5. Mose 10:2 - O Debleskro Drom 2021 (Sinte)

² Un me tchinau ap kol barra kol laba hoi ap kol glanstune dren tchinlo his, kolen tu paash phagal. Un tu tchiwess kol barra an kau mochton!”

O Debleskro Lab 2024 (Sinte-Manouche)

² Oun me činau ap kol barra kol laba hoy ap kol glanstoune dren činlo his, kolen tou paash phagal. Oun tou čivess kol barra an kava morhton!”

5. Mose 10:2 ပူးပေါင်းရင်းမြစ်များ

1. Rajengro liil 8:9

Un an ko mochton his tchi dren, har kokres kol dui barra, hoi o Mose dren tchiwas pash i berga Horeb. An lende his o baro Debleskre deesh laba dren tchinlo, hoi i Israelitarja hunte rikrenn. Kowa kras lo lentsa win, har jon win wan dran o them Egiptia.

2. Familjakro liil 5:10

Un an ko mochton his tchi dren, har kokres kol dui barra, hoi o Mose dren tchiwas pash i berga Horeb. An lende his o baro Debleskre deesh laba dren tchinlo, hoi i Israelitarja hunte rikrenn. Kowa kras lo lentsa win, har jon win wan dran o them Egiptia.

2. Mose 32:19

Har was o Mose pash i menshende, un dikas ko terno gurum, un har i menshe khelan, was an leste i bari choli. Job witsras kol barra dran peskre wasta un phagas len an kotja tella pash i berga.

2. Mose 34:1

O baro Dewel penas ap o Moseste: “Kre tuke dui bare barra, har kolla his, kai tu paash dal! Palle kamau me pale kol laba dren te tchinell, hoi an i wawar barra tchinlo his.

2. Mose 40:20

Un job las i barra, kai o Debleskre deesh laba dren tchinlo hi, un tchiwas len an o sonakaskro mochton, un tchiwas i hidjepaskre kashta an i gustria ap o mochton. Un pral ap o sonakaskro mochton tchiwas lo o pralstuno kotar, hoi sikrella, kai o baro Dewel peskre menshenge latcho hi.

5. Mose 10:5

Un me rissrom man un djom i berga pale tele. Un me tchiwom kol barra an ko mochton, hoi me krom. Un kote hi le, jaake har o baro Dewel mange penas.

5. Mose 4:13

Un job kras tumentsa win, te hi lo tumaro Dewel, un tumer han leskre menshe. Un job das tumen kol deesh laba, hoi tchinas lo an dui barra, un penas tumenge, te hunte rikrenn tumen ap kowa, hoi tumer leha win kran un hunte djiwenn pal kol deesh laba.

Hebrearja 9:4

An i palstuni isema his o sonakaskro bob tardo, kai kutch gudlo kasht pral pre chatchedo was, hoi mishto sungella. Koi his ninna o sonakaskro mochton. An leste his o sonakaskro khoro, kai his ko maro dren tchiddo, hoi Manna kharella. An ko mochton his ninna o Aroneskro kasht, hoi senelo was, ninna kol dui tchinle barra. Ap kolende his i deesh Debleskre laba tchinlo, hoi o Dewel peskre menshentsa win kras.