5. Mose 11:2 - O Debleskro Drom 2021 (Sinte)

² Un lenn kau diwes an o dji, hoi sikras o baro Dewel tumende, un gar tumare tchawende. Kolla djinenn kowa gar. Jon dikan les gar. Tumer han, kai dikan leskro railepen un hoi lo tumenge kras peskri sorelo wasteha un pre-hadedi mussjah.

O Debleskro Lab 2024 (Sinte-Manouche)

² Oun lenn kava dives an o dji, hoy sikras o baro Devel t'mende, oun gar t'mare čavende. Kolla djinenn kova gar. Yon dikan les gar. T'mer han, kay dikan leskro raylepen oun hoy lo t'menge kras peskri zorelo vasteha oun pre-hadedi moussyah.

5. Mose 11:2 ပူးပေါင်းရင်းမြစ်များ

Debleskri gili 136:12

Peskro sorelo wasteha kras lo kowa. Leskro latchepen atchella hako tsireske!

2. Mose 6:6

Doleske pen ap i Israelitarja: ‘Me hom o baro Dewel! Me lau tumen win dran tumari phari budi, hoi i Egiptarja ap tumende tchiwan. Miri bari choli well ap lende, un bari sorjah lau tumen win.

Gosewe laba 22:19

Kamoms, te dikess un rikress ap o baro Debleste. Doleske penau me tuke kowa kau diwes.

Jesaja 53:5

Mari doosh his kowa, kolake job dukedo was. Un koleske, hoi mer tchilatches kram, was job khetne dino. I phagi his ap leste tchiddo, te djas menge mishto. Job was dukedo, te was mer sasto.

Bičepangre 26:22

O Dewel his hako diwes pash mande. Un kanna hom kate tardo, un penau barenge un tiknenge, hoi o Dewel kras. Me penau tchi wawares, har kol Debleskre rakepangre un o Mose glan i rah tsiro penan.

5. Mose 29:10

tumare tchawe un tumare djuwja un kol wi-themarja kolla mank tumende djiwenn, ninna kolla, kai tumenge o kasht tiknes denn un o pani anenna.

5. Mose 3:24

“Baro Dewel, miro rai, tu sikral man, tiro budepaskres, tiro barepen un tiro sorelo wast. An o bolepen un ap i phub hi kek wawar dewel, kai nai krell sawo baro koowa an sawi bari soor har tu.

5. Mose 4:34

Kek wawar dewel djas un las peske menshen win dran i wawar them, har job kras, har las lo tumen win dran o them Egiptia. Job sikras peskri bari soor un kras sau koowa, hoi kek wawar nai krell, un anas bud bibacht ap i Egiptarjen. Job kuras pes tumenge. Peskro sorelo wasteha un peskri pre-hadedi mussjah las lo tumen win, un kras i Egiptarenge bari daar. Kowa lauter dikan tumer.

5. Mose 5:24

un penan: “Dik, maro baro Dewel sikras men peskro railepen un barepen. Un mer shunam leskro rakepen dran i jag win. Kau diwes haiwam mer, te rakrell o baro Dewel i menshentsa, un o jon atchenn djides.

5. Mose 7:19

Tumer dikan, har lo peskri bari soor sikras, un kras sau koowa, hoi kek wawar nai krell, un anas bud bibacht ap i Egiptarjen. Peskro sorelo wasteha un peskri pre-hadedi mussjah anas lo tumen win. Jaake krell tumaro baro Dewel i menshentsa an i tsele themma, kolendar tumer darenn.

5. Mose 8:19

Ma bistrenn tumaro baro Debles! Ma nashenn wawar deblen palla! Un ma witsrenn tumen glan lende tele, te mangenn len an! Te krenn kowa, palle dau tumen kau diwes miro lab pre, te wenn tumer jaake mulo dino,

5. Mose 9:26

Un me mangom o baro Debles un penom: “Baro Dewel miro rai, ma mare tire menshen, kol menshen, kai tu win lal dran o them Egiptia tiri bari sorjah un tiro sorelo wasteha, te wenn le tire menshe!

Josua 24:31

Un i Israelitarja mangan o baro Debles an, jaake rah har o Josua djiwas, un jaake rah, har pal leste kol phureder djiwan, kai ko tselo koowa dikan, hoi o baro Dewel i Israelenge kras.