5. Mose 1:17 - O Debleskro Drom 2021 (Sinte)

¹⁷ Un dikenn gar koi pre, koon glan tumende tardo hi! Shunenn i tiknen un i baren! Ma darenn kekestar! Krenn jaake o tchatchepen win, har te krals kowa o Dewel! Sawo koowa, hoi tumenge phares hi, kowa anenn pash mande, te shunap me kowa.”

O Debleskro Lab 2024 (Sinte-Manouche)

¹⁷ Oun dikenn gar koy pre, koon glan t'mende tardo hi! Shounenn i tiknen oun i baren! Ma darenn kekestar! Krenn yaake o čačepen vin, har te krals kova o Devel! Savo koova, hoy t'menge phares hi, kova anenn pash mande, te shounap me kova.”

5. Mose 1:17 ပူးပေါင်းရင်းမြစ်များ

1. Mose 18:25

Ko nashte kreh tu gar, te dess kolen temerl, kai kek tchilatchepen kran – khetne kolentsa, kai tchilatcho hi. Jaake te djal koleske, kai an o tchatchepen tardo hi, har koleske, kai tchilatcho hi. Tu hal o tchatchepaskro rai pral i tseli phub. Kameh tu tchomone te krell, hoi gar mishto un tchatcho hi?”

2. Samuel 14:14

Well o tsiro, kai mer hunte meras halauter. Un ham har pani, kai ap i phub tchoredo hi, un hoi nai hadell kek buder pre i phubjatar. O Dewel kamell gar o djipen krik te lell. Job kamell gar te atchell kowa, kai was krik tradedo, ninna lestar krik.

2. Familjakro liil 19:5

Un an i tsele sorele forja an o them Juda tchiwas lo tchatchepangren an pengri budi dren,

2. Familjakro liil 19:6

un penas ap lende: Denn garda, har rakrenn o tchatchepen win pral i menshende! Tumer rakrenn an o lab o baro Deblestar un gar an o lab i menshendar. Un job hi tumentsa, te rakrenn tchatchepaskre laba win.

Hiob 31:34

Man his kek daar kolestar, hoi nai rakrens i menshe pral mande, witar kek traash i ladjatar, hoi nai anens mire menshe ap mande, te penoms doleske tchi, un djoms gar glan miro wudar.

Debleskri gili 82:2

“Har rah djan tumer gar pal o tchatchepen? Har rah denn tumer koleste peskro tchatchepen, koles gar tchatcho hi?

2. Mose 18:18

Tu mareh tut tele un kol tsele menshen, kai trul tute hi. Kai budi hi jaake baro, te nai krell lat kek kokres.

2. Mose 18:22

Kolla wenn i tchatchepangre mursha, kai rakrenn hako tsiro o tchatchepen pral i menshende win. Pral hako tikno tchingepen rakrenn jon kokres o tchatchepen win. Un o baro koowa anenn le glan tute. Jaake well tuke gar jaake phares, un jon hidjrenna tuha khetne.

2. Mose 18:26

Kolla rakran pral i menshende o tchatchepen win. Pral i tikno tchingepen rakran jon kokres o tchatchepen win. Un o bareder koowa anan le glan o Mose.

Gosewe laba 18:5

Hi gar mishto, te dell i tchatchepaskro mursh koles tchatchepen, kai i doosh ap peste anas, un shunell gar ap koleste, kai an o tchatchepen tardo hi.

Gosewe laba 24:23

Ninna kolla hi laba, hoi i gosewe penan: Kowa hi gar mishto, te dikenn i tchatchepangre mursha jekes feteder an har o wawares.

Gosewe laba 28:21

Te dikeh latcheder ap o braweleste har ap o tchorweleste, hi kowa gar mishto. I kotar mareske nai anell i mursh doosh ap peste.

Gosewe laba 29:25

Kowa, kai darell i menshendar, perella. Kowa, kai rikrell pes ap o baro Debleste, pral koleste rikrell lo peskre wasta.

Jeremia 1:17

Ab soreles! Un kre tut ap o drom! Un pen lenge halauter, hoi me tuke penau! Ma traash lendar, te krap me gar, te trashess tu glan lende!

3. Mose 19:15

Te well o tchatchepen win kerdo, palle de koles peskro tchatchepen, koles tchatcho hi! Ma tserde koles glan, kai tchorwelo hi, witar gar koles, kai brawelo hi. Hakeno hunte lell peskro tchatchepen.

Maleachi 2:9

Tumer rikran tumen gar ap miro drom, un dikan ap o mensheste, har an-diklo job hi, har penan leske, hoi te krell lo. Doleske krom tumen pale-tchiddo, un tchiwom ladj ap tumende glan i tsele menshende an Israel.

Mateo 22:16

Un jon bitchran pengre murshen pash leste. Lentsa djan ninna wawar mursha. Kolla his o Herodeskre mala. Un jon penan ap leste: “Sikepaskro, mer djinah, tu peneh o tchatchepen, un sikreh mishto i menshende o Debleskro drom. Tu rakreh kekeske pal o mui, ninna te hi len bud penepaske.

Markus 12:14

Un jon wan pash leste, un penan: “Sikepaskro, mer djinah, tu peneh o tchatchepen, un rakreh kekeske pal o mui, ninna te hi les bud penepaske. Awa, tu sikreh mishto i menshende o Debleskro drom. Pen menge, hi mishto pal maro tchatchepen, te das mer o themeskre lowe o baro rajeste an o foro Rom? Plaissras len? Plaissras len gar?”

Louka 20:21

Un jaake penan le ap leste: “Sikepaskro, mer djinah, te dareh tu kekestar. Un tu peneh o tchatchepen i menshenge an o mui. Un tu sikreh lende o Debleskro drom.

Remarja 2:11

O Dewel dikell gar ap jekeste, koon job hi.

Efesarja 6:9

Tumer, kai han raja, ap tumende penau: Awenn latches ap kolende, kai tumenge budrenna! Ma denn len trad! Tumer djinenna: Len hi i rai an o bolepen. Kowa hi ninna tumaro rai. Glan leskre jaka hi jek mensho har o wawar.

5. Mose 10:17

Tumaro baro Dewel hi o Dewel pral hako dewel un o rai pral hako rai. Job hi o baro un o sorelo, kolestar halauter darenn. Job dikell gar koi pre, koon jek hi. Un job lell tchi an, hoi kamell jek les te dell, te rissrell lo o tchatchepen trujel.

5. Mose 16:19

Te hal tu i tchatchepaskro, hunte dess tu koles peskro tchatchepen, koon an o tchatchepen hi. Tu dikess gar koi pre, koon glan tute tardo hi. Te dell jek tut kutch koowa, te dess tu les tchatchepen, ma le kowa an! Koon sawo shukar kutch koowa an-lell, well korelo o tchatchepaske, un dikell buder gar, koon an o tchatchepen hi.

5. Mose 24:17

Te hal tu i tchatchepaskro, hunte dess tu ninna i wi-themares peskro tchatchepen, ninna i tchawen kolengro dad meras. Un kol djuwjen, kolengro rom meras. Ma le o ripen i romjatar, kolakro rom meras, te rikress les, bis te joi peskri sijaan plaissras.

5. Mose 25:1

Te well i tchingepen mashkral mursha pre, un jon glan tchatchepangre murshende stakrenn, un o tchatchepen well win kerdo, palle well pral koleste, kai an o tchatchepen his, glan halauterende win rakedo, te hi job an o tchatchepen. Un pral koleste, koles doosh his, well glan halauterende win rakedo, te hi les doosh.

Kolossarja 3:25

Koon o tchilatchepen krella, kowa lell i phagi. Pash o Debleste hi hakeno jaake bud moldo har o wawar.

1. Tessalonikarja 2:4

Na-a, o Debleske ham moldo, te das lo men koi budi, te sikras mer i menshende o Jesuseskro drom. Doleske rakrah mer lestar. Kowa krah gar, te dikenn i menshe latches ap mende, na-a, mer kamah, te dikell o Dewel latches ap mende. Job djinella, hoi an maro dji hi.

Jakobo 2:9

Tumer te dikenn ap jekeste, koon job hi un har brawelo job hi, palle lenn tumer doosh ap tumende. Un o Debleskro lab penell tumenge, kai mukan tumer o Debleskro drom.

1. Petro 1:17

O Dewel hi o tchatchepaskro rai, kai rakrell o tchatchepen win pral hakeneste pal kowa, hoi job kras. Un o Dewel dikell gar koi pre, koon ko mensho hi. Ap leste penenn tumer: “Tata!” Doleske djiwenn jaake, har job kowa kamella, jaake rah har tumer kate ap i phub djiwenna.

1. Samuel 16:7

O baro Dewel penas ap o Samuel: “Ma dik ap kowa, har job win dikella un har baro job hi! Koles rodom me gar win. O baro Dewel dikella gar ap kowa, kai i menshe pre dikenna. I menshe dikenn ap kowa, hoi glan lengre jaka hi, o baro Dewel dikella ap o dji.”

1. Samuel 2:25

Te krell jek tchilatchepen ap i wawar mensheste, hi lo an o Debleskro wast. Te krell lo tchilatchepen ap o baro Debleste, koon nai rakrell leske mishto?” Jon shunan gar ap pengro dadeste. O baro Dewel kras lengre djia pandlo. Job kamas len te marell.