4. Mose 9:6 - O Debleskro Drom 2021 (Sinte)

⁶ Koi his mursha, kai tapran i mules an, un wan pale-tchiddo. Kolla nai wan gar glan o Debleste ap ko diwes, te chan le ko Passa. Jon wan glan o Moseste un glan o Aroneste,

O Debleskro Lab 2024 (Sinte-Manouche)

⁶ Koy his morsha, kay tapran i moules an, oun van pale-čiddo. Kolla nay van gar glan o Debleste ap ko dives, te rhan le ko Passa. Yon van glan o Moseste oun glan o Aroneste,

4. Mose 9:6 ပူးပေါင်းရင်းမြစ်များ

2. Mose 18:15

Un o Mose penas ap leste: “I menshe wenn pash mande, te nai putchenn le o Deblestar, hoi job lendar kamella.

2. Mose 18:19

Shun ap mande: Me kamau tuke te penell, hoi te kress. Un tiro Dewel well ninna tuha. Ab tu lenge glan o Debleste un mang lestar, hoi len hunte well.

2. Mose 18:26

Kolla rakran pral i menshende o tchatchepen win. Pral i tikno tchingepen rakran jon kokres o tchatchepen win. Un o bareder koowa anan le glan o Mose.

3. Mose 21:11

Pash kek muleste djal lo, te well lo gar pale-tchiddo, witar gar, te hi ko mulo peskro dad oder peskri dai.

4. Mose 15:33

Un kolla, kai hatsan les koi pashel, har job kashta pre hadas, anan les pash o Moseste un pash o Aroneste un glan i tsele menshende.

4. Mose 19:11

Koon i mulo menshes an-tapella, kowa hi efta diwessa pale-tchiddo.

4. Mose 19:14

Kowa hi hoi mer hunte kras: Te merell i mensho an peskro plachteno kheer, hunte well hakeno, koon an ko kheer djala, un koon an ko kheer hi, efta diwessa pale-tchiddo.

4. Mose 19:16

Ninna kowa, kai tapras i menshes an, kai meras win ap o them, hi pale-tchiddo efta diwessa. Kowa hi ninna jaake, te was ko mulo mensho kote temerl dino o chareha. Ninna kowa well pale-tchiddo efta diwessa, koon taprell ap i muleskre kokale, ninna kowa, kai taprell ap koi phub, kai o mulo paskedo hi, – job well pale-tchiddo efta diwessa.

4. Mose 19:18

Un i mursh, kai gar pale-tchiddo hi, hunte lell kol patria, hoi kharenna ‘Ysop’ un tchiwell len an ko pani un witsrell kowa ap o plachteno kheer un ap kol pirja, tchare un khore, hoi koi dren hi, ninna ap hakeneste, kai an ko kheer hi. Ninna hunte witsrell lo ko pani ap koleste, kai tapras i mules an, leskre kokale, ninna koi phub, kai was job paskedo.

4. Mose 27:2

Kolla wan pash o wudar glan o Debleskro kheer un penan ap o Moseste un ap o Eleasar, ko rashajeste, glan kol pralstunende un i tsele Israelitarja, kai koi hi:

4. Mose 27:5

O Mose anas lengro koowa glan o baro Debleste.

4. Mose 5:2

Pen ap kol Israelitarja: “Bitchrenn hakenes win glan tumari platsa, kai jaake nasselo ap peskro mass hi, te merell leskro mass tele! Bitchrenn ninna halauteren win, kai nashell dukepaskro pani dran lende win, un kolen, kai kran pen pale-tchiddo ap kolende, kai mulo hi!

4. Mose 9:7

un penan ap lende: “Mer tapram i mules an un wam pale-tchiddo. Hunte rikras men pale un nai wah gar glan o baro Debleste, te anas leske i bakro khetne i wawar Israelitarja?”

Johanni 18:28

Kanna anan le o Jesuses dran o Kajafeskro kheer win, un anan les an o baro kheer o themeskro rajestar, kai i Remari his. His taissarlake. I bibolde djan gar leha an ko baro kheer dren, te wenn le gar pale-tchiddo. Jon kaman te nai chan le ko chapen ap ko baro diwes, kai kharella Passa.