4. Mose 6:23 - O Debleskro Drom 2021 (Sinte)

²³ “Pen ap o Aroneste un ap leskre tchawende: Jaake hunte penenn tumer ap kol Israelitarja, te rakrenn miri bacht pral lende win:

O Debleskro Lab 2024 (Sinte-Manouche)

²³ “Pen ap o Aroneste oun ap leskre čavende: Yaake hounte penenn t'mer ap kol Israelitarya, te rakrenn miri barht pral lende vin:

4. Mose 6:23 ပူးပေါင်းရင်းမြစ်များ

1. Mose 24:60

Un jon rakran i bacht pral late win un penan: “Tu, mari pheen, tutar te wenna bud serja menshe: serja kope deesh-serja! Mu wenn tire tchawe rai pral kolende, kai kurenn pen lentsa, te lenn le kolengre forja krik!”

1. Mose 47:10

Un o Jakob penas ap o baro rajeste: “Atch mo Debleha!” un djas lestar.

1. Mose 47:7

O Josef anas peskro dades, o Jakobes, glan o baro rajeste. Un o Jakob penas ap leste: “Latcho diwes! Mu dell tut o Dewel peskri soor un bacht!”

1. Mose 48:20

Jaake rakras o Israel ap ko diwes o Debleskri bacht win pral kol tchawende un penas: “Tumare labentsa sharenn pen i menshe an Israel. Jon penenna: O Dewel mu krell tut har o Efrajim un o Manasse!” Jaake tchiwas o Israel o Efrajimes glan o Manasse.

1. Rajengro liil 8:55

Un rissras pes pash i menshende un rakras o Debleskri bacht win pral i tsele menshende an Israel, un penas bari goljah:

1. Familjakro liil 23:13

O Amram, leskre tchawe his: o Aron un o Mose. Un o Aron un leskre tchawe wan win rodedo, te wenn le rashaja hako tsireske. Jon kokres nai kran o baro Debleskri budi: nai chatchran viechen ap leskri chatchepaskri, un nai rakran o Debleskri bacht win pral i Israelitarja.

2. Familjakro liil 30:27

Un i rashaja un i Levitarja stan pre un rakran o Debleskri bacht pral i tsele menshende win. Un o baro Dewel shunas lengro rakepen, un hoi le lestar mangan, was pash leste an o bolepen shunlo.

2. Mose 39:43

Un o Mose dikas kowa lauter un haiwas, jon kran lauter jaake har o baro Dewel penas. Un job rakras o Debleskri bacht pral lende win.

4. Mose 6:22

Un o baro Dewel rakras o Moseha un penas:

Remarja 1:7

Ap tumende halauterende tchinau kau liil. O Dewel kamell tumen o djijestar, un das tumen gole, te djiwenn leha khetne. Mu well tumen latchepen un bacht an o dji! Kowa dell tumen o Dewel, maro dad, un maro rai, o Jesus Kristo!

1. Korintarja 1:3

Mu well tumen latchepen un bacht an o dji! Kowa dell tumen o Dewel, maro dad, un maro rai, o Jesus Kristo!

5. Mose 10:8

Ko tsireske rodas peske o baro Dewel kol murshen dran o kheer Levi win, te hidjrenn jon o mochton, kai o Debleskre deesh laba dren hi, un te wenn jon rashaja un budrenn leske, un rakrenn an leskro lab bacht win pral i menshende. Un kowa krenn le ninna kau diwes.

5. Mose 21:5

Palle stakrenn i rashaja dran o kheer Levi glan. Kolen rodas tumaro baro Dewel win, te krenn le leskri budi, un te rakrenn le leskri bacht win pral i menshende. Un an i tchingepen un pal i marepen rakrenn le o tchatchepen win.

5. Mose 33:1

Un glan peskro merepen rakras o Debleskro mursh, o Mose, i Debleskri bacht win pral i Israelitarja, un penas:

Hebrearja 7:1

O Melchisedek his o baro rai pral o foro Salem, ninna o baro rashai o baro Deblestar. An ko tsiro djas o Abraham an o kurepen, un maras i bare rajen pengre lurdentsa. Har job pale was, djas o Melchisedek pash leste, un rakras o Debleskri bacht pral leste win.

Hebrearja 7:7

Un hakeno djinella: O bareder rakrell i bacht win pral o tikneder.

Josua 8:33

Un i tsele Israelitarja, lengre phureder, pralstune un tchatchepangre mursha, ninna i wi-themarja mank lende, jon halauter his tardo ap kol dui rigja pash o mochton, kai i deesh laba dren hi, hoi o baro Dewel len das. Ap koi jek rig dikan le i berga Garizim, ap koi wawar rig dikan le i berga Ebal. Mank lende un o mochton his i rashaja tardo, kai o mochton hidjran, – kolla his Levitarja. I tsele menshe his jaake tardo har o Mose, o baro Debleskro budepaskro, glan i tsiro penas, te wenn le tardo ap ko diwes, kai well o Debleskri bacht pral lende wi-rakedo.

1. Petro 1:2

O Dewel, maro dad an o bolepen, rodas tumen win, un das tumen peskro Ducho, te wenn tumer o Debleskre tchawe, un krenn, hoi o Jesus Kristo tumendar kamella. Un job thowas tumari doosh peskro rateha tumendar tele. Mu well tumen bud latchepen un bacht an o dji!

2. Johanni 1:3

Latchepen, kamlepen un bacht tumenge! Kowa dell men o Dewel, maro dad, un leskro tchawo, o Jesus Kristo, an o dji. Un jaake atchah mer khetne an o Debleskro tchatchepen un kamlepen.