4. Mose 8:17 - O Debleskro Drom 2021 (Sinte)

¹⁷ Hakeno, kai hi o phureder mursh tchawo peskri datar mashkral kol Israelitarja hi mange, hako mensho un hako viecho. Ap ko diwes, kai marom i tsele murshen, kai his i phureder tchawe pengre dajendar an o them Egiptia, penom: Hako mursh, kai hi i phureder tchawo peskri datar, hi miro.

O Debleskro Lab 2024 (Sinte-Manouche)

¹⁷ Hakeno, kay hi o phoureder morsh čavo peskri datar mashkral kol Israelitarya hi mange, hako mensho oun hako firho. Ap ko dives, kay marom i tsele morshen, kay his i phoureder čave pengre dayendar an o them Egiptia, penom: Hako morsh, kay hi i phoureder čavo peskri datar, hi miro.

4. Mose 8:17 ပူးပေါင်းရင်းမြစ်များ

Debleskri gili 105:36

Job das o phureder mursh tchawes mulo haki datar an o them Egiptia. Kolla his lengre dadengri feteder soor.

Debleskri gili 135:8

Job hi kowa, kai das i phureder mursh tchawen mulo an o them Egiptia pash i menshende, ninna pash i viechende,

Debleskri gili 78:51

Job maras i tsele phureder mursh tchawen an o them Egiptia, kol tchawen kolendar, kai wenna pal o Ham, an kolende pengre dadengri bareder soor hi.

2. Mose 12:29

Un mashkral an i rat maras o baro Dewel i tsele mursh tchawen, kai his i phureder tchawe pengre dajendar, an o tselo them Egiptia: o Faraeskro phureder tchawes, kai ap o rajeskri beshepaskri beshdo hi, un ninna i phureder tchawen kolendar, kai stilde hi. Awa, ninna i mursh vieche, hoi his i phureder tchawe pengre dajendar, wan temerl dino.

2. Mose 13:2

“Hako mursh tchawo, kai hi o phureder peskri datar pash i Israelitarja, ninna pash lengre viechende, dess tu mange. Kowa hi miro.”

2. Mose 29:44

Jaake lau miro plachteno kheer un i sasterni chatchepaskri mange, ninna o Arones un leskre tchawen, te wenn le mange rashaja.

Ezekiel 20:12

Ninna tchiwom o diwes dren, hoi mange hi, kai hunte budrenn le gar. Ko diwes his o sikepen koleske, hoi win kram. Jaake kamom, te djinenn i Israelitarja, kai me, o baro Dewel, rodom len mange win, te wenn le mire menshe.

3. Mose 27:26

I viecho, hoi o phureder leskri datar hi, kowa hi o baro Debleske. Te hi sawo viecho i gurum, i bakro, i mursh busni, nai lell les kek mensho, te dell lo les o baro Debleske. Leskro hi lo.

4. Mose 8:18

Un kanna lom i Levitarjen un gar kol wawar murshen, kai hi i phureder tchawe pengre dajendar an Israel.

Louka 2:23

An o Moseskre lila hi ninna tchinlo: O phureder tchawo, kai boldo wella, hi o Debleske.

Johanni 10:36

Man hi o dadeskro wast. Un miro dad bitchras man ap kai phub. Me te penau, kai hom o Debleskro tchawo, har nai penenna tumer ap mande: Tu kreh, har te wess o Dewel?

Johanni 17:19

Me dau tut miro tselo djipen. Kowa krau lenge, te wenn jon ninna tire an o tchatchepen.

Hebrearja 10:29

Te his kowa jaake koleha, kai kras gar, hoi o Mose penas, kitse sorleder well o Debleskri choli pral koleste, kai o Debleskro tchawes pestar stakrella, un krella, har te wals o Jesus Kristeskro rat tchi moldo. Un kau rat lals peskri doosh krik, un krals les erligo glan o Debleste. O Debleskro Ducho his leske latches, un job dukras les.

Hebrearja 11:28

O Dewel penas leske, hawi bibacht pral o them Egiptia wella. Un job penas leske ninna, hoi i Israelitarja hunte krenn, te well koi bibacht gar pral lende. Koi patsas o Mose, te well kowa tchatcho, hoi o Dewel penas. Un o Mose penas ap i Israelitarja, te marenn le bakren, un te chan le len – kau chapen was kharedo Passa – un te makenn le i viechengro rat ap pengre wudja. Har palle o bolepaskro was, te marell lo i tsele phureder tchawen, koi atchan i Israeleskre tchawe djido. Jon his an i khera, kai o rat ap i wudja hi.

Jakobo 1:18

Job kamas, te wam mer leskre tchawe. Kolla wam, har menge leskro tchatcho lab penlo was. Jaake wam mer o feteder mank lauter, hoi o Dewel kras.