4. Mose 4:32 - O Debleskro Drom 2021 (Sinte)

³² ninna kol pesse kashta, hoi wenn pre tardo trul koi glanstuni platsa, lengre pire un kol tikne sasterne kotja, kai deh an i phub, kol shelle un ko tselo wawar koowa, jaake har kowa lengre budi hi. Un tumer hunte sikrenn lende hako kotar, hoi hidjrenn le.

O Debleskro Lab 2024 (Sinte-Manouche)

³² ninna kol pesse kashta, hoy venn pre tardo troul koy glanstouni platsa, lengre pire oun kol tikne sasterne kotya, kay deh an i phoub, kol shelle oun ko tselo vavar koova, yaake har kova lengre boudi hi. Oun t'mer hounte sikrenn lende hako kotar, hoy hidjrenn le.

4. Mose 4:32 ပူးပေါင်းရင်းမြစ်များ

1. Familjakro liil 9:29

Un wawar lendar dan garda ap o jarro un ap i mool un o djet un o sungepaskro koowa.

2. Mose 25:9

Jaake har me les tut kanna sikrau, jaake krenn tumer o kheer, ninna ko tselo koowa, koleha budrenn le an miro kheer. Krenn lauter jaake, har me les tut sikrau.

2. Mose 27:9

Glan o Debleskro kheer kress tu i platsa. Trul koi platsa pandess tu laintikre kotja dran latcho sorelo than mank pesse kashta, hoi tardo hi ap lole sasterne herja. I rikepangre un kol shelle, hoi rikrenn i laintikre kotja, kress tu dran rup. I platsa well ap koi rig, kai o kham pralstunes hi, 50 (paash-sheel) metarja lengsto. Kote wenn kol laintikre kotja ap biish pesse kashta rikedo, hoi ap biish sasterne herja tardo hi.

2. Mose 38:17

Un i herja tel kol pesse kashta his dran lolo saster. Un i rikepangre un shelle, hoi rikrenn i laintikre kotja, his dran rup. Un i pesse kashta, len his shere, kai rup trul tchiddo his.

2. Mose 38:21

O Bezalel, – leskro dad his o Uri un leskro papo o Hur, dran o kheer Juda – job kras koi tseli budi jaake, har o baro Dewel kowa o Moseske penas. Un o Oholiab, – leskro dad hi o Ahisamach, dran o kheer Dan – job was leske pash o wast. Un peskre wastentsa kras lo shukar koowa dran lolo saster, sonakai, rup un kasht. Ninna haiwas lo mishto latcho laintikro than te krell, un siwas shukar koowa dran kutch bakrengro bal dren, hoi blaueto, lolo un lolo har jag his. O Mose penas ap o Itamar, ko tchawo o rashajestar Aron: “Pen ap i Levitarja, te tchinenn le lauter an i liil, hoi i Israelitarja khetne tchiwan, te krenn le o Debleskro kheer, – ko kheer, kai o Debleskre deesh laba dren hi.”

4. Mose 3:36

Un lengre budi hi, te denn le garda ap kol kotja, dran kolende o kheer kerdo well: i tchinle kashta, i pandepaskre kashta, i pesse kashta un lengre pire, ap kolende jon tardo wenna, ninna o tselo wawar koowa, hoi koi pashel hi.

4. Mose 3:8

Un jon hunte denn jak ap o tselo koowa an o Debleskro kheer. Un jaake krenn jon koi budi, hoi i tsele Israelitarja hunte krans mange.

4. Mose 4:31

Kaja hi lengre budi ap o Debleskro kheer: Jon hidjrenna kol tchinle kashta, hoi wenn pre tardo, te krenn le o kheer, lengre pandepangre kashta, un kol pesse kashta, hoi wenn pre tardo, te hidjrenn le o kheer, ninna lengre pire,

4. Mose 4:33

Kaja hi koi budi, hoi i Merarja hunte krenna ap o Debleskro kheer. Un o Itamar, ko tchawo o rashajestar Aron, hi o pralstuno pral lende.

4. Mose 4:49

Hakeno las peskri budi un leske was penlo, hawo koowa job hunte hidjrell. Kowa halauter was jaake har o baro Dewel kowa o Moseske penas, te krenn jon.

4. Mose 7:1

Un har o Mose o Debleskro plachteno kheer pre tchiwas, makas lo les o djeteha o Debleske. Ninna ko tselo koowa, hoi koi dren hi, ninna o Debleskri chatchepaskri un halauter, hoi pashel hi, makas job o djeteha o Debleske.

4. Mose 7:8

Un star wurdja un ochta grumja das job kolen, kai wan pal o Merari, te nai hidjrenn jon pengre kotja. Un o Itamar, ko tchawo o rashajestar Aron, das garda ap halauter.