5. Mose 10:8 - O Debleskro Drom 2021 (Sinte)

⁸ Ko tsireske rodas peske o baro Dewel kol murshen dran o kheer Levi win, te hidjrenn jon o mochton, kai o Debleskre deesh laba dren hi, un te wenn jon rashaja un budrenn leske, un rakrenn an leskro lab bacht win pral i menshende. Un kowa krenn le ninna kau diwes.

O Debleskro Lab 2024 (Sinte-Manouche)

⁸ Ko tsireske rodas peske o baro Devel kol morshen dran o kheer Levi vin, te hidjrenn yon o morhton, kay o Debleskre deesh laba dren hi, oun te venn yon rashaya oun boudrenn leske, oun rakrenn an leskro lab barht vin pral i menshende. Oun kova krenn le ninna kava dives.

5. Mose 10:8 ပူးပေါင်းရင်းမြစ်များ

1. Rajengro liil 8:6

Un i rashaja anan o mochton o Debleskre deesh labentsa ap peskri platsa an koi palstuni isema, hoi kharell Debleskri kutch isema. Jon tchiwan o mochton tel kol dui bolepangre figure, kai kharenn Cherubim, tel lengre tchirklengre mussja.

1. Familjakro liil 15:2

An ko tsiro penas o David: “Kek hunte hidjrell o mochton o Debleskre deesh labentsa, har kokres i Levitarja, kolen rodas o baro Dewel win, te hidjrenn jon ko mochton, un te budrenn jon leske hako tsiro.”

1. Familjakro liil 15:26

Un o Dewel his i Levitarentsa, kai o mochton hidjrenn, kai o baro Debleskre deesh laba dren hi, un lauter djas mishto. Doleske maran le leske efta terne gurma un efta mursh bakre.

1. Familjakro liil 23:13

O Amram, leskre tchawe his: o Aron un o Mose. Un o Aron un leskre tchawe wan win rodedo, te wenn le rashaja hako tsireske. Jon kokres nai kran o baro Debleskri budi: nai chatchran viechen ap leskri chatchepaskri, un nai rakran o Debleskri bacht win pral i Israelitarja.

1. Familjakro liil 23:26

Jaake hunte hidjran i Levitarja buder gar o Debleskro plachteno kheer un halauter, hoi koi dren his, har glan kowa kerdo was.

2. Familjakro liil 29:11

Tumer, kai han har mire tchawe, ma nashrenn kek tsiro! Djan ap tumari budi! Tumer han kolla, kai o baro Dewel wi-rodas, te wenn glan leste tardo un budrenn leske un anenn leske viechen un sungepaskro koowa.”

2. Familjakro liil 30:27

Un i rashaja un i Levitarja stan pre un rakran o Debleskri bacht pral i tsele menshende win. Un o baro Dewel shunas lengro rakepen, un hoi le lestar mangan, was pash leste an o bolepen shunlo.

Debleskri gili 134:1

I gili te giwell ap o drom an Jerusalem. Stenn pre! Sharenn o baro Debles, tumer tsele budepangre o baro Deblestar, kai han tardo rati an o baro Debleskro kheer!

Debleskri gili 134:2

Hadenn tumare wasta pre an leskro Debleskro kheer, un sharenn o baro Debles!

Debleskri gili 135:2

tumer, kai tardo han an o baro Debleskro kheer, ap koi platsa glan o kheer maro Deblestar.

Jeremia 15:19

Doleske penell o baro Dewel: Te rikreh tu tut ap mande, rikrau me man ap tute, un tu atcheh miro rakepaskro. Te rakreh tu, hoi mishto hi, un rakreh gar, hoi tchi-moldo hi, hal tu miro mui. Jon hunte wenn pash tute, tu djas gar pash lende!

Ezekiel 44:11

Lengri budi an miro kheer hi kanna, te denn le jak an i bare wudja glan miro kheer. Ninna hunte marenn le kol viechen, hoi i menshe mange anenn, sawe vieche, kai wenn tseles chatchedo un sawe, hoi chan le khetne glan mande. Jaake budrenn le mire tsele menshenge.

Ezekiel 44:15

Kol rashaja dran o kheer Levi, kolengro phuro dad o Zadok his, jon atchenn mire rashaja, un nai budrenn mange. Har i Israelitarja mandar tele peran, kran jon pengri budi mishto an miro kheer. Doleske nai atchenn le mire rashaja un nai anenn o thulepen un o rat kol marede viechendar glan mande. Kawa penell o baro Dewel, maro rai.

3. Mose 8:9

Palle tchiwas lo o shereskro pandepen trul leskro shero, un glan ap koleste i tikno sonakaskro kotar, jaake har o baro Dewel les o Moseske penas.

3. Mose 9:22

Har anas o Aron kal tsele viechen o Debleske, hadas lo peskre wasta pre pral i tsele menshende, un rakras o Debleskri bacht pral lende win. Palle djas lo koi treppa tele fun koi chatchepaskri.

4. Mose 3:31

Un jon hunte denn garda ap ko sonakaskro mochton, koi chapaskri, koi momelengri, o Debleskro sonakaskro bob un o Debleskri sasterni chatchepaskri, kai vieche chatchede wenna. Ninna denn le garda ap i tselo Debleskro koowa an leskro kheer, koleha jon budrenna, ninna ap koi plachta mank kol dui iseme un ap halauter, hoi koi pashel hi.

4. Mose 3:6

“An kol menshen dran o kheer Levi kai! An len glan o rashajeste Aron, te wenn le leske koi.

4. Mose 4:15

Ap ko tsiro, kai djan i Israelitarja dureder, hunte krenn o Aron un leskre tchawe kawa halauter un hunte tchakrenn kol tsele kotja o Debleskro plachteno khereske un halauter, hoi koi pashel hi. Pal kowa wenn kol Kohatarja un hidjrenn kowa. Kaja hi lengre budi. Jon taprenn kokres kol plachte an, hoi trul ko tselo koowa tchiddo hi, un gar ko Debleskro koowa, te merenn jon gar.

Johanni 15:16

Tumer rodan man gar win. Me rodom tumen win, te djiwenn jaake, te well dran tumaro djipen latcho koowa, hoi atchella. Un o dad dell tumen halauter, hoi mangenn lestar an miro lab.”

Bičepangre 13:2

His i diwes, kai sharan le o Debles un chan tchi, te wenn le leske feteder koi. Koi penas lenge o Debleskro Ducho: “Bitchrenn o Barnabes un o Saules win, te krenn le koi budi, hoi me len dau. Me dom len gole, te krenn le kowa.”

Remarja 1:1

Me, o Paulo, o budepaskro o Jesus Kristestar, tchinau kau liil. Job das man gole, te wap leskro bitchepaskro, un rodas man win, te sikrap i menshende leskro drom.

Remarja 12:7

Wawar patsle haiwenn, har te wenn le nai i wawarenge koi. Koi budi hunte krenn le. Wawar haiwenn i menshenge o Debleskro drom te sikrell. Kolla hunte krenn kowa ninna.

2. Korintarja 6:17

Doleske penell o Dewel: Djan kolendar krik, kai sharenn wawar koowa! Ma awenn lentsa khetne! Lenn tchi an tumare wasta, hoi hi pale-tchiddo glan mire jaka! Palle lau tumen kamles pash mande pre.

Galatarja 1:15

O Debles his i wawar drom mange. Job kamas mande peskro tchawes te sikrell, te djinap, koon job hi. Har me gomme gar boldo homs, rodas job man win. Un job his mange latcho un das man gole, te djap pash kolende, kai kek bibolde hi, te penap lenge leskro tchawestar. Har o Dewel man pash lende bitchras, putchom gar i menshendar, te penenn le mange, hoi te krap,

5. Mose 17:12

Te hi jek koi, kai hi jaake pre-phurdo, te shunell lo gar ap o rashajeste, kai krell i budi o baro Debleske, oder ap o tchatchepaskro mursheste, palle hunte well ko mursh maredo. Tumer hunte lenn o tchilatchepen dran Israel win.

5. Mose 18:5

Tumaro baro Dewel rodas peske o kheer Levi win dran i tsele Israelitarjen, te wenn i mursha dran o kheer Levi leskre rashaja hako tsireske.

5. Mose 21:3

Un i phureder dran ko foro, hoi o glanstuno pash ko muleste tardo hi, kolla lenn i terni grumni, hoi budras gomme gar ap i hachetikri phub,

5. Mose 21:5

Palle stakrenn i rashaja dran o kheer Levi glan. Kolen rodas tumaro baro Dewel win, te krenn le leskri budi, un te rakrenn le leskri bacht win pral i menshende. Un an i tchingepen un pal i marepen rakrenn le o tchatchepen win.

5. Mose 31:9

O Mose tchinas kal tchatchepaskre laba an i liil, un das les kol phureden pral Israel un kol rashajende dran o kheer Levi, kai o Debleskro mochton hidjran, kai o Debleskre deesh laba dren hi.