5. Mose 10:22 - O Debleskro Drom 2021 (Sinte)

²² 70 (efta-deesh) menshe his tumare phure, har le an o them Egiptia tele djan. Un kanna kras tumaro baro Dewel tumendar jaake bud har i bolepangre momlia.

O Debleskro Lab 2024 (Sinte-Manouche)

²² 70 (efta-deesh) menshe his t'mare phoure, har le an o them Egiptia tele djan. Oun kanna kras t'maro baro Devel t'mendar yaake boud har i bolepangre momlia.

5. Mose 10:22 ပူးပေါင်းရင်းမြစ်များ

1. Mose 15:5

Un o Dewel anas les win un penas: “Dik an o bolepen! Un dik i bolepangre momlia! Nai peneh tu, har bud kolla hi? Jaake bud menshe wenna tutar.”

1. Mose 46:26

I tsele tchawe un tchawengre tchawe o Jakobestar, kai leha an o them Egiptia djan, his 66 (shob-deesh-te-shob). Koi pashel wenna leskre tchawengre romja.

1. Mose 46:27

O Josefes his dui tchawe, kai an o them Egiptia bolde wan. Khetne lentsa his jon efta-desha menshe an o Jakobeskri familja, kai djan an o them Egiptia.

Nehemia 9:23

Un lengre tchawen mukal tu budeder te well har i momlia an o bolepen, un anal len an ko them, kolestar tu ap lengre phurende penal, te djan le koi un lenn ko them dren.

2. Mose 1:5

Khetne pengre tchawentsa un tchawengre tchawentsa his le 70 (efta-deesh). O Josef his glan lende an o them Egiptia.

4. Mose 26:51

I tsele Israelitarja his khetne 601.730 (shob-sheel-te-jek-serja-efta-sheel-te-triin-deesh) mursha.

4. Mose 26:62

Un i tsele mursh Levitarja, kai his jek tchon un phureder, his khetne 23.000 (biish-te-triin-serja). Jon lan kek them har i wawar Israelitarja. Doleske wan le gar lentsa khetne ginlo.

Bičepangre 7:14

O Josef mukas peskro dades, un peskre tsele menshen an o them Egiptia te well. Kolla his efta-deesh-te-pantch menshe.

5. Mose 1:10

Tumaro baro Dewel kras tumen jaake bud. Tumer han kau diwes jaake bud har kol momlia an o bolepen hi.

5. Mose 1:11

Mu tchiwell job, ko Dewel tumare phurendar, gomme jek sero (1.000) kope jaake bud pashel. Mu tchiwell lo peskri bacht un soor ap tumende, jaake har job pral tumende win rakras.

5. Mose 26:5

Un tu peness glan o baro Debleste, kai tiro Dewel hi: “Miro phuro dad his i Aramari, koles kek them his, kai lo khere his. Un job djas peskri familjah an o them Egiptia, un his kote i wi-themari. Leskre menshe his gar budeder har i wast pherdo, un kote wan le bud un budeder, i bari soreli natsjona.

5. Mose 28:62

Tumer hans jaake bud menshe har i momlia an o bolepen. Te shunenn gar ap tumaro baro Debleste, atchenn tumendar kokres i wast pherdo djido.

Hebrearja 11:12

Har o tchawo boldo was, his o Abraham ninna jaake phuro, te nai wals lo buder gar o dad i tchawestar. Un job was o dad bud bud menshendar. Leskre tchawe, tchawengre tchawe un lauter, kai pal leste wan, wan jaake bud har i bolepangre momlia, un har i tikne barra pash o baro pani, kai kek djinell, har bud kolla hi.