5. Mose 10:15 - O Debleskro Drom 2021 (Sinte)

¹⁵ Tumare phuren kamas lo o djijestar. Un tumer, kai lendar wan, rodas lo peske win mank i menshende dran an i tsele wawar themma. Un ninna kau diwes han tumer leskre wi-rodede menshe.

O Debleskro Lab 2024 (Sinte-Manouche)

¹⁵ T'mare phouren kamas lo o djiyestar. Oun t'mer, kay lendar van, rodas lo peske vin mank i menshende dran an i tsele vavar themma. Oun ninna kava dives han t'mer leskre vi-rodede menshe.

5. Mose 10:15 ပူးပေါင်းရင်းမြစ်များ

Debleskri gili 135:4

O baro Dewel rodas peske o Jakobeskre menshen win, awa, o Israel las lo, te well lo leskro.

Debleskri gili 44:3

Tu tradal tiro wasteha i wawar menshen win dran lengro them, un dal ko them mare phurende. Kol wawar menshen dal tu paash, te nai djiwan mare phure an ko them.

Amos 3:2

Mank i tsele natsjone ap kai phub han tumer kokres kolla, kolen mange win rodom, un ap lende jak dom. Doleske hi tumari doosh jaake baro, un me hunte dap tumen i phagi.

4. Mose 14:8

Te hi o baro Dewel kamlo ap mende, anell job men an ko them un dell les mende. Kowa hi i them, kai hi bud thud un gwin.

Remarja 11:28

Te dikau, har patsenn i bibolde gar ap o latcho lab o Jesus Kristestar, hunte penap: Jon hi gar o Debleskre mala. Kowa was jaake, te nai wenn tumer pash o Debleste. Te dikau, har rodas o Dewel lengre phuren an o phuro tsiro win, hunte penap, kai leskro kamlepen lenge his.

5. Mose 4:37

Job kamas tumare phuren o tselo djijestar, un rodas lengre tchawen win un kolengre tchawen, un halauter kai lendar wenna. Un job djas tumentsa, har anas lo tumen win dran o them Egiptia peskri bari sorjah,

1. Petro 2:9

Tumer han kolla, kai o Dewel peske win rodas. Tumaro baro rai hi o Jesus Kristo. Koleskre rashaja han tumer, te wenn leske koi. Tumer han o Debleskre menshe, kolen job khetne gole das, te penenn tumer i menshenge, hawo baro un latcho koowa o Dewel kras. Job las tumen dran i rati win, un anas tumen pash peste, kai hi lauter shukar un djudjo.