5. Mose 11:17 - O Debleskro Drom 2021 (Sinte)

¹⁷ Te krenn sawo koowa, nashte well i choli o baro Deblestar pral tumende, un job pandell o bolepen tele, te dell buder gar brishin, un i phub nai mukell tchi pre te djal. Palle merenn tumer sik win an kau latcho them, hoi o baro Dewel tumen das.

O Debleskro Lab 2024 (Sinte-Manouche)

¹⁷ Te krenn savo koova, nashte vell i rholi o baro Deblestar pral t'mende, oun yob pandell o bolepen tele, te dell bouder gar brishin, oun i phoub nay moukell či pre te djal. Palle merenn t'mer sik vin an kava lačo them, hoy o baro Devel t'men das.

5. Mose 11:17 ပူးပေါင်းရင်းမြစ်များ

1. Rajengro liil 17:1

O Elija dran o gab Tishbe an o them Gilead penas ap o Ahab: “Me penau tuke an o lab o baro Deblestar, kai o Israeleskro djido Dewel hi, glan koleste hom me tardo: An kol bersha, hoi kanna wenna, dell kek brishin, witar gar djal i sapeno ducho pre dran i phub, bis te penau me kowa.”

1. Rajengro liil 8:35

Te mukenn tire menshen Israel tiro drom, un tu rikreh doleske o brishin pale, un jon denn tut an-gole un rissrenn lengre muja ap koi rig, kai kau kheer tardo hi, un mangenn pen tele glan tute un mukenn o tchilatchepen, koleske tu len dal,

2. Familjakro liil 6:26

Te mukenn tire menshen Israel tiro drom, un tu rikreh doleske o brishin pale, un jon denn tut an-gole un rissrenn lengre muja ap koi rig, kai kau kheer tardo hi, un mangenn pen tele glan tute un mukenn o tchilatchepen, koleske tu len dal,

2. Familjakro liil 7:13

Shun, te bitchrau i tsiro, kai dell kek brishin, kai chan i stepangre o tselo senlepen ap o them pre, oder kai bitchrau i djungelo nasslepen ap mire menshende,

Hiob 12:15

Rikrell job o brishin pale, well o tselo them truk. Mukell lo bud brishin te perell, tchakrell bud pani o them, un krell les paash.

3. Mose 26:19

Tumaro pre-phurdepen un tumaro pesso shero phagau, un dau tumen buder kek brishin. Ko bolepen pral tumende well har saster, un koi phub tel tumare pire sorelo har barra.

3. Mose 26:20

Tumari phari budi hi tchitcheske. Ap tumari hachetikri phub well tchi bares. Un i ruka an o them hidjrenn kek rukengre.

Amos 4:7

Triin tchon glan kowa kai anan tumaro djob dren, rikrom o brishin pale. Un me dom brishin ap jek foro un gar ap i wawar. O brishin peras ap jek hachetikri phub, un koi wawar phub, kai kek brishin das, meras tele.

5. Mose 31:20

Me anau len an ko them, jaake har man sowel dom glan lengre phurende, te krap kowa. Kowa hi i them, an koleste bud thud un gwin hi. Un jon chan un wenn tchalo un thullo. Un kote nashenn le wawar deblenge palla, un mangenn kolen an. Un ap mande dikenn le tele, un phagenn koi sowel, hoi le mantsa dren djan.

5. Mose 4:26

Kau diwes dau man sowel glan o bolepen un i phub, te krenn tumer sawo koowa, djiwenn gar rah an o them, hoi tumer dren lenna wergel o pani Jordan. Kokres i tikno tsiro atchenn tumer koi. Palle wenn tumer lauter krik tradedo.

5. Mose 6:15

Tiro baro Dewel hi mank tumende un kamell te kamess les kokres. Te rikreh gar pash leste, well leskri choli pral tute, un job lell tut krik i phubjatar.

5. Mose 9:19

Leskri choli ap tumende his jaake baro, te darom, te marals job tumen. Un o baro Dewel shunas ninna kau kopo ap mande.