4. Mose 6:20 - O Debleskro Drom 2021 (Sinte)

²⁰ Palle lell o rashai kowa an peskre wasta un hadell les pre, te dell lo les o baro Debleste. Ko koowa, khetne o betch un i palstuni heri o bakrestar, hi o rashajeske. Koi pal nai pijell kowa, kai i tsireske o Debleske koi his, pale mool.

O Debleskro Lab 2024 (Sinte-Manouche)

²⁰ Palle lell o rashay kova an peskre vasta oun hadell les pre, te dell lo les o baro Debleste. Ko koova, khetne o beč oun i palstouni heri o bakrestar, hi o rashayeske. Koy pal nay piyell kova, kay i tsireske o Debleske koy his, pale mool.

4. Mose 6:20 ပူးပေါင်းရင်းမြစ်များ

Sikepaskro 9:7

Doleske cha tiro maro un pi tiri mool i bachtelo djijeha; kowa kamell o Dewel jaake tutar.

Jesaja 25:6

Kate ap i berga Zion mukell o baro Dewel, ko rai pral o bolepen un i phub, i menshenge an i tsele themma i latcho chapen glan te tchiwell; i chapen thullo masseha un latchi phuri mool, awa, wi-rodedo latcho mass un wi-rodedi phuri mool.

Jesaja 35:10

Kolen, kai job dran o pandepen win las, wenn pale khere, un wenn o gipah pash i berga Zion. Lengri bacht lell kek lendar. Lengre djia giwenn un bashrenn i bachtjatar. Un duk un ropen dell gar buder.

3. Mose 10:15

Glan te chan tumer kowa, wenn koi palstuni heri un kau betch tchiddo pash kol kotja thulepen, hoi chatchedo wenn. Kolentsa khetne wenn le pre hadedo glan o baro Debleste. Pal kowa hi kal kotja mass tuke un tire mursh tchawenge. Jaake te well kowa kerdo hako tsireske. Kowa penas o baro Dewel.”

3. Mose 23:11

Job hadell kowa pre glan o baro Debleste, te sikrell lo, kai kowa o Debleske hi. Palle dikell o baro Dewel latches ap tumende. Kowa krell o rashai ap o diwes pal o Debleskro diwes.

3. Mose 7:30

Peskre wastentsa hunte anell lo les, te well lo chatchedo o baro Debleske: Ko thulepen un ko betch. Ko betch well pre hadedo glan o baro Debleste.

3. Mose 7:31

O rashai mukell o thulepen te chatchrell ap i chatchepaskri. I betch hi o Aroneske un leskre mursh tchawenge.

3. Mose 7:32

O tchatchi heri kau viechestar hi ninna ko rashajeske,

3. Mose 7:34

O baro Dewel penell i Israelenge, kai anenn leske i vieches, te chan le les khetne glan leste, te denn le o betch un i tchatchi heri o rashajeste, o Aroneste, un leskre mursh tchawende. Kal kotja mass hi i rashajenge dran o kheer Aron hako tsireske fun ko diwes, kai wan le dren tchiddo an pengri rashajengri budi. Un i Israelitarja hunte denn len i rashajende. Kau lab atchell jaake hako tsireske, hoi wella.

3. Mose 9:21

Kol betcheskre kotja un i tchatche palstune herja hadas o Aron glan o baro Debleste pre, te sikrell lo, kai kal tsele vieche o baro Debleske his. Jaake penas kowa o baro Dewel o Moseske.

Zakarie 10:7

Un i mursha dran o kheer Efrajim hi palle sorelo har bare kurepangre, un bachtelo har kolla, kai pijan mool. Lengre tchawe dikenn kowa un denn gole i bachtjatar. Lengro dji giwell dran kowa, hoi o baro Dewel kras.

Zakarie 9:15

O baro Dewel, ko rai pral o bolepen un i phub, rikrell peskre wasta pral peskre menshende. Jon wenn i sorleder un stakrenn i barra tele, hoi ap lende witsedo wan. Jon pijenn un denn gole har te wans le mato i moljatar. Jon wenn jaake pherdo rat, har i tcharo pherdo viechengro rat hi, hoi well win tchoredo o Debleske ap leskri chatchepaskri, un hoi nashell pral i rigja tele.

Zakarie 9:17

Awa, har railo un shukar well kowa! I tchawe wenn sorele terne mursha un djuwja, jaake bud djob un mool hi koi.

4. Mose 18:18

Lengro mass hi tuke, jaake har ko betch un koi tchatchi heri, te chan tumer kowa khetne glan mande.

4. Mose 5:25

Palle lell ko rashai ko jarro dran lakro wast, te hadell lo les pre glan o Debleste. Un jaake sikrell lo: Kowa hi o baro Debleske.

4. Mose 6:21

Jaake hunte krell ko mensho, kai his i tsireske o Debleske koi, un dell kau koowa o baro Debleste, ninna ko wawar koowa, hoi job pes sowel das. Jaake har job pes sowel das, jaake hunte krell job ninna.

Mateo 26:29

Un me penau tumenge: Me pijau buder gar i mool, bis te well ko diwes, kai me pijau newi mool tumentsa khetne pash miro dadeste an o bolepen.”

Markus 14:25

Tchatchepah, me penau tumenge: Me pijau buder gar i mool, bis te well ko diwes, kai hi o Dewel o rai pral halauter. Palle pijau newi mool pash leste an o bolepen.”

Johanni 19:30

Har pijas o Jesus koi shutli mool, penas lo: “Me krom lauter, hoi hunte krom.” Un job tchiwas peskro shero glan tele, un meras.