4. Mose 7:1 - O Debleskro Drom 2021 (Sinte)

¹ Un har o Mose o Debleskro plachteno kheer pre tchiwas, makas lo les o djeteha o Debleske. Ninna ko tselo koowa, hoi koi dren hi, ninna o Debleskri chatchepaskri un halauter, hoi pashel hi, makas job o djeteha o Debleske.

O Debleskro Lab 2024 (Sinte-Manouche)

¹ Oun har o Mose o Debleskro plarhteno kheer pre čivas, makas lo les o djeteha o Debleske. Ninna ko tselo koova, hoy koy dren hi, ninna o Debleskri rhačepaskri oun halauter, hoy pashel hi, makas yob o djeteha o Debleske.

4. Mose 7:1 ပူးပေါင်းရင်းမြစ်များ

1. Mose 2:3

Un o Dewel penas: “Ko eftato diwes hi i baro diwes mange. Ko diwes hi miro.” Ap o eftato diwes his leskri budi halauter kerdo, un job budras buder gar.

1. Rajengro liil 8:64

Koi sasterni chatchepaskri his gar bares doha, te chatchrenn le kowa, hoi o Debleske dino was. Doleske las o baro rai Salomo ap ko diwes ninna o mashkralstuno kotar ap i platsa glan o Debleskro kheer chatchepaske. Kote mukas lo sawe viechen te chatchrell, hoi wan tseles o Debleske chatchedo, ninna jarro un ko thulepen kol viechendar, hoi chan le glan o baro Debleste.

2. Mose 13:2

“Hako mursh tchawo, kai hi o phureder peskri datar pash i Israelitarja, ninna pash lengre viechende, dess tu mange. Kowa hi miro.”

2. Mose 29:36

An kol efta diwessa maress tu hako diwes i terno gurum o Debleske, te well i doosh krik lino. Leskro rateha well i doosh krik lino, hoi ap o Debleskri chatchepaskri was. Palle mak djet ap o Debleskri chatchepaskri! Jaake well diklo, te hi kai chatchepaskri o Debleske.

2. Mose 40:11

Mak ninna o thopaskro tcharo un kol herja, ap kolende o tcharo tardo hi, te well lauter o Debleske.

4. Mose 17:2

“Pen ap o Aroneskro tchaweste, o rashajeste Eleasar, te lell job kol pirja dran i jag, un witsrell koi jag dur krik! Kol tchilatche, kai meran, anan kal pirja glan o baro Debleste. Doleske hi kal pirja o Debleskro un hunte wenn an o Debleskro kheer. Denn kol pirja buchlo, te wenn sane buchle sasterne patria dran lende! Un kolen denn trul o Debleskri chatchepaskri, te wenn le i sikepen, te bistrenn i Israelitarja gar, hoi djas!”

4. Mose 7:10

Un kol pralstune dan kutch koowa o Debleske un anan kowa glan o Debleskri chatchepaskri ap ko diwes, kai was koi chatchepaskri o djeteha dre-maklo.

4. Mose 7:84

Lauter khetne his kowa, hoi kol deesh-te-dui pralstune pral o Israel o Debleske anan, ap ko tsiro, kai was o Debleskri chatchepaskri o djeteha dre-maklo: deesh-te-dui bare rupene tchare, deesh-te-dui tikneder rupene tchare, deesh-te-dui tikne sonakangre tchare.

4. Mose 7:88

I tsele vieche, hoi dan le o Debleste, te chan le len khetne glan leste, his khetne: biish-te-star terne gurma, shob-deesh mursh bakre, shob-deesh mursh busja, shob-deesh jek-bershengre bakre. Kowa halauter was o Debleske anlo, har was o Debleskri chatchepaskri o djeteha dre-maklo.

Mateo 23:19

Tumer han korelo! Hi o Debleskri chatchepaskri gar budeder moldo har o chapen, hoi ap late tchiddo hi un doleske i Debleskro koowa hi?