4. Mose 8:12 - O Debleskro Drom 2021 (Sinte)

¹² Un kol Levitarja hunte tchiwenn pengre wasta ap kol terne gurmengre shere. Ko jek well chatchedo, te well i doosh krik lino. Ko wawar well tseles chatchedo o baro Debleske. Jaake well i doosh i Levitarendar krik lino.

O Debleskro Lab 2024 (Sinte-Manouche)

¹² Oun kol Levitarya hounte čivenn pengre vasta ap kol terne gourmengre shere. Ko yek vell rhačedo, te vell i doosh krik lino. Ko vavar vell tseles rhačedo o baro Debleske. Yaake vell i doosh i Levitarendar krik lino.

4. Mose 8:12 ပူးပေါင်းရင်းမြစ်များ

2. Mose 29:10

An ko terno gurum glan o Debleskro plachteno kheer. Un o Aron un leskre tchawe tchiwenn pengre wasta ap leskro shero.

3. Mose 1:4

Un o mursh tchiwell peskro wast ap o shero ko viechestar, te dikell o Dewel latches ap leste un lell leskri doosh, hoi lo ap peste las, krik.

3. Mose 14:22

dui diwje taube oder dui wawar taube. Koi jek well maredo, te well o pale-tchiddo koowa krik lino, koi wawar, te well li tseles chatchedo o baro Debleske.

3. Mose 16:11

O Aron marell ko gurum, te well i doosh un o pale-tchiddo koowa lestar un leskri familjatar krik lino, un jon tchatcho un erligo tardo hi glan o baro Debleste.

3. Mose 16:21

un tchiwell peskre dui wasta ap lakro shero, un penell haki doosh un hako tchilatchepen, hoi i Israelitarja kran. Jaake tchiwell lo kowa lauter ap i busjakro shero. Palle mukell lo lat i murshestar, kai koleske koi tardo hi, krik te tradell an o mulo tato them.

3. Mose 16:6

O Aron anell peske un peskri familjake i gurum, te well lo maredo, te well lengri doosh un lengro pale-tchiddo koowa krik lino, un lauter pale mishto mank o baro Debleste un lende.

3. Mose 4:15

Un i phureder lendar tchiwenn pengre wasta ap o viecheskro shero un marenn les kote glan o baro Debleste.

3. Mose 4:20

Un job krell kau viecheha jaake har job kowa ko viecheha kras, hoi job peskri doshake maras. Jaake krell o rashai, te well lauter pale mishto mank i Israelitarja un o baro Debleste. Un o baro Dewel bistrell lengri doosh.

3. Mose 4:35

Un o tselo thulepen tchinell lo tele jaake har tchinell lo o thulepen tele ko bakrestar, hoi jek o Debleske anell, te chan le les khetne glan leste. Un ko rashai chatchrell kal thulle kotja ap o Debleskri chatchepaskri khetne ko wawar masseha, hoi o baro Debleske chatchedo well. Jaake krell o rashai, te well lauter pale mishto mank o baro Debleste un ko mensheste, kai doosh ap peste anas. Un o baro Dewel bistrell leskri doosh.

3. Mose 4:4

Un job anell ko gurum glan o baro Debleste, pash o wudar glan o Debleskro kheer, un tchiwell peskro wast ap o viecheskro shero un marell les kote glan o baro Debleste.

3. Mose 5:7

Te hi ko mursh tchorwelo un nai anell kek bakri witar kek busni, nai anell lo dui taube. Kolla nai hi dui diwje taube oder dui wawar taube, jek, te well i doosh krik lino, un jek, hoi o baro Debleske tseles chatchedo well.

3. Mose 8:14

Job mukas o terno gurum te anell, hoi i doshake maredo well. O Aron un leskre tchawe tchiwan pengre wasta ap o shero ko terno viechestar.

3. Mose 8:15

Un o Mose maras les kote, un las tchomone ko ratestar, un makas peskro gushteha ko rat ap i shinga, hoi pral ap i star ekke ap i chatchepaskri hi. Ko tselo wawar rat tchoras lo tella pash i chatchepaskri win. Jaake las lo koi tseli doosh un ko tselo pale-tchiddo koowa krik, hoi ap koi chatchepaskri his, te nai well li o Debleske dino.

3. Mose 8:18

Palle las lo ko jek bakro, koleskro tselo mass chatchedo well o baro Debleske. Un o Aron un leskre tchawe tchiwan pengre wasta ap o viecheskro shero.

3. Mose 8:34

Jaake har kau diwes vieche un chapen glan o baro Debleste anlo wan, jaake hunte well kerdo ap kol diwessa, kai wenna, te well tumari doosh krik lino. Kowa penas o baro Dewel.

3. Mose 9:7

Un o Mose penas ap o Aron: “Ab glan o Debleskri chatchepaskri, un an leske ko vieches, koleha tiri doosh krik lino well, un mare ninna tuke ko vieches, koleskro tselo mass o Debleske chatchedo well. Palle kre kowa kol viechentsa, hoi i Israelitarja anan, te well lengri doosh krik lino. Jaake penas kowa o baro Dewel.”

4. Mose 6:14

Un job hunte dell o baro Debles i bakro, jek bersh phuro un sasto, te well kowa tseles chatchedo o Debleske. Ninna dell job o Debles i bakri, jek bersh phuro un sasto, te well leskri doosh krik lino. Un pale anell lo leske i wawar sasto mursh bakro, hoi chan le khetne glan o Debleste.

4. Mose 6:16

Un o rashai hunte anell kowa glan o baro Debleste. Palle marell lo ko jek bakro, te well leskri doosh krik lino un ko duito, hoi o Debleske tseles chatchedo wella.

4. Mose 8:13

Un tu aness kol Levitarjen glan o Aroneste un leskre tchawende, un jaake glan o baro Debleste, te wenn le leske koi.

4. Mose 8:8

Tu less i terno gurum, un koi pashel chapen o Debleske: jarro, kai djet mashkral hi. Un i wawar terno gurum less tu chatchepaske o Debleske, te well i doosh krik lino.

Hebrearja 9:22

Hi gar bud koowa, hoi well gar o rateha djudjo un erligo kerdo. Jaake hi an o Moseskre lila tchinlo. Un te well kek rat win tchoredo, nai well kek doosh krik lino.