5. Mose 1:7 - O Debleskro Drom 2021 (Sinte)

⁷ Stenn kanna pre un djan dureder pash i berge, kai i Amorarja djiwenn, un kote, kai kol Kanaanitarja djiwenn: an o telstuno them o panjestar Jordan, un an o pralstuno them, un an o diwjo them Shefelah un an o them Negev pash o baro pani bis pash i berge Libanon un o baro lengsto pani Eufrat.

O Debleskro Lab 2024 (Sinte-Manouche)

⁷ Stenn kanna pre oun djan doureder pash i berge, kay i Amorarya djivenn, oun kote, kay kol Kanaanitarya djivenn: an o telstouno them o panyestar Yordan, oun an o pralstouno them, oun an o divyo them Shefelah oun an o them Negev pash o baro pani bis pash i berge Libanon oun o baro lengsto pani Eufrat.

5. Mose 1:7 ပူးပေါင်းရင်းမြစ်များ

1. Mose 12:9

Pal kowa djas job dureder un was pash ko them Negev.

2. Samuel 8:3

O David kuras pes ninna o baro rajeha pral o them Zoba. Leskro lab his Hadad-Eser, koleskro dad his o Rehob. Har o Hadad-Eser koi djas, te lell lo o them pash ko pani Eufrat pale dren, was o David peskre lurdentsa, un das les un leskre lurden.

1. Familjakro liil 18:3

O David kuras pes ninna o baro rajeha pral o them Zoba. Leskro lab his Hadad-Eser. Har o Hadad-Eser koi djas, te lell lo o them pash ko pani Eufrat dren, was o David peskre lurdentsa, un das les un leskre lurden pash o foro Hamat.

1. Familjakro liil 27:29

O pralstuno pral i grumjende an o them Sharon his o Shitrai, kai dran o them Sharon his. O pralstuno pral i grumjende an i telstune themma his o Shafat, koleskro dad o Adlai his.

1. Familjakro liil 5:9

Un kote, kai o kham pre djala djiwan le bis an o mulo them dren, hoi pash o lengsto pani Eufrat tchiddo hi. Len his bud vieche an o tselo them Gilead.

2. Mose 23:31

Un me penau, har bares tiro them wella. Job djal fun ko Baro Lolo Pani bis pash ko baro pani, kai i Filistarja djiwenn, un fun o mulo tato them bis pash o lengsto pani Eufrat. Kolla, hoi kote djiwenna, dau an tiro wast, te tradenn tumer len dran o them win.

Amos 2:9

Djinenn tumer gar, mire menshe, his tumenge, kai tradom i Amorarja glan tumende krik, kolen, kai his jaake baro un sorelo har ruka. Tchi atchas lendar pral.

4. Mose 10:12

Un kol Israelitarja djan dran ko mulo tato them Sinai. Un koi wolka djas glan lende un atchas tardo an ko mulo tato them Paran.

5. Mose 1:19

Mer kram, hoi maro baro Dewel menge penas, un djam dureder un mukam i berga Horeb pal mende, un kram men ap o drom an o pralstuno them, kai i Amorarja djiwan. Ap maro drom hunte djam an o baro mulo them trujel, hoi jaake dareno hi, har tumer dikan, un wam pash o foro Kadesh-Barnea.

5. Mose 11:11

Kau them, kai kanna djan, hi i them, kai dell brishin, hoi perell dran o bolepen ap i berge un ap o telstuno them,

5. Mose 11:24

Hako kotar phub ap koleste tumare pire stakrenn, hi tumenge, o tselo them mank o mulo tato them un i berge Libanon, un mank o lengsto pani Eufrat un o Mashkralstuno Baro Pani.

Josua 1:4

Ko tselo them mank kau mulo tato them un i berge Libanon, un mank o baro lengsto pani Eufrat un o baro pani, hoi kote hi, kai o kham tele djala, kowa well tumaro them. Ninna o them, kai i Hetarja djiwenna, well tumaro.

Josua 10:40

Jaake las o Josua o tselo them dren: o pralstuno them, un o them, kai o kham pralstunes hi, ninna o telstuno them un o them ap i berge, – ko tselo them mank Kadesh-Barnea un Gaza, un mank Gosen un Gibeon. O Josua das i tsele bare rajen mulo, ninna lengre tsele menshen. Un job mukas kekes ap o djipen te atchell, jaake har penas leske o baro Dewel, – o Dewel pral o Israel.

Josua 24:15

Hi tumenge gar mishto an tumare jaka, te mangenn o baro Debles an, palle rodenn kau diwes kate win, kones tumer kamenn an-te-mangell: Kol deblen, kolen tumare phure an-mangan, har jon gomme ap i wawar rig o lengsto panjestar his, oder kol chochene deblen, kolen i Amorarja an-mangenn, an kolengro them tumer kanna djiwenn. Me un miro kheer, mer kamah o baro Debles an-te-mangell.”

Josua 9:1

Un kowa, hoi i Israelitarja kran, shunan i tsele bare raja, hoi ap i wawar rig o panjestar Jordan djiwan, an o pralstuno them un ninna an o telstuno them un pash o Baro Pani bis pash i berge Libanon. Kal bare raja his i raja pral o them Het, pral o them Amor, pral o them Kanaan, pral o them Peris, pral them Hiw un pral o them Jebus.

Debleskro tsiro 9:14

Un ko rakepen penas ap ko shobto bolepaskro, kai hi les koi phurdepaskri an o wast: “Muk kol star bolepangre te djal, kai pash o baro pani Eufrat pandlo hi! Kre lengre shelle pre!”