5. Mose 1:27 - O Debleskro Drom 2021 (Sinte)

²⁷ Un tumen tchingran an tumare plachtene khera un penan: ‘O baro Dewel hi chojedo ap mende. Doleske las lo men dran o them Egiptia win, te dell lo men an i wasta fun o Amorarja, te denn kolla men mulo.

O Debleskro Lab 2024 (Sinte-Manouche)

²⁷ Oun t'men čingran an t'mare plarhtene khera oun penan: O baro Devel hi rhoyedo ap mende. Doleske las lo men dran o them Egiptia vin, te dell lo men an i vasta foun o Amorarya, te denn kolla men moulo.

5. Mose 1:27 ပူးပေါင်းရင်းမြစ်များ

Debleskri gili 106:25

An pengre plachtene khera rakran le djungeles pral leste, un shunan gar ap o baro Debleste.

2. Mose 16:3

Un jon penan: “Wals feteder, te dals men o baro Dewel mulo an o them Egiptia, har hams beshdo pash i pirja pherdo mass, un kai his men doha maro, te nai cham men tchalo. Tumer anan men kate an o mulo tato them, te meras halauter i bokatar.”

2. Mose 16:8

Palle penas o Mose: “Ap i rat dell lo tumen mass un taissarlakro jaake bud maro, te wenn tchalo. O baro Dewel shunas, har choiran tumen ap leste. Koon ham mer? Gar ap mende choiran tumen, na-a, han chojedo ap o baro Debleste.”

4. Mose 14:3

Hoske anell men o baro Dewel an kau them, kai wah mulo dino o chareha? Un mare djuwja un tchawe perenn an i wasta kolendar, kai kuram men mer. Hi feteder, te djah pale an o them Egiptia.”

4. Mose 21:5

Un jon tchingran ap o Debleste un ap o Moseste un penan: “Hoske anal tu men dran o them Egiptia win, te meras mer an o mulo tato them, kai hi kek maro un kek pani? Un menge well djungelo ko chapastar, kai kek thulepen dren hi?”

Mateo 25:24

Un ko budepaskro, kai jek gono pherdo rup las, kowa djas pash leste, un penas: Mo rai, me djinom, tut hi i dji dran bar. Tu leh tuke o djob, hoi i wawar an i phub tchiwas, te was kowa baro. Tu leh kote tuke khetne, kai budral gar.

Louka 19:21

Me darom tutar. Tut hi i dji dran bar. Tu leh, kai dal tchi. Un hoi i wawar ap i kotar phub tchiwas, leh tu lestar krik, te was kowa bares.

5. Mose 9:28

Muk i Egiptarjen gar te penell: ‘O baro Dewel nai anell len gar an ko them, kolestar job penas, te dell lo les lenge.’ Muk len gar te penell, te anal len win an o mulo tato them dran tiri choli, te merenn le kote.