4. Mose 8:19 - O Debleskro Drom 2021 (Sinte)

¹⁹ Un me dom kol Levitarjen o Aroneste un leskre tchawende, te krenn le koi budi an o Debleskro kheer. Jaake krenn le, hoi i budi lauterendar an Israel wals. Un jaake well kek bibacht ap i Israelitarja, hoi hunte wals ap lende, te wans jon ap i Debleskri platsa.

O Debleskro Lab 2024 (Sinte-Manouche)

¹⁹ Oun me dom kol Levitaryen o Aroneste oun leskre čavende, te krenn le koy boudi an o Debleskro kheer. Yaake krenn le, hoy i boudi lauterendar an Israel vals. Oun yaake vell kek bibarht ap i Israelitarya, hoy hounte vals ap lende, te vans yon ap i Debleskri platsa.

4. Mose 8:19 ပူးပေါင်းရင်းမြစ်များ

2. Mose 12:50

Har i tsele Israelitarja shunan, hoi o baro Dewel ap o Mose un ap o Aron penas, kran le les jaake har jon lenge penan.

4. Mose 1:50

Tu dess len gole, te budrenn jon an o Debleskro plachteno kheer, kai o Debleskre deesh laba dren hi, un ap halauter, hoi an kau kheer hi. Jon hunte hidjrenn o Debleskro kheer un halauter, hoi koi dren hi, un denn garda ap halauter, un tchiwenn pengre plachtene khera trul o Debleskro kheer.

4. Mose 1:53

Kol Levitarja hunte tchiwenn pengre plachtene khera trul o Debleskro plachteno kheer, kai o Debleskre deesh laba dren hi, te denn le garda, te well kek pash o kheer, jaake te well gar miri choli pral i Israelitarja.

4. Mose 8:18

Un kanna lom i Levitarjen un gar kol wawar murshen, kai hi i phureder tchawe pengre dajendar an Israel.

4. Mose 8:20

O Mose, o Aron, ninna kol tsele menshe an o Israel kran kolentsa dran o kheer Levi halauter jaake, har o baro Dewel kowa ap o Moseste penas.

1. Samuel 6:19

An o foro Bet-Shemesh his menshe, kai dikan an o mochton, kai o Debleskre deesh laba dren hi. Un o baro Dewel maras lendar efta-deesh (70) murshen. Un i tsele menshe rowan, te das len o baro Dewel jaake phares.