4. Mose 7:11 - O Debleskro Drom 2021 (Sinte)

¹¹ Un o baro Dewel penas ap o Moseste: “Muk hako diwes jekes kol pralstunendar te well, te anell job peskro koowa. Kowa te djal jaake deesh-te-dui diwessa, te well koi chatchepaskri mange koi.”

O Debleskro Lab 2024 (Sinte-Manouche)

¹¹ Oun o baro Devel penas ap o Moseste: “Mouk hako dives yekes kol pralstunendar te vell, te anell yob peskro koova. Kova te djal yaake deesh-te-douy divessa, te vell koy rhačepaskri mange koy.”

4. Mose 7:11 ပူးပေါင်းရင်းမြစ်များ

4. Mose 7:10

Un kol pralstune dan kutch koowa o Debleske un anan kowa glan o Debleskri chatchepaskri ap ko diwes, kai was koi chatchepaskri o djeteha dre-maklo.

4. Mose 7:12

Un jaake anan le pengro koowa: Ap o ersto diwes was o Nachshon, – leskro dad hi o Amminadab – dran o kheer Juda. Ap o duito diwes was o Netanel, – leskro dad hi o Zuar – dran o kheer Issachar. Ap o triinto diwes was o Eliab, – leskro dad hi o Helon – dran o kheer Sebulon. Ap o starto diwes was o Elizur, – leskro dad hi o Shedehur – dran o kheer Ruben. Ap o pantchto diwes was o Shelumijel, – leskro dad hi o Zurishaddai – dran o kheer Simeon. Ap o shobto diwes was o Eljasaf, – leskro dad hi o Deguel – dran o kheer Gad. Ap o eftato diwes was o Elishama, – leskro dad hi o Ammihud – dran o kheer Efrajim. Ap o ochtato diwes was o Gamalijel, – leskro dad hi o Pedazur – dran o kheer Manasse. Ap o enjato diwes was o Abidan, – leskro dad hi o Gidoni – dran o kheer Benjamin. Ap o deshto diwes was o Ahijeser, – leskro dad hi o Ammishaddai – dran o kheer Dan. Ap o deesh-te-jekto diwes was o Pagijel, – leskro dad hi o Ochran – dran o kheer Asser. Ap o deesh-te-duito diwes was o Ahira, – leskro dad hi o Enan – dran o kheer Naftali. Hakeno anas o emligo koowa: Jek baro rupeno tcharo, jek-te-paash kilogramme pharo, jek wawar tikneder rupeno tcharo, ochta-sheel (800) gramme pharo. Jek grammi his jaake bud, har jek grammi an o Debleskro kheer his. Hake dui tchare his pherdo jarro, kai djet dren hi. Ko chapen dan le o Debleste, te well kowa leske chatchedo. Koi pashel anas hakeno jek tikno sonakaskro tcharo, sheel-te-biish gramme pharo, pherdo sungepaskro koowa, hoi o Debleske chatchedo wella; jek terno gurum, jek mursh bakro, i wawar jek-bersheskro bakro chatchepaske o Debleske; jek mursh busni, hoi well chatchedo, te well i doosh krik lino. Ninna anas hakeno dui grumja, pantch mursh bakre, pantch mursh busja un pantch jek-bershengre bakre, te chan le len khetne glan o Debleste.

1. Korintarja 14:33

O Dewel kamell kek tchingepen. Job kamell, te djal lauter mishto. Kowa hi jaake an hake forja, kai i patsle khetne wenna.

1. Korintarja 14:40

Krenn kawa jaake, te djal kowa lauter mishto un shukar!

Kolossarja 2:5

Ninna te hom gar pash tumende, han tumer an miro dji. Un me hom bachtelo, te shunau, kai han sorelo tardo an o patsepen ap o Jesus Kristeste.