4. Mose 7:9 - O Debleskro Drom 2021 (Sinte)

⁹ Kolen, kai wan pal o Kohat, das job tchi. Lengri budi his, te hidjrenn le o Debleskro koowa, hoi an leskro kheer his. Kowa hunte hidjrenn le ap pengre phika.

O Debleskro Lab 2024 (Sinte-Manouche)

⁹ Kolen, kay van pal o Kohat, das yob či. Lengri boudi his, te hidjrenn le o Debleskro koova, hoy an leskro kheer his. Kova hounte hidjrenn le ap pengre phika.

4. Mose 7:9 ပူးပေါင်းရင်းမြစ်များ

2. Samuel 6:13

Har kol hidjepangre, kai hidjran o Debleskro mochton, shob kope jek heri glan i wawar tchiwan, chatchran jon i gurum un i thulli terni grumni o Debleske.

2. Samuel 6:3

Jon lan ko mochton dran o kheer, kai o Abinadab djiwas. Ko kheer his ap i tikni berga. Un tchiwan o mochton ap i newo wurdin. O Abinadabeskre tchawe, o Usa un o Achjo, djan o wurdineha,

2. Samuel 6:6

Har wan le pash ko djobeskri platsa o murshestar Nachon, perans i grumja, un o Usa rikras o mochton, te perell lo gar.

1. Rajengro liil 8:3

Un har i tsele phureder dran Israel khetne his, hadan i rashaja o mochton kol deesh labentsa o baro Deblestar pre,

1. Familjakro liil 15:13

Ko wawar kopo hans tumer gar koi pashel. Doleske das men o baro Dewel i pharo dap. Mer putcham lestar gar jaake har hunte wals.”

1. Familjakro liil 15:3

Un o David mukas i tsele Israelitarjen an o foro Jerusalem khetne te well, te nai anenn le o mochton o baro Debleskre deesh labentsa ap ko kotar phub, kai was leske win rodedo.

1. Familjakro liil 23:26

Jaake hunte hidjran i Levitarja buder gar o Debleskro plachteno kheer un halauter, hoi koi dren his, har glan kowa kerdo was.

4. Mose 3:31

Un jon hunte denn garda ap ko sonakaskro mochton, koi chapaskri, koi momelengri, o Debleskro sonakaskro bob un o Debleskri sasterni chatchepaskri, kai vieche chatchede wenna. Ninna denn le garda ap i tselo Debleskro koowa an leskro kheer, koleha jon budrenna, ninna ap koi plachta mank kol dui iseme un ap halauter, hoi koi pashel hi.