4. Mose 5:18 - O Debleskro Drom 2021 (Sinte)

¹⁸ Un job hunte anell koi djuwjat glan o baro Debleste, un krell lakre balla pre, un tchiwell ko jarro an lakro wast, te well diklo, chochras li peskro romes, chochras li les gar. Un an peskro wast lell ko rashai ko djungelo nasselo pani.

O Debleskro Lab 2024 (Sinte-Manouche)

¹⁸ Oun yob hounte anell koy djouvyat glan o baro Debleste, oun krell lakre balla pre, oun čivell ko yarro an lakro vast, te vell diklo, rhorhras li peskro romes, rhorhras li les gar. Oun an peskro vast lell ko rashay ko djoungelo nasselo pani.

4. Mose 5:18 ပူးပေါင်းရင်းမြစ်များ

Gosewe laba 5:4

Pal kowa hi kowa, hoi tut latar hi, har i djungelo pipen un har i charo hoi ap dui rigja tchinell.

Sikepaskro 7:26

Un me hatsom tchomone, hoi shutleder hi har o merepen, – i djuwel, kai i murshen taprell; kolakro kamlepen hi har dorja, kolentsa len pandell li; lakre mussja, hoi le trul lende tchiwell hi har shelle. I mursh, kai mishto hi glan o Debleskre jaka, kowa nai nashell peske latar; o dinelo well latar tapedo.

Jesaja 38:17

Dik, kowa his mange mishto, te wom nasselo: An tiro kamlepen tserdal tu miro djipen win dran o merepen. I tseli doosh, hoi me ap mande anom, witsral tu pal tiro dumo.

Jeremia 2:19

Dran tiro tchilatchepen well kowa ap tute. Tu shunal gar. Doleske leh tu sawi phagi. Tu hunte djiness un haiwess, hawo pharo koowa un duka ap koleste wenna, kai djal peskro baro Deblestar krik, un kamell lestar buder tchi te djinell. Kowa penell o baro Dewel, ko rai pral o bolepen un i phub.

3. Mose 13:45

Ko mursh ap koleste ko djungelo nasslepen hi, hunte riwell koola, hoi paash hi, un hunte mukell leskri balla diwjes, un hunte tchiwell i diklo trul peskri tchor, un dell win gole: pale-tchiddo, pale-tchiddo!

4. Mose 5:15

Palle hunte anell ko mursh lat pash o rashajeste, un anell o Debleske jek kilogrammi jarro. Un job hunte tchorell kek djet pral pre, un dell witar kek sungepaskro koowa koi pashel. Ko jarro dell lo o Debleste, te well o tchatchepen win, te djinenn le: chochras li les, – chochras li les gar.

4. Mose 5:17

un tchorell Debleskro pani an i piri, hoi hi kerdo dran pekli tchik, un lell phubjakri tchik dran o Debleskro kheer, un tchiwell kowa an o pani.

4. Mose 5:19

Un job dell koi djuwjat trad un penell ap late: “Te his kek mursh pash tute tchiddo un chochral tiro romes gar i wawareha, te anal ladj ap tute, palle nai pijeh ko djungelo nasselo pani, un tu weh gar nasselo.

4. Mose 5:22

“Jaake djal ko nasselo pani an tiro per, un tiro per well pesseder, un tire rigja perenn khetne.” Un koi djuwel hunte penella: “Amen, jaake te well kowa!”

1. Korintarja 11:15

Un te hi i djuwjat lengste bal, hi joi shukar. Lakre balla hi lake har i diklo.

1. Korintarja 11:6

Te kamell i romni tchi ap peskro shero te tchiwell, nai mukell joi ninna peskre balla tele te tchinell. Te wenn lake i balla tele tchinlo, un lat hi buder kek balla ap o shero, hi kowa lake i ladj. Doleske hunte tchakrell li peskro shero.

5. Mose 29:18

Kek te well mank tumende kau diwes, kai shunell har kau praassepen win rakedo well, un penell koi pashel an peskro dji: “Kowa hi gar mange. Mange djal mishto, ninna te djau pal miro shero.” Kowa wals djungeles tumenge halauterenge, i latchenge har i tchilatchenge.

Hebrearja 13:4

Kolla, kai romedino hi, hunte bistrenn gar, te hi jon romedino. O rom hunte well gar khetne i wawar djuwjah, un i romni hunte well gar khetne i wawar mursheha. Djinenn, o Dewel dell i phagi kol murshende, kai chochenn pengri romjat, un kol djuwjende, kai chochenn pengro romes, ninna lauterende, kai lubrenn trujel.

1. Samuel 15:32

Un o Samuel penas: “Anenn o Agag, ko rajes pral o Amalek, kai pash mande!” Un o Agag djas darjah koi, un penas: “Tchatchepah, har phares hi mange te hunte merap.”