4. Mose 6:5 - O Debleskro Drom 2021 (Sinte)

⁵ Jaake rah har job koi sowel das, hunte well gar leskro bal tchinlo, bis te ko tsiro trujel hi, kai das job pes an o baro Debleskro wast. Job hi o Debleskro, un hunte mukell peskro bal ap o shero lengsto te well.

O Debleskro Lab 2024 (Sinte-Manouche)

⁵ Yaake rah har yob koy sovel das, hounte vell gar leskro bal činlo, bis te ko tsiro trouyel hi, kay das yob pes an o baro Debleskro vast. Yob hi o Debleskro, oun hounte moukell peskro bal ap o shero lengsto te vell.

4. Mose 6:5 ပူးပေါင်းရင်းမြစ်များ

Ezekiel 44:20

Un i rashaja hunte tchinenn gar pengre balla tseles tele, un mukenn len ninna gar lengsto te well. Tiknes hunte wenn le tchinlo.

4. Mose 6:4

Jaake rah har job koi sowel das, hunte chal job tchi, hoi i drakengro rukestar wella, witar kek drake, hoi jalo hi, witar kek, hoi pral o tsiro ap o ruk hi.

Bičepangre 18:18

O Paulo atchas i tsiro an o foro Korint. Koi pal penas lo i patslenge: “Atchenn o Debleha!” Un job uleras ap o shiffo pral o baro pani an o them Syria. I Priska un o Akwila his pash leste. Glan kowa, har jon an o foro Kenchrea ap o shiffo djan, das pes o Paulo sowel un mukas peskre balla tele te tchinell.

Čačepangre 13:5

Ko tchawes, kai leh, well i mursh, kai o Debleske hi peskro tselo djipen fun ko diwes, kai well lo ap i phub. Leskre balla wenn gar tchinlo. Un job lell o Israel win dran i wasta i Filistarendar.”

Čačepangre 16:17

Un job penas lake lauter, hoi an leskro dji hi, un penas ap late: “An ko tselo tsiro, kai me djiwau, wan mire balla gar tchinlo. Jaake rah har boldo wom, hom me o Debleske dino. Te tchinell jek mire balla tele, palle djal i soor mandar krik, un me wau jaake har hako wawar mursh ninna.”

Čačepangre 16:19

Un joi mukas o Simsones an lakri gali dren te sowell, un das pal jekeste gole, kai leske i efta zopfe tele tchinas. Un jaake kras li les tiknes. Un leskri soor djas peske lestar.

1. Samuel 1:11

un das pes sowel un penas: “Tu, baro Dewel un rai pral o bolepen un i phub, tu te dikeh kanna tiri tchorweli budepaskretsa an, un bistreh lat gar, un deh tiri budepaskretsat i mursh tchawes, palle dau me les tute o tselo tsiro, hoi job djiwella. Un kek tchuri well ap leskre balla, hoi tchinals len tele.”