5. Mose 1:1 - O Debleskro Drom 2021 (Sinte)

¹ Kalla hi i laba, hoi o Mose ap i tsele Israelitarja penas, har his le an o mulo tato them ap i wawar rig o panjestar Jordan, an ko telstuno kotar them pash Suf mashkral o foro Paran ap jek rig un kol forja Tofel, Laban, Hazerot un Di-Sahab ap i wawar rig.

O Debleskro Lab 2024 (Sinte-Manouche)

¹ Kalla hi i laba, hoy o Mose ap i tsele Israelitarya penas, har his le an o moulo tato them ap i vavar rig o panyestar Yordan, an ko telstouno kotar them pash Souf mashkral o foro Paran ap yek rig oun kol forya Tofel, Laban, Hazerot oun Di-Sahab ap i vavar rig.

5. Mose 1:1 ပူးပေါင်းရင်းမြစ်များ

1. Mose 21:21

Un job djiwas an ko mulo tato them, hoi kharella ‘Paran’. Un leskri dai las leske i romni dran o them Egiptia.

1. Rajengro liil 11:18

Un jon wan an o them Midian, un djan dureder an o mulo them Paran. Un dran Paran lan le murshen pentsa, un wan an o them Egiptia pash o Farao, ko rai pral Egiptia. Kowa das o Hadadeste i kheer, chapen un i kotar phub.

Habakuk 3:3

O Dewel well dran o them Teman, dran kol berge, hoi kharenn Paran. O bolepen hi pherdo leskro railepen. Un ap i tseli phub sharenn les i menshe.

4. Mose 10:12

Un kol Israelitarja djan dran ko mulo tato them Sinai. Un koi wolka djas glan lende un atchas tardo an ko mulo tato them Paran.

4. Mose 11:35

Un jon mukan Kibrot-Taawa pal pende un djan dureder an Hazerot, un jon atchan kote.

4. Mose 12:16

djan le dureder, mukan Hazerot pal pende, un djiwan an o mulo tato them Paran.

4. Mose 13:26

Un wan pash o Mose un o Aron un pash kol tsele Israelitarja, kai atchan an o mulo tato them Paran pash i panjeskro kotar them, hoi kharella Kadesh. Un jon penan lenge kowa, hoi jon dikan, un sikran lende kol drake, phabja un faige dran ko them.

4. Mose 13:3

Un o Mose kras jaake har o baro Dewel leske penas, un rodas deesh-te-dui murshen win, kai pralstune hi mank i Israelitarja, un bitchras len dran o mulo tato them Paran an o them Kanaan.

4. Mose 32:19

Mer kamah gar lentsa i kotar them te lell ap i wawar rig o panjestar Jordan. Maro them lah ap kai rig o panjestar Jordan, kai o kham pre djal.”

4. Mose 32:32

Mer lah mare chare un djah glan o baro Debleste an o them Kanaan, te las maro kotar them kate ap kai rig o panjestar Jordan.”

4. Mose 32:5

Te hal menge latcho, de men kau them, te hunte djas mer gar pral o pani Jordan.”

4. Mose 33:20

an Libna,

4. Mose 33:21

an Rissa,

4. Mose 35:14

triin ap kai rig o panjestar Jordan, un triin an o them Kanaan.

5. Mose 2:8

Jaake djam dureder un mukam mare phralen pal mende, kol menshen, kai wan o Esaestar, un djiwenn ap i berge Seir. Un mer mukam o drom, hoi djal dran i forja Elat un i Ezjon-Geber an i tala Jordan bis pash o Mulo Baro Pani, un rissram un lam o drom, hoi djal an o mulo tato them Moab.

5. Mose 27:1

Un o Mose khetne i phureder murshentsa dran Israel penas ap i Israelitarja: Denn jak ap i tsele laba, hoi me tumenge kau diwes penom!

5. Mose 29:1

Un o Mose mukas i tsele Israelitarjen gole te dell, un penas ap lende: Tumer dikan halauter, hoi o baro Dewel glan tumare jaka kras an o them Egiptia, ap o Faraeste un ap leskre bare murshende, un ap o tselo them:

5. Mose 31:1

O Mose rakras pale i Israelentsa un penas kal laba:

5. Mose 33:2

O baro Dewel was un rakras mentsa pash i berga Sinai. Job was jaake har o kham pre djal pral i berge Seir. Mer dikam leskro railepen har hams pash i berga Paran. Khetne leha wan bud serja bolepangre. Ap leskri tchatchi rig his i jag.

5. Mose 4:46

An ko tsiro his le ap koi rig o panjestar Jordan, kai o kham pre djal, wergel o foro Bet-Peor an o them, kai his o Sihon o rai pral i Amorarja. Kowa djiwas an o foro Heshbon. Koles maran o Mose un i Israelitarja, har djan le dran o them Egiptia win.

5. Mose 5:1

Un o Mose das i tsele menshen Israel khetne gole, un penas ap lende: Shun Israel kowa, hoi o baro Dewel kamell tumendar, leskre tsele tchatchepaskre laba, hoi kau diwes glan tumare kanna penom. Rikrenn len an o shero, un denn jak ap lende, un djiwenn pal lende!

Josua 22:4

Kanna kras tumaro baro Dewel, te nai lan tumare phralen lengro them ninna dren, un jon nai djiwenn kote an o latchepen, jaake har lo kowa lenge penas. Doleske rissrenn kanna trujel, un djan pash tumare plachtene khera an ko them, hoi tumenge dino was, te well lo tumenge – ko them, hoi das tumen o Mose, koles o baro Debleskro tchatcho wast his, ap i wawar rig o panjestar Jordan.

Josua 22:7

O Mose das o paash kol menshendar dran o kheer Manasse o them Bashan, te well lo lengro. Ko wawar paash das o Josua lengro them mank lengre phralende ap koi rig o panjestar Jordan, kai o kham tele djal. Un har mukas o Josua kolen te djal, kai ap i wawar rig o panjestar Jordan khere hi, un o Debleskri bacht pral lende win rakras,

Josua 3:16

atchas o pani, hoi pralstunes lendar his, tardo har i kheer dur pral pash o foro Adam, hoi pash Zaretan tchiddo hi. Un ko pani, hoi telstunes lendar his un tele an o Londo Baro Pani nashell, kowa nashas buder gar pal un djas krik. Un jaake nai djan i tsele menshe ap i wawar rig, pash ko foro Jericho.

Josua 9:1

Un kowa, hoi i Israelitarja kran, shunan i tsele bare raja, hoi ap i wawar rig o panjestar Jordan djiwan, an o pralstuno them un ninna an o telstuno them un pash o Baro Pani bis pash i berge Libanon. Kal bare raja his i raja pral o them Het, pral o them Amor, pral o them Kanaan, pral o them Peris, pral them Hiw un pral o them Jebus.

Josua 9:10

un ninna halauter, hoi job kol dui bare rajentsa pral i Amorarja kras, kai ap i wawar rig o panjestar Jordan djiwan, ko rajeha Sihon, ko baro rajeha pral o foro Heshbon, un ko rajeha Og, ko baro rajeha pral o them Bashan, koon an o foro Astarot djiwas.

1. Samuel 25:1

Un o Samuel meras, un o tselo Israel was khetne un rowas kote pral leste. Un palle paskran le les an o foro Rama, kai lo khere his. Pal kowa djas o David an o mulo them Paran.