5. Mose 1:8 - O Debleskro Drom 2021 (Sinte)

⁸ Kau tselo them tchiwom me glan tumende, djan tumer koi, un lenn les tumenge dren! Kowa hi ko them, kolestar o baro Dewel tumare phurende, o Abrahameste un o Isaakeste un o Jakobeste pes sowel das, te dell lo les lende un lengre tchawende un kolende, kai pal lende wenna.

O Debleskro Lab 2024 (Sinte-Manouche)

⁸ Kava tselo them čivom me glan t'mende, djan t'mer koy, oun lenn les t'menge dren! Kova hi ko them, kolestar o baro Devel t'mare phourende, o Abrahameste oun o Isaakeste oun o Yakobeste pes sovel das, te dell lo les lende oun lengre čavende oun kolende, kay pal lende venna.

5. Mose 1:8 ပူးပေါင်းရင်းမြစ်များ

1. Mose 12:7

Un o baro Dewel mukas pes o Abramestar te dikell, un penas ap leste: “Tire tchawen un kolengre tchawen un lauteren, kai pal tute wenna, kolen kamau kau them te dell.” Koi kras o Abram i chatchepaskri o baro Debleske, kai wenn vieche leske chatchedo – kote, kai o Dewel mukas pes lestar te dikell.

1. Mose 15:16

Un pal star menshengro phurepen wenna tire menshe kate pale. Koi doosh kolendar, kai kanna kate djiwenn – kolla hi i Amorarja – hi kanna gar bares doha, te tradap len win.”

1. Mose 15:18

Jaake das o baro Dewel o Abrameste ap ko diwes peskro lab, un penas: “Tire tchawen, kai tutar wenna, dau me kau them mank o lengsto pani o themestar Egiptia un o baro lengsto pani Eufrat.

Nehemia 9:15

Un maro dran o bolepen dal tu len, har len bok his. Un mukal lenge dran o baro bar pani win nashell, har len trush his. Un tu penal lenge, te djan le koi un lenn o them dren. Ko them koleske tu tiro wast hadal, un dal tut sowel, te dess len ko them.

2. Mose 23:31

Un me penau, har bares tiro them wella. Job djal fun ko Baro Lolo Pani bis pash ko baro pani, kai i Filistarja djiwenn, un fun o mulo tato them bis pash o lengsto pani Eufrat. Kolla, hoi kote djiwenna, dau an tiro wast, te tradenn tumer len dran o them win.

2. Mose 33:1

O baro Dewel penas ap o Moseste: “Djan dureder, tu un kol menshe, kolen tu dran o them Egiptia win anal. Djan an ko them, kai me man sowel dom glan o Abraham, o Isaak un o Jakob un lenge penom: ‘Tumare tchawen dau me kau them.’

Jeremia 32:22

Un dal tire menshen kau them, har tu tut sowel dal glan lengre phurende, te dess les lenge, – i them kai bud thud un gwin hi.

4. Mose 14:23

kolendar dikell kek ko them, kai lengre phurenge penom un man sowel pre dom, te dap les lende. Witar gar dikell kek ko them, kai rakras djungeles pral mande.

4. Mose 32:11

‘Kowa hi tchatcho, hoi penau: Kalla menshe, kai dran o them Egiptia win djan, un hi biish bersha un phureder, dikenn ko them gar, kai dom man sowel, te dap les o Abrahameste, o Isaakeste, un o Jakobeste. Jon djan mantsa gar o djijeha.

5. Mose 1:11

Mu tchiwell job, ko Dewel tumare phurendar, gomme jek sero (1.000) kope jaake bud pashel. Mu tchiwell lo peskri bacht un soor ap tumende, jaake har job pral tumende win rakras.

5. Mose 1:35

“Ma patsenn, te dikell jek mursh kal tsele murshendar kau latcho them, hoi me man pash lengre phurende sowel dom, te dap les lenge.

5. Mose 10:11

Un o baro Dewel penas ap mande: “Ste pre! Un dja glan i menshende win, te wenn le an ko them un lenn les penge dren, ko them, kolestar man glan lengre phurende sowel dom, te dap les lende.”

5. Mose 11:24

Hako kotar phub ap koleste tumare pire stakrenn, hi tumenge, o tselo them mank o mulo tato them un i berge Libanon, un mank o lengsto pani Eufrat un o Mashkralstuno Baro Pani.

5. Mose 11:9

Un tumer djiwenn i rah tsiro an ko latcho un brawelo them, hoi o baro Dewel pes glan tumare phurende sowel das, te dell lo les lende un lengre tchawende pal lende.

5. Mose 2:29

bis te was mer wergel o pani lengsto Jordan an ko them, hoi maro baro Dewel men della. Dik, ninna i Edomarja, kai djiwenn an Seir, un i Moabarja, kai djiwenn an Ar, kolla mukan men wergel lengre themma te djal.”

5. Mose 26:15

Dik tele ap mende dran tiro bolepaskro kheer! Un tchip tiri bacht ap mende, tire menshende Israel, un ap ko them, hoi tu men dal, jaake har tu tut glan mare phurende sowel dal, te deh men i them, hoi jaake latcho hi, te nashell thud un gwin koi dren.”

5. Mose 26:3

Un tu djas pash o rashajeste, kai an kol diwessa koi hi, un peness ap leste: “Me mukau kau diwes tiro baro Debles te djinell, te wom an ko them, kolestar o baro Dewel pes sowel das glan mare phurende, te dell lo les mende.”

5. Mose 28:11

Un o baro Dewel krell, te well tumen bud latchepen, budeder har doha. Job dell tumen bud tchawe un bud vieche. Bud djob un wawar koowa well baro ap tumari phub an ko them, kai o baro Dewel pes glan tumare phurende sowel das, te dell lo les tumende.

5. Mose 30:20

Kamenn tumaro baro Debles! Shunenn ap leste, un rikrenn tumen ap leste! Kowa hi tumaro djipen. Un jaake nai djiwenn bud bersha an ko them, kolestar o baro Dewel pes sowel das glan tumare phurende, glan o Abraham, o Isaak un o Jakob, te dell lo les lende.

5. Mose 31:7

O Mose das o Josua gole un penas ap leste glan i tsele Israelitarjen: “Ab sorelo un ma traash! Tu aneh kal menshen an ko them, kowa o baro Dewel pes sowel das glan lengre phurende, te dell lo les lende. Un tu deh halauterenge pengro kotar them.

5. Mose 34:4

Un o baro Dewel penas ap leste: “Kawa hi o them, kolestar penom un me man sowel dom glan o Abraham, o Isaak un o Jakob, te dap kau them lengre tchawende, kai pal lende wenna. Me mukom les tut tire jakentsa te dikell. Pral wergel djas tu gar.”

5. Mose 4:1

Kanna shun, Israel, hoi tumaro baro Dewel tumendar kamell. Denn jak ap leskre tchatchepaskre laba, hoi me tumen sikrau. Rikrenn tumen ap kowa, te atchenn djido, un te wenn dren an ko them, te nai lenn les tumenge dren, ko them, ap koleste tumaro baro Dewel tumare phurenge pes sowel das, te dell lo les lende.

5. Mose 6:10

O baro Dewel, kai tiro Dewel hi, anell tut an ko them, kai job pes pash o Abraham, o Isaak un o Jakob sowel das, te dell lo les tute. Kote hi bare un shukar forja, hoi tu gar kral,

5. Mose 7:12

Te shunenn tumer leskro tchatchepen, un rikrenn tumen ap leskre laba, un djiwenn pal lende, palle rikrell tumaro baro Dewel, hoi lo tumare phurentsa win kras, un peskro wast pre das, un well tumenge latches.

5. Mose 7:13

Dran peskro kamlepen dell job tumen bacht un bud tchawen, ninna bud djob, mool un djet. Un tumare grumja un bakre wenna bud an o them, kolestar job glan tumare phurende pes sowel das, te dell lo les tumende.

5. Mose 7:8

Dran peskro kamlepen tumenge rodas o baro Dewel tumen win, te rikrell lo peskri sowel dren, hoi job tumare phurende das. Doleske anas lo tumen peskro sorelo wasteha win dran o them, kai pandlo hans, dran o wast o Faraestar, ko rajestar pral Egiptia.

5. Mose 8:1

Rikrenn kol tsele laba, hoi tumenge kau diwes penau. Djiwenn pal lende! Jaake atchenn djido un wenn bud menshe, un nai lenn ko them tumenge dren, kolestar o baro Dewel glan tumare phurende pes sowel das, te dell lo les lende.

5. Mose 9:5

Hi gar doleske, te wans latche menshe un tumen wals i djudjo dji, te wenn tumer an ko them, te lenn les tumenge dren. Na-a, tumaro baro Dewel tradell kol menshen win ko tchilatchepaske, hoi le kran, te rikrell job koi sowel dren, hoi lo tumare phurende, o Abrahames un o Isaakes un o Jakobes, das.

Hebrearja 6:13

Te dell i mensho peskro lab, dell lo peskro dadeskro wast koi pre. Leskro dad hi bareder har job. Jaake sikrell lo o wawares, te krell lo tchatchepah kowa, hoi job penas. Un ko wawar patsell les. Har das o Dewel o Abrahameste peskro lab, das lo peskro wast koi pre. His kek, kai his bareder har o Dewel. Un o Dewel penas: Tchatchepah, bud bacht mukau pral tute te well, un tutar wenna bud bud tchawe. Un o Abraham patsas o Debles, un witsras gar peskro patsepen ap i rig. Un jaake las lo kowa, hoi o Dewel leske penas.

Josua 1:6

Ab soreles un ma traash! Tu dess kal menshen pengro them, kai me man sowel dom glan lengre phurende, te dap len kowa!

Čačepangre 2:1

Un o baro Debleskro bolepaskro was dran o foro Gilgal pre ap koi platsa, hoi kharella Bochim, un penas: “Me lom tumen dran o them Egiptia win, un anom tumen an kau them, jaake har man sowel dom glan tumare phure dadende, te dau les tumende. Un me penom, te rikrap hako tsireske miro lab, hoi tumende dom.