4. Mose 6:24 - O Debleskro Drom 2021 (Sinte)

²⁴ Mu dell tut o baro Dewel bacht un soor, un dell garda ap tute!

O Debleskro Lab 2024 (Sinte-Manouche)

²⁴ Mou dell tout o baro Devel barht oun zoor, oun dell garda ap toute!

4. Mose 6:24 ပူးပေါင်းရင်းမြစ်များ

1. Mose 28:15

Tu djiness, me hom tuha un dau garda ap tute, kote, kai tu djah. Un anau tut pale an kau them. Me mukau tut gar, bis te krom halauter, hoi tuke penom.”

2. Samuel 7:29

Kanna tchip tiri bacht pral mande un mire menshende, te atchenn le glan tute hako tsiro, jaake har tu baro Dewel, miro rai, rakral. Muk te well tiri bacht un tiri soor ap mire menshende hako tsiro!”

Debleskri gili 134:3

O baro Dewel, kai o bolepen un i phub kras, hi khere ap i berga Zion. Fun kotar mu tchiwell lo peskri bacht ap tute!

Debleskri gili 17:8

Rike tiro wast pral mande, jaake har te woms tiri jak. Khate man jaake har i tchirklo peskre tchawen tel peskre mussja khatrell!

Debleskri gili 28:9

Ab ap i rig tire menshenge! Tchip tiri soor un tiri bacht ap mende, kai tiro ham! Ab hako tsiro har i bakrengro menge, kai dell jak ap peskre bakrende un dell len lauter, hoi len hunte well djipaske!

Debleskri gili 91:11

Job kokres penas ap peskre bolepangre, te denn le jak ap tute ap tire tsele dromma,

Jesaja 27:3

Me, o baro Dewel, dau ap leste jak, un dau les pale te pale pani. Kek tsiro mukau les dran miro jak, jaake te nai krell les kek tchomone.

Jesaja 42:6

Me, o baro Dewel, dom tut gole, te aness o tchatchepen pash i menshende. Me taprom tut pash tiro wast. Un me dau jak ap tute. Tu wess o rakepaskro, kai krell i menshentsa win, te wap lengro Dewel; un wess i menshenge an i tsele themma i momeli, hoi sikrell len o drom pash mande.

Daniel 9:17

Kanna, maro Dewel, shun miro mangepen! Shun har me, tiro budepaskro, ap tute rowau. Dik pale latches ap tiro kheer, hoi khetne dino koi tchiddo hi. Kre kowa, te djinell hakeno, tu hal o tchatcho Dewel!

Johanni 17:11

An i tikno tsiro hom buder gar ap kai phub. Me wau pash tute. Jon hi ap kai phub. Miro dad, tu hal o baro Dewel, rike len an tire wasta, te atchenn jon pash tute, te wenn jon jek, jaake har mer ham!

1. Korintarja 14:16

Te shareh tu o Debles an i rakepen, hoi o Debleskro Ducho tut das, un koi hi jek, kai haiwell kowa gar, har nai penell job ‘Amen’ ap kowa, hoi tu penal?

Efesarja 6:24

O Debleskro latchepen well pral lauterende, kai kamenn maro rajes, o Jesus Kristes, o tselo djijeha! Job dell len o djipen, hoi gar pre-herella!

Filiparja 4:23

O latchepen maro rajestar, o Jesus Kristestar, well pral tumende!

Filiparja 4:7

Palle dell o Dewel tumen peskri bacht an o dji. Leskri bacht hi jaake baro, kai nai haiwah kowa gar. Un o Jesus Kristo rikrell tumaro dji, un lell tumari daar krik.

1. Tessalonikarja 5:23

O Dewel kras i drom, te was pash leste. Lestar mangau, te krell lo tumaro tselo djipen djudjo glan leste, te rikrell lo tumen an peskre wasta, jaake te hatsell lo kek doosh ap tumende ap ko diwes, kai well maro rai, o Jesus Kristo, pale.

1. Petro 1:5

kai patsenn ap leste. O Dewel rikrell tumen an peskro sorelo wast, bis te well ko diwes, kai lell tumen o Jesus Kristo dran i tseli bibacht win. Palle dikenn tumer har shukar kowa hi, hoi les tumenge hi.

Judas 1:24

Maro Debles hi i soor, te rikrell lo tumen ap leskro drom, te hatsell lo kek doosh ap tumende ap ko diwes, kai han glan leste tardo, un dikenn leskro railepen, un han bachteles.

Ruth 2:4

Pal i tsiro was o Boas dran o foro Betlehem un penas ap peskre budepangre, kai o djob tchinenn: “O baro Dewel well tumentsa!” Un jon penan ap leste: “O baro Dewel dell tut peskri bacht!”

1. Samuel 2:9

O baro Dewel rikrell kolen ap o tchatcho drom, kai leskre hi. Un kolla, kai kamenn lestar tchi te djinell, perenn an o tamlepen un merenn. Kek mensho well pestar sorelo.