5. Mose 1:15 - O Debleskro Drom 2021 (Sinte)

¹⁵ Un me lom i pralstune murshen dran tumare bare familjen, gosewe un an-dikle murshen un tchiwom len pral tumende, te wenn le tumare tchatchepangre mursha. Jon wan pralstune pral 1.000 (jek sero), pral 100 (jek sheel) un pral 50 (i paash-sheel) un pral 10 (deesh).

O Debleskro Lab 2024 (Sinte-Manouche)

¹⁵ Oun me lom i pralstoune morshen dran t'mare bare familyen, goseve oun an-dikle morshen oun čivom len pral t'mende, te venn le t'mare čačepangre morsha. Yon van pralstoune pral 1.000 (yek zero), pral 100 (yek sheel) oun pral 50 (i paash-sheel) oun pral 10 (deesh).

5. Mose 1:15 ပူးပေါင်းရင်းမြစ်များ

2. Mose 18:21

Tu, rode tuke dran i tsele menshende tchatche murshen win, hoi ap o Debleste shunenna, sawe mursha, hoi pengro lab rikrenna, un kekes i lowenge chochenna! Un kolen tchip pral i Israelitarja! Kre pralstunen lendar pral i serja, wawaren pral i sheel, un pale pral i paash-sheel un pral deesh.

2. Mose 24:1

Un o baro Dewel penas ap o Moseste: “Ab kate pre pash mande, tu un o Aron, o Nadab, o Abihu un 70 (efta-desha) i phurendar dran Israel. Kal mursha atchenn dureder krik tardo un mangenn man kote an!

4. Mose 1:4

Lenn deesh-te-dui murshen, jek dran haki bari familja, hoi well kol deesh-te-dui Jakobeskre tchawendar, te wenn le ap tumari rig pash koi budi. Kal mursha hunte wenn i pralstune pral pengre menshende.

4. Mose 31:14

Un o Mose was chojedo pral i pralstune lurdende un pral kol pralstune pral i serja un pral sheel lurdende, kai dran o kurepen wan.

Efesarja 4:11

Job hi kowa, kai das i patslen pengri budi. Koi hi kolla, kolen job bitchras, te penenn le i menshenge lestar. Wawar rakrenna, hoi job lenge an o dji tchiwas, hoi kek wawar djinella. Wawar anenn kol menshen, kai gar patslo hi, pash o Jesus Kristeste. Pale wawar rikrenn i patslen khetne, un sikrenn lende o Debleskro drom.

5. Mose 1:14

Tumer penan koi pre: “Mishto hi ko kowa, hoi tu kameh te krell.”

5. Mose 1:16

Ap kal tchatchepangre murshende penom ko tsireske, hoi te krenn le, un penom: “Shunenn, hoi tumare phralen, kai tchingepen mashkral pende hi, tumenge penenna. Kowa nai well i tchingepen mashkral tumen Israelitarjen, nai well ninna i tchingepen mashkral jekeste tumare menshendar un jekeste dran i wawar them, kai pash tumende djiwell. Denn koles o tchatchepen, kai an o tchatchepen hi.

5. Mose 16:18

Tchiwenn tchatchepangre murshen un wawar pralstunen dren an tumare forja, hoi tumen tumaro baro Dewel della! Jaake te hi an hako them kol deesh-te-dui bare familjendar tchatchepangre, kai rakrenn o tchatchepen jaake win pral pengre menshende, te lell hakeno peskro tchatchepen.

1. Samuel 17:18

Un kal deesh kotja kiral an o pralstuno lurdeske, un putch, har tire phralenge djal. Un pale muk tut lendar tchomone te dell, ap kowa nai dikau, te djal lenge mishto!

1. Samuel 22:7

Kote penas o Saul ap peskre budepangre, kai glan leste tardo hi: “Shunenn, tumer Benjaminarja! Patsenn tumer, te dell o tchawo ko murshestar Isai tumen lauteren hachetikri phub un drakengro them? Lell job tumen lauteren, te wenn pralstune pral leskre lurdende: pral jek sero un pral jek sheel? Na-a, patsenn kowa gar!

1. Samuel 8:12

Hi sawe mank lende, kolendar krell lo pralstune pral peskre lurdende: pral jek sero (1.000) un ninna pral paash-sheel (50). Tumare mursh tchawe hunte budrenn ap leskro kotar phub un anenn leskro djob dren, hoi bares was. Ninna hunte krenn le leskre chare, un kol kotja, kai leskre wurdja dran kerdo wenna.