4. Mose 9:15 - O Debleskro Drom 2021 (Sinte)

¹⁵ Un ap ko diwes, kai was o Debleskro kheer pre-tchiddo, ko kheer, kai o Debleskre deesh laba dren hi, was i wolka tele pral o kheer. Un an i rati his i jag an late.

O Debleskro Lab 2024 (Sinte-Manouche)

¹⁵ Oun ap ko dives, kay vas o Debleskro kheer pre-čiddo, ko kheer, kay o Debleskre deesh laba dren hi, vas i folka tele pral o kheer. Oun an i rati his i yag an late.

4. Mose 9:15 ပူးပေါင်းရင်းမြစ်များ

Nehemia 9:12

Un tu sikral len o drom. Ap o diwes djas i wolka glan lende, un i rati i jag, te well len i momeli ap o drom, koles jon hunte djan.

Nehemia 9:19

Tu mukal len gar kokres, kote an o mulo them. Jaake baro his tiro kamlepen lenge. Koi bari wolka atchas ap o diwes, te sikrell li o drom, koles jon hunte djan. Un i jag atchas an i rat, te well len i momeli ap o drom, koles jon djan.

Debleskri gili 105:39

O baro Dewel khatras peskre menshen tel i wolka, un rati sikras len i jag o drom.

Debleskri gili 78:14

Ap o diwes djas lo glan lende an i wolka, un rati an i jag, te was len i momeli.

2. Mose 13:21

O baro Dewel djas glan lende ap o diwes an i bari wolka, te anell lo len ap o tchatcho drom, un rati an i bari jag, te well lenge i momeli, jaake te nai djan le ap o diwes un ninna an i rat.

2. Mose 13:22

Un koi wolka djas peske gar, un atchas glan lende ap o diwes. Un koi jag djas peske gar lendar an i rat.

2. Mose 14:24

Sik taissarlakro, har o kham gomme gar pre djas, dikas o baro Dewel dran koi jagakri wolka tele ap i tsele Egiptikre lurdende un tchiwas i daar ap lende.

2. Mose 40:2

Tchip o Debleskro plachteno kheer pre ap o ersto diwes an o ersto tchon.

2. Mose 40:34

Koi was i wolka ap o Debleskro plachteno kheer. Un o kheer was pherdo railepen o baro Deblestar.

2. Mose 40:35

Un har i wolka pral o kheer atchas un o kheer pherdo railepen o baro Deblestar his, nai djas o Mose gar dren.

2. Mose 40:38

Un i tsele Israelitarja dikan koi wolka. Ap o diwes his li pral o Debleskro kheer, ap i rat his li pherdi jag jaake rah har i Israelitarja ap o drom his.

Jesaja 4:5

Pral i tseli berga Zion un pral kai platsa, kai wenn le khetne, bitchrell o baro Dewel palle jek wolka ap o diwes, un i jagakro ducho an i rati. Jaake tchakrell lo o foro peskro railepah

4. Mose 10:34

Un ap o diwes, har djan le dureder, his o baro Debleskri wolka pral lende.

4. Mose 14:14

penenn le kowa kol menshenge an kau them. Kolla shunan, kai tu, baro Dewel, mashkral tire menshende hal, un kai nai dikenn jon tut, un tiri wolka pral lende tardo hi, un kai tu, o baro Dewel, glan lende djah, an i wolka ap o diwes, un rati an i jag.

4. Mose 17:7

Un har kol tsele menshe trul o Mose un o Aron tardo his, dikan jon pash o Debleskro plachteno kheer. Un ap jek kopo was koi wolka pral o kheer. Un o baro Debleskro railepen was diklo.

1. Korintarja 10:1

Mire phrala, ma bistrenn, har djas mare phurenge, har djan jon an o mulo them. I wolka djas glan lende lauterende un sikras lende, kai o Dewel pash lende his. Un jon halauter djan o Moseste palla mashkral o baro pani ap i wawar rig. Mer nai penams: Har wan jon an i wolka un an o baro pani, wan le ap o Moseskro lab taufedo.

5. Mose 1:33

koles, kai o tselo drom glan tumende djas, te sikrell lo tumende i platsa, kai nai tchiwenn tumen tele, Job sikras tumenge o drom rati an i jag, un pral o diwes an i wolka.