4. Mose 6:25 - O Debleskro Drom 2021 (Sinte)

²⁵ O baro Dewel dikell latches ap tumende un krell peskro dji tumenge pre!

O Debleskro Lab 2024 (Sinte-Manouche)

²⁵ O baro Devel dikell lačes ap t'mende oun krell peskro dji t'menge pre!

4. Mose 6:25 ပူးပေါင်းရင်းမြစ်များ

1. Mose 43:29

Un job dikas pes trujel un dikas peskro phrales Benjamin, ko tchawes peskri datar, un putchas: “Hi kowa tumaro terneder phraal, kolestar rakran?” Un ap leste penas lo: “O Dewel mu dell tut latchepen, miro tchawo.”

Debleskri gili 119:135

Dik latches ap mande, tiro budepaskro, un sike mange, hoi tu mandar kameh!

Debleskri gili 21:6

Tu hal ap leskri rig un kral leskro railepen bares. Shukapen un barepen tchiwal tu ap leste.

Debleskri gili 31:16

Miro djipaskro tsiro hi an tire wasta. Le man win dran i wasta kolendar, kai mange tchilatchepen kamenn, un man palla lenn.

Debleskri gili 4:7

Bud penenna, koon mukell men latchepen dikell? Tu, baro Dewel, muk tiro latchepen har i momeli pral mende pre te djal!

Debleskri gili 67:1

I gili o rajeske pral i gipangre, te giwell pash o bashepen ap i dorjengre bashepangre.

Debleskri gili 80:19

Jaake kamah mer gar tiri rigjatar te djal. Muk men te djiwell! Un mer dah tiro lab an-gole.

Debleskri gili 80:7

Kolla, kai trul mende djiwenna, tchingrenn pen pral maro them. Kolla, kai kamenn men krik te tradell, praassenn men.

Debleskri gili 86:16

Risse tut pash mande, un ab mange latches! Hom tiro budepaskro, – de man tiri soor! Ninna miri dai his tiri budepaskretsa, doleske ab ap miri rig!

2. Mose 33:19

“Mishto”, penas o baro Dewel: “Me kamau glan tute te djal, te dikess tu miro tselo latchepen. Un miro lab ‘Baro Dewel’ rakrau me glan tute win. Me hom latcho koneske, kones me kamau. Un krau miro dji pre koneske me kamau.

Daniel 9:17

Kanna, maro Dewel, shun miro mangepen! Shun har me, tiro budepaskro, ap tute rowau. Dik pale latches ap tiro kheer, hoi khetne dino koi tchiddo hi. Kre kowa, te djinell hakeno, tu hal o tchatcho Dewel!

Maleachi 1:9

Kanna nai mangenn lestar, tumer rashaja, – jaake bud har kamenn, te well lo menge latches! Hoi djal an tumaro shero glan? Sau koowa kran, un tumer patsenn, te well lo tumenge latches! ‘Na-a’, penell o baro Dewel, ko rai pral o bolepen un i phub.

Johanni 1:17

O Mose das men kol laba, kai penenna, har mer djiwas. O Jesus Kristo anas menge o Debleskro latchepen un tchatchepen.

Remarja 1:7

Ap tumende halauterende tchinau kau liil. O Dewel kamell tumen o djijestar, un das tumen gole, te djiwenn leha khetne. Mu well tumen latchepen un bacht an o dji! Kowa dell tumen o Dewel, maro dad, un maro rai, o Jesus Kristo!