5. Mose 10:12 - O Debleskro Drom 2021 (Sinte)

¹² Un kanna Israel, shun, hoi tiro baro Dewel kamell, te kress! Tu mangess les an, djas ap leskro drom an halauter hoi tu kreh. Tu kamess les o tselo djijestar, un wess leske koi tiri tseli sorjah.

O Debleskro Lab 2024 (Sinte-Manouche)

¹² Oun kanna Israel, shoun, hoy t'maro baro Devel kamell, te kress! Tou mangess les an, djas ap leskro drom an halauter hoy tou kreh. Tou kamess les o tselo djiyestar, oun vess leske koy tiri tseli zoryah.

5. Mose 10:12 ပူးပေါင်းရင်းမြစ်များ

1. Rajengro liil 3:3

O Salomo kamas o baro Debles o djijestar, un djiwas pal kol laba, hoi leskro dad, o David, leske penas. Jek koowa kras lo, hoi gar mishto his: Job maras ninna viechen i wawar deblenge un chatchras lenge sungepaskro koowa.

2. Rajengro liil 10:31

O Jehu rikras pes gar peskro tselo djijestar ap i laba o baro Deblestar, kai o Israeleskro Dewel hi. Job mukas gar kol chochene deblen, hoi o Jerobeam kras, un kolentsa job i Israelitarjen o Debleskro dromestar tele anas.

2. Rajengro liil 18:3

Un job kras, hoi glan o baro Debleskre jaka mishto hi, har leskro phuro dad, o David, ninna kras.

2. Rajengro liil 18:6

Job rikras pes ap o baro Debleste un mukas lestar gar tele, un rikras pes ap leskre tsele laba, kai o baro Dewel o Moseske penas.

1. Familjakro liil 28:9

Un tu, miro tchawo Salomo, pats ap o Debleste tiro dadestar, te well job tiro Dewel. Kre tiro tselo djijeha, hoi lo tuke penell! Job dikell an i menshengre djia, un haiwell, hoi an lengre sherja trujel djal. Te rodeh les, hatseh les. Te mukeh les, tchiwell lo tut pale hako tsireske.

2. Familjakro liil 15:12

Un jon dan pengro lab, te rikrenn le pen ap kowa, hoi o baro Dewel lengre phurentsa win kras, te rodenn le les o tselo djijeha un i tseli sorjah.

Hiob 36:11

Te shunenn le ap leste, un krenn, hoi job lendar kamell, palle djal lenge mishto, un jon hi bachtelo an kol tsele bersha, hoi glan lende hi.

Debleskri gili 119:2

Har bachtelo hi kolla, kai jaake djiwenn, har job lenge sikras, un pengro tselo djijestar ap leste shunenn.

Debleskri gili 128:1

I gili te giwell ap o drom an Jerusalem. Bachtelo hi hakeno, kai djiwell o baro Debleha, un djal ap leskro drom.

Debleskri gili 145:20

Kolla, kai les o djijestar kamenna, pral kolende rikrell lo peskre wasta. Kolla, kai tchilatcho koowa krenna, mukell lo te merell.

Debleskri gili 18:1

I gili o rajeske pral i gipangre. O David, kai o baro Debleskro budepaskro hi, kras kai gili un giwas lat o baro Debleske ap ko diwes, har o baro Dewel les win las dran i wasta lauterendar, kai leske tchilatchepen kaman, un ninna dran i wasta o baro rajestar Saul.

Debleskri gili 34:9

Haiwenn un dikenn har kamles o baro Dewel hi! Bachtelo hi kowa, kai pes ap leste rikrella.

Debleskri gili 81:13

Jaake mukom len kowa te krell, hoi jon kaman, un mukom len pal pengro shero te djal.

Debleskri gili 81:14

Har kamoms me, te shunans mire menshe ap mande, te djals o Israel ap miro drom!

2. Mose 23:25

Mangenn man, tumaro baro Debles, kokres an! Palle krau, te hi tumen doha maro un bud pani. Un me lau hako nasslepen, hoi mashkral tumende hi, tumendar krik.

Sikepaskro 12:13

Kowa lauter, hoi kate penlo was, hi khetne lino kowa: Shun ap o Debleste un rike leskre laba! Kowa molell i tsele menshenge.

Ezekiel 11:20

Palle krenn le, hoi lendar kamau, un djiwenn pal mire tchatchepaskre laba. Un jon hi mire menshe, un me hom lengro Dewel.

Micha 6:8

Na-a, o baro Dewel penas menge, hoi latcho hi, un hoi lo mendar kamella: Kowa hi: Rike tut ap o tchatchepen, ab latches ap o wawareste, un dja o tselo djijestar tiro Debleha!

Zefanja 3:9

Pal kowa dau i menshen an i wawar themma djudje muja, te kharenn le halauter o baro Debleskro lab an, un mangenn les khetne an.

Mateo 22:37

Penas o Jesus ap leste: “Tu kamess tiro Debles o tselo djijestar an tiro tselo djipen, an lauter, hoi tu djineh.

Louka 10:27

Penas ko mursh: “Tu hunte kamess tiro Debles o tselo djijestar, an tiro tselo djipen, tiri tseli sorjah, un an lauter, hoi tu djineh. Un ap i wawar mensheste hunte wess jaake latches, har hal latches ap tute kokres.”

Louka 11:42

Tumer Farisarja, hoi tumer krenna, ko hi gar mishto. Tumer denna o Debleske o deshto kotar tumaro tselo senlepastar, hoi an tumari baar hi, un tumer bistrenn o tchatchepen un o Debleskro kamlepen. Kawa hunte krenn, un ko wawar mukenn gar!

Bičepangre 9:31

I patsle an i themma Judea, Galilea un Samaria, kolen his kanna i latcho tsiro, kek las len buder palla. Un o Debleskro Ducho kras len soreles an o patsepen. Un jon shunan ap o Debleste un bud un budeder menshe wan patslo.

Remarja 1:9

Maro Dewel, koleske budrau o tselo djijeha un penau i menshenge leskro tchawestar, job djinella, me penau o tchatchepen: Me mukau gar tele, te mangap les tumenge.

Remarja 8:28

Mer djinah, halauter well mishto kolenge, kai o Debles kamenna. Glan rah tsiro his o Debles an peskro dji, te dell lo menshen gole, te djiwenn le leha khetne.

5. Mose 10:11

Un o baro Dewel penas ap mande: “Ste pre! Un dja glan i menshende win, te wenn le an ko them un lenn les penge dren, ko them, kolestar man glan lengre phurende sowel dom, te dap les lende.”

5. Mose 10:13

Djib pal leskro lab, un rike leskre tchatchepaskre laba, hoi tuke kau diwes penau. Palle djal tuke mishto.

5. Mose 11:1

O Mose penas dureder ap i Israelitarjen: Tumer hunte kamenn tumaro baro Debles o tselo djijestar! Krenn lauter, hoi lo tumendar kamell. Rikrenn tumen ap leskre tchatchepaskre laba, un djiwenn pal leskre laba jaake rah har djiwenn.

5. Mose 11:13

Jaake shunenn ap kol laba, hoi tumenge kau diwes penau, te kamenn tumaro baro Debles o tselo djijestar un wenn leske koi tumari tseli sorjah.

5. Mose 26:16

O Mose penas: “Israel, kau diwes penell tiro baro Dewel tuke, te kress halauter, hoi job tutar kamell, un djiwess pal kol tsele tchatchepaskre laba. Rike len tiro tselo djijeha un tiri tseli sorjah.

5. Mose 27:10

Doleske shunenn ap leste, un rikrenn tumen ap leskre laba un ap leskro tchatchepen, hoi tumenge kau diwes penau!”

5. Mose 30:16

Te krenn tumer, hoi me tumenge kau diwes penom, un kamenn tumaro baro Debles un djan ap leskre dromma, un djiwenn pal leskre laba un krenn, hoi job tumendar kamell un rikrenn tumen ap leskre tchatchepaskre laba, palle atchenn tumer djido. Un tumendar wenn bud menshe. Un tumaro baro Dewel tchiwell peskri bacht ap tumende an o them, kai dren djan, te lenn les tumenge dren.

5. Mose 30:20

Kamenn tumaro baro Debles! Shunenn ap leste, un rikrenn tumen ap leste! Kowa hi tumaro djipen. Un jaake nai djiwenn bud bersha an ko them, kolestar o baro Dewel pes sowel das glan tumare phurende, glan o Abraham, o Isaak un o Jakob, te dell lo les lende.

5. Mose 4:29

An kol themma rodenn tumer palle o baro Debles, kai tumaro Dewel hi. Te putchenn pal leste tumaro tselo djijeha un tumari tseli sorjah, hatsenn tumer les.

5. Mose 5:29

Har kamoms, te atchans lengre djia hako tsiro jaake, te rikrenn le man glan pengre jaka, un te denn le jak ap mire tsele laba! Palle djals lenge un lengre tchawenge mishto o tselo tsireske.

5. Mose 5:33

Djan jaake ap leskro drom, har job tumenge sikras! Palle atchenn djido, un djal tumenge mishto. Un tumer nai djiwenna i rah tsiro an ko them, hoi tumer dren lenn, te well lo tumaro.

5. Mose 6:13

Tu mangess o baro Debles an, un rikress les glan tire jaka pash halauter, hoi kreh. Te deh tut sowel, dess tiri sowel pash leskro lab.

5. Mose 6:2

jaake te rikrenn tumaro baro Debles glan i jaka tumaro tselo djipen, un denn jak ap halauter, hoi lo tumendar kamella, ap leskre tsele laba, hoi me tumenge penau, te rikrenn tumen ap lende, tumer un tumare tchawe un tchawengre tchawe. Jaake djiwenn tumer i rah tsiro an tumaro them.

5. Mose 6:24

Un maro baro Dewel penas, te kras kowa lauter, hoi job mendar kamell, un te rikras les glan mare jaka pash halauter, hoi krah, te djal menge mishto an maro tselo djipen, jaake har kowa kau diwes ninna hi.

5. Mose 6:5

Tu kamess les tiro tselo djijestar un tiro tselo djipah un tiri tseli sorjah.

1. Timoteo 1:5

Lauter, hoi peneh tu lenge pral o patsepen, hunte sikrell lende, te well lengro kamlepen dran i djudjo dji, un te well len i patsepen, an koleste kek chochepen hi, un te krenn le lauter jaake, har lengro dji lenge penella.

Hebrearja 12:28

O Debleskro them an o bolepen, kai khere ham, atchell soreles tardo, un kote djah mer. Doleske parkras men pash o Debleste, shunas ap leste, daras lestar un kras, hoi job kamella!

Josua 22:5

Un denn jak, te rikrenn o Debleskre laba un djan ap leskro drom, hoi sikras tumen o Mose, koles o baro Debleskro tchatcho wast his, har penas lo: Kamenn tumaro baro Debles o tselo djijestar. Djan ap leskre tsele dromma! Djiwenn pal leskre laba un mukenn les gar! Awenn leske koi o tselo djijestar un tumari tseli sorjah!”

Josua 24:14

Un o Josua penas dureder: “Pash halauter, hoi krenn, rikrenn tumenge o baro Debles glan i jaka! Mangenn les an i djudjo un tchatcho djijeha! Tchiwenn i chochene deblen krik, kolen tumare phure an-mangan, har his le ap i wawar rig o panjestar Eufrat un an o them Egiptia. Mangenn kokres o baro Debles an!

1. Johanni 2:15

Ma kamenn ko koowa, hoi i menshe ap kai phub kamenna! Ma kamenn ko koowa, hoi i menshe ap kai phub krenna! Te kamell jek ko koowa, hoi i menshe ap kai phub kamenna, kowa kamell gar o Debles, maro dades an o bolepen.

1. Johanni 5:5

Awa, kowa, kai patsella, kai o Jesus o Debleskro tchawo hi, koles hi i soor pral o tchilatcho koowa, hoi i menshe krenna.

1. Samuel 12:20

O Samuel penas ap lende: “Ma darenn! Hi tchatcho, te kran tumer kau tselo tchilatchepen; kanna shunenn ap o baro Debleste un djan leskro drom tumaro tselo djijeha!