradau an o Mashkralstuno Baro Pani; un i tsele wawar lurden tradau an i diwjo tato them. Kote merenn le. Un lengri khand djal pre. Jaake lenn le pengri phagi ko bud tchilatchepaske, hoi le kran.

5. Mose 1:7

Stenn kanna pre un djan dureder pash i berge, kai i Amorarja djiwenn, un kote, kai kol Kanaanitarja djiwenn: an o telstuno them o panjestar Jordan, un an o pralstuno them, un an o diwjo them Shefelah un an o them Negev pash o baro pani bis pash i berge Libanon un o baro lengsto pani Eufrat.

5. Mose 1:8

Kau tselo them tchiwom me glan tumende, djan tumer koi, un lenn les tumenge dren! Kowa hi ko them, kolestar o baro Dewel tumare phurende, o Abrahameste un o Isaakeste un o Jakobeste pes sowel das, te dell lo les lende un lengre tchawende un kolende, kai pal lende wenna.

5. Mose 12:20

Te dell tumaro baro Dewel – jaake har lo rakras – tumende budeder them, un tumen hi bok ap mass, palle chan mass an tumare gaba un forja, jaake bud har kamenn!

5. Mose 34:2

un o tselo them Naftali, un o tselo them Efrajim un Manasse, un o tselo them Juda bis pash o baro pani kote, kai o kham tele djal;

Josua 14:9

Ap ko diwes das o Mose pes sowel, un penas: ‘Ko them, kai tiri heri pre stakras, hi tuke un tire tchawenge hako tsireske doleske, kai tu rikral ap o baro Debleste, kai miro Dewel hi, un patsal leske.’