4. Mose 4:5 - O Debleskro Drom 2021 (Sinte)

⁵ Ap ko tsiro, kai stenn i Israelitarja pre, te djan le dureder, djal o Aron peskre tchawentsa an o Debleskro kheer, un jon lenn ko kutch kotar than tele, hoi an o wudar glan o kutch isema hi. Ko kotar than tchiwenn le trul o sonakaskro mochton, kai o Debleskre deesh laba dren hi.

O Debleskro Lab 2024 (Sinte-Manouche)

⁵ Ap ko tsiro, kay stenn i Israelitarya pre, te djan le doureder, djal o Aron peskre čaventsa an o Debleskro kheer, oun yon lenn ko kouč kotar than tele, hoy an o voudar glan o kouč isema hi. Ko kotar than čivenn le troul o sonakaskro morhton, kay o Debleskre deesh laba dren hi.

4. Mose 4:5 ပူးပေါင်းရင်းမြစ်များ

1. Familjakro liil 15:15

Un i Levitarja hidjran o mochton ap pengre phika i hidjepaskre kashtentsa, jaake har o baro Dewel penas kowa o Moseske, un kowa les i Israelenge penas.

1. Familjakro liil 23:26

Jaake hunte hidjran i Levitarja buder gar o Debleskro plachteno kheer un halauter, hoi koi dren his, har glan kowa kerdo was.

2. Familjakro liil 3:14

Un o Salomo mukas ninna i plachta te krell o wudareske. Koja his kerdo dran latcho laintikro than un thabentsa, hoi his blaueto, lolo un lolo har jag. Un Cherubim his dren sido.

2. Mose 36:35

Un jon kran i kotar latcho sorelo laintikro than, kai kutch bakrengro bal dren hi. Kowa hi blaueto, lolo un lolo har jag. An ko kotar than wan bolepangre dren sido an shukar wastengri budi.

2. Mose 40:3

Un tchip ko mochton dren, kai o Debleskre deesh laba dren hi. Glan o mochton pande ko kutch kotar than pre!

2. Mose 40:5

Glan o mochton, kai o Debleskre deesh laba dren hi, tchip o sonakaskro bob, kai sungepaskro koowa chatchedo wella! Un an o wudar pande koi bari plachta pre!

Jesaja 25:7

Kate ap kai berga lell lo palle ko diklo krik, hoi tchakrell i sherja i tsele menshendar, koi merepaskri plachta, hoi hi tchiddo pral i menshende an i tsele themma.

3. Mose 16:2

Pen tiro phraleske, o Aroneske, te djal lo gar hako tsireske an o kutch isema an o Debleskro kheer, te merell lo gar. An koi isema, hoi pal ko kotar than hi, sikrau me man an i wolka pral ko sonakaskro pralstuno kotar, hoi ap o mochton tchiddo hi, kai mire deesh laba dren hi.

4. Mose 10:14

Kol menshe dran o kheer Juda his i glanstune, kai djan win. Lengro pralstuno his o Nachshon, koleskro dad o Amminadab hi. Lentsa djan kol menshe dran o kheer Issachar un dran o kheer Sebulon. I pralstuno pral o kheer Issachar his o Netanel. Leskro dad hi o Zuar. Un o pralstuno pral o kheer Sebulon his o Eliab. Leskro dad hi o Helon.

4. Mose 4:15

Ap ko tsiro, kai djan i Israelitarja dureder, hunte krenn o Aron un leskre tchawe kawa halauter un hunte tchakrenn kol tsele kotja o Debleskro plachteno khereske un halauter, hoi koi pashel hi. Pal kowa wenn kol Kohatarja un hidjrenn kowa. Kaja hi lengre budi. Jon taprenn kokres kol plachte an, hoi trul ko tselo koowa tchiddo hi, un gar ko Debleskro koowa, te merenn jon gar.

4. Mose 4:4

Kawa hi koi budi, hoi kol Kohatarja ap o Debleskro kheer hunte krenna: Jon hidjrenna o Debleskro koowa, hoi an o kutch isema hi.

4. Mose 7:9

Kolen, kai wan pal o Kohat, das job tchi. Lengri budi his, te hidjrenn le o Debleskro koowa, hoi an leskro kheer his. Kowa hunte hidjrenn le ap pengre phika.

Mateo 27:51

Un ko wudar an o Debleskro baro kheer, hoi his kerdo dran kutch pesso than, kowa djas paash an dui kotja fun pral bis tele. Un i phub was trisslemen. Un i bare barra phagan an kotja.

5. Mose 31:9

O Mose tchinas kal tchatchepaskre laba an i liil, un das les kol phureden pral Israel un kol rashajende dran o kheer Levi, kai o Debleskro mochton hidjran, kai o Debleskre deesh laba dren hi.

Hebrearja 10:20

Har o Jesus Kristo peskro djipen an o merepen das, his kowa jaake, har te krals lo menge ko wudar dran kutch pesso than pre, hoi hi glan o Debleskri kutch isema. Jaake kras lo menge i newo drom, hoi anell men an o djipen o Debleha.

1. Samuel 6:19

An o foro Bet-Shemesh his menshe, kai dikan an o mochton, kai o Debleskre deesh laba dren hi. Un o baro Dewel maras lendar efta-deesh (70) murshen. Un i tsele menshe rowan, te das len o baro Dewel jaake phares.