4. Mose 8:18 - O Debleskro Drom 2021 (Sinte)

¹⁸ Un kanna lom i Levitarjen un gar kol wawar murshen, kai hi i phureder tchawe pengre dajendar an Israel.

O Debleskro Lab 2024 (Sinte-Manouche)

¹⁸ Oun kanna lom i Levitaryen oun gar kol vavar morshen, kay hi i phoureder čave pengre dayendar an Israel.

4. Mose 8:18 ပူးပေါင်းရင်းမြစ်များ

1. Mose 48:14

Un o Israel tchiwas peskri jek mussi pral o wawar un tchiwas peskro tchatcho wast ap o Efrajimeskro shero. Kowa his ko terneder. Un peskro serwo wast tchiwas lo ap o Manasseskro shero. Kowa his o phureder.

4. Mose 3:12

“Djiness, me rodom kol Levitarjen win dran kol Israelitarja, te wenn jon mire. Ap ko diwes, har marom i tsele phureder mursh tchawen an o them Egiptia, tchiwom i tsele phureder mursh tchawen an o Israel mange ap i rig, te wenn jon mire: kolla, kai i menshestar bolde wan har ninna kolla, kai i viechestar bolde wan. I tsele phureder mursh tchawe hi mange, o baro Debleske. Kanna lau gar kolen, kanna lau i Levitarja mange.”

4. Mose 3:9

Un tu aness kol Levitarjen pash o Aron un leskre tchawende. Kowa hi jaake, har te anans len i Israelitarja pash lende, te krans le kolengri budi.

4. Mose 8:17

Hakeno, kai hi o phureder mursh tchawo peskri datar mashkral kol Israelitarja hi mange, hako mensho un hako viecho. Ap ko diwes, kai marom i tsele murshen, kai his i phureder tchawe pengre dajendar an o them Egiptia, penom: Hako mursh, kai hi i phureder tchawo peskri datar, hi miro.

4. Mose 8:19

Un me dom kol Levitarjen o Aroneste un leskre tchawende, te krenn le koi budi an o Debleskro kheer. Jaake krenn le, hoi i budi lauterendar an Israel wals. Un jaake well kek bibacht ap i Israelitarja, hoi hunte wals ap lende, te wans jon ap i Debleskri platsa.