4. Mose 8:21 - O Debleskro Drom 2021 (Sinte)

²¹ Un kol Levitarja mukan pani ap pende te tchorell, te well lengri doosh tele thodo, un thowan pengre koola. Un o Aron anas kol Levitarjen glan o baro Debleste un chatchras kol viechen o baro Debleske, te well i doosh i Levitarendar krik lino, te wenn jon erligo glan o Debleste.

O Debleskro Lab 2024 (Sinte-Manouche)

²¹ Oun kol Levitarya moukan pani ap pende te čorell, te vell lengri doosh tele thodo, oun thovan pengre koola. Oun o Aron anas kol Levitaryen glan o baro Debleste oun rhačras kol firhen o baro Debleske, te vell i doosh i Levitarendar krik lino, te venn yon erligo glan o Debleste.

4. Mose 8:21 ပူးပေါင်းရင်းမြစ်များ

2. Mose 19:10

Un o baro Dewel penas ap o Mose: “Dja pash lende un pen lenge, te krenn le pen djudjo mange kau diwes un taissar, te thowenn le pengre koola.

3. Mose 14:11

Ko rashai anell koles, kai sasto was, un kau tselo koowa glan o baro Debleste, glan o wudar koleskro plachteno kherestar.

4. Mose 19:12

Job hunte thowell pes ap o triinto diwes un ap o eftato diwes ko panjeha, hoi lell i pale-tchiddo koowa i menshestar krik. Palle well lo djudjo un erligo. Te thowell lo pes gar jaake ap o triinto diwes un ap o eftato diwes, atchell lo pale-tchiddo.

4. Mose 19:19

Jek, kai gar pale-tchiddo hi, hunte witsrell ko pani ap koleste, kai pale-tchiddo hi ap o triinto diwes un ap o eftato diwes. Un ko pale-tchiddo hunte thowell pes an ko pani un peskre koola. Palle well job ap i rati djudjo un erligo.

4. Mose 3:12

“Djiness, me rodom kol Levitarjen win dran kol Israelitarja, te wenn jon mire. Ap ko diwes, har marom i tsele phureder mursh tchawen an o them Egiptia, tchiwom i tsele phureder mursh tchawen an o Israel mange ap i rig, te wenn jon mire: kolla, kai i menshestar bolde wan har ninna kolla, kai i viechestar bolde wan. I tsele phureder mursh tchawe hi mange, o baro Debleske. Kanna lau gar kolen, kanna lau i Levitarja mange.”

4. Mose 8:15

Pal kowa nai djan jon koi, te krenn le pengri budi an o Debleskro kheer. I Israelitarja dan len mande. Doleske hunte kress len djudjo mange un aness len glan mande. Kolen lom mange un gar i wawar mursh tchawen an Israel, kai hi i phureder tchawe pengre dajendar.

4. Mose 8:20

O Mose, o Aron, ninna kol tsele menshe an o Israel kran kolentsa dran o kheer Levi halauter jaake, har o baro Dewel kowa ap o Moseste penas.

4. Mose 8:22

Koi pal djan jon kote, te krenn jon pengri budi an o Debleskro kheer glan o Aroneste un leskre tchawende. Lauter was jaake kerdo, har o baro Dewel o Moseske penas, te krenn le kolentsa dran o kheer Levi.

4. Mose 8:7

Jaake hunte kress tu lentsa, te kreh tu len erligo: Tu tchiwess pani ap lende, te well lengri doosh krik lino. Un jon hunte tchinenn halauter pengre balla tele, un thowenn pengre koola, un krenn pen jaake djudjo un erligo.