4. Mose 6:15 - O Debleskro Drom 2021 (Sinte)

¹⁵ Ninna anell lo i kashteni piri, kai merklia un mare dren hi, kai kek shutlo jarro dren hi: merklia dran latcho jarro un djet, un sane mare, kai djet pre maklo hi, ninna ko tselo chapen dran jarro un koi mool, hoi koi pashel hi, te well lo dino o Debleske.

O Debleskro Lab 2024 (Sinte-Manouche)

¹⁵ Ninna anell lo i kashteni piri, kay merklia oun mare dren hi, kay kek shoutlo yarro dren hi: merklia dran lačo yarro oun djet, oun sane mare, kay djet pre maklo hi, ninna ko tselo rhapen dran yarro oun koy mool, hoy koy pashel hi, te vell lo dino o Debleske.

4. Mose 6:15 ပူးပေါင်းရင်းမြစ်များ

2. Mose 29:2

Le ninna latcho jarro, tchip kek shutlo jarro dren, un kre pesse un sane mare, ninna merklia. An i merklia tchip djet dren, un ap i sane mare mak djet pre.

Jesaja 62:9

Awa, kolla, kai o djob dren anan, kolla chan les ninna un sharenn o baro Debles. Un kolla, kai i drake dren anan, kolla pijenn ninna i mool lendar ap i platse glan miro kheer.

Joel 1:13

Tumer rashaja, kai han tardo pash o Debleskri chatchepaskri, riwenn tumen an gone, un denn gole i bibachtjatar! Ninna ratsjake riwenn ko gono gar win, tumer, kai budrenn miro Debleske! Hi kek djob koi un kek mool, hoi nai anans tumaro Debleske an leskro kheer.

Joel 1:9

Djob un mool hi buder gar koi, hoi nai wals dino o baro Debleste an leskro kheer. I rashajenge hi ropaske. Len hi buder tchi, te anenn le o baro Debleske.

Joel 2:14

Koon djinell, te rikrell lo ninna kau kopo i phagi pale, un mukell djob un drake bares te well, te nai anenn tumer jarro un mool o baro Debleske, kai hi tumaro Dewel.

3. Mose 2:4

Te kameh i chapen glan o baro Debleste te anell, hoi peklo hi an i bob, palle an tchomone, kai kek shutlo jarro dren hi, nai wenn merklia dran latcho jarro khetne kerdo djeteha, nai wenn sane mare, hoi djet pral maklo well.

3. Mose 7:12

Te anell jek les, te kamell lo pes pash o baro Debleste te parkrell, palle hunte anell lo ninna merklia kerdo djeteha, an kolende kek shutlo jarro hi, un sane mare an kolende kek shutlo jarro hi, kai djet pral maklo was, ninna merklia kerdo dran latcho djob un djet.

3. Mose 8:2

Le o Arones un leskre mursh tchawen tuha, un i rashajengre koola, un o djet un ko terno gurum, hoi i doshake maredo well, un kol dui mursh bakre un koi korba, kai i mare dren hi, kai kek shutlo jarro dren hi.

3. Mose 9:4

Anenn ninna i gurum un i mursh bakro, te maras mer len glan o baro Debleste, un chan len kote khetne. Koi pashel anenn jarro, kai djet dren hi, te chatchras mer les o baro Debleske. Kau diwes hi ko diwes, kai o baro Dewel pes tumenge sikrell.”

4. Mose 15:10

Ninna tchoress tu dui litarja mool koi pashel. Te well kowa halauter chatchedo o baro Debleske, djal i sungepen pre, hoi sungella mishto o baro Debleske.

4. Mose 6:16

Un o rashai hunte anell kowa glan o baro Debleste. Palle marell lo ko jek bakro, te well leskri doosh krik lino un ko duito, hoi o Debleske tseles chatchedo wella.

1. Korintarja 10:31

Hoi tumer ninna krenna un chana un pijenna, kowa krenn lauter jaake, te well o Dewel sharedo.

1. Korintarja 11:26

Hako kopo, kai chan tumer ko maro, un kai pijenn tumer dran ko khoro, penenn tumer dureder, kai maro rai Jesus meras. Kowa krenn tumer jaake rah, bis te job pale wella.