4. Mose 5:2 - O Debleskro Drom 2021 (Sinte)

² Pen ap kol Israelitarja: “Bitchrenn hakenes win glan tumari platsa, kai jaake nasselo ap peskro mass hi, te merell leskro mass tele! Bitchrenn ninna halauteren win, kai nashell dukepaskro pani dran lende win, un kolen, kai kran pen pale-tchiddo ap kolende, kai mulo hi!

O Debleskro Lab 2024 (Sinte-Manouche)

² Pen ap kol Israelitarya: “Bičrenn hakenes vin glan t'mari platsa, kay yaake nasselo ap peskro mass hi, te merell leskro mass tele! Bičrenn ninna halauteren vin, kay nashell doukepaskro pani dran lende vin, oun kolen, kay kran pen pale-čiddo ap kolende, kay moulo hi!

4. Mose 5:2 ပူးပေါင်းရင်းမြစ်များ

2. Rajengro liil 7:3

Glan ko foreskro wudar his star mursha, kolen i djungelo nasslepen ap pengro mass hi. Un jek penas ap o wawareste: “Hoske atchas mer kai bis te merah?

3. Mose 13:45

Ko mursh ap koleste ko djungelo nasslepen hi, hunte riwell koola, hoi paash hi, un hunte mukell leskri balla diwjes, un hunte tchiwell i diklo trul peskri tchor, un dell win gole: pale-tchiddo, pale-tchiddo!

3. Mose 13:46

Un jaake rah, har ko djungelo nasslepen ap leste hi, hi lo pale-tchiddo. Job djiwell kokres, un krell peskro kheer win glan koi platsa, kai i wawar menshe djiwenn.

3. Mose 13:8

Te dikell o rashai palle, kai was ko nasselo kotar bareder, palle hi kowa i djungelo nasslepen, un o rashai hunte rakrell win, te hi ko mensho pale-tchiddo.

3. Mose 14:8

Kowa, kai sasto was, thowell peskre koola un tchinell peskre tsele balla tele, un thowell pes. Palle hi lo erligo, un nai well pale ap i platsa, kai i menshe djiwenn. Efta diwessa atchell lo win glan peskro plachteno kheer.

3. Mose 21:1

O baro Dewel penas ap o Mose: Pen i rashajenge dran o kheer Aron: Ma taprenn i mules an, te wenn gar pale-tchiddo!

3. Mose 23:29

Hakeno, koon rikrell pes gar pale o chapastar, kowa well pale-tchiddo hako tsireske, un nai djiwell buder gar mank peskre menshende.

4. Mose 12:10

Ninna koi wolka pral o Debleskro kheer djas krik. Un ap jek kopo was i Mirjam nasselo ap peskro mass, ko his parno har gib. Un har rissras pes o Aron pash i Mirjam un dikas ko nasslepen ap lakro mass,

4. Mose 12:14

O baro Dewel penas ap o Moseste: “Te tchungrals lakro dad lat an o mui, hunte ladjals joi efta diwessa. Mukenn lat kokres efta diwessa win glan koi platsa, kai i plachtene khera hi! Pal kowa lenn lat pale pash tumende!”

4. Mose 31:19

Un tumer halauter, kai dan jekes mulo oder kai tapran i mules an, atchenn efta diwessa glan koi platsa, kai tumare plachtene khera hi. Ap o triinto diwes un ap o eftato diwes thowenn tumen jaake har glan tchinlo hi, te wenn pale djudjo un erligo. Ninna kol tcha, kai lan tumenge pandlo, hunte thowenn pen jaake.

4. Mose 5:1

Un o baro Dewel rakras o Moseha un penas: