4. Mose 4:20 - O Debleskro Drom 2021 (Sinte)

²⁰ I Kohatarja hunte djan gar kokres koi dren, witar gar dikenn jon o Debleskro koowa, te merenn jon gar.”

O Debleskro Lab 2024 (Sinte-Manouche)

²⁰ I Kohatarya hounte djan gar kokres koy dren, vitar gar dikenn yon o Debleskro koova, te merenn yon gar.”

4. Mose 4:20 ပူးပေါင်းရင်းမြစ်များ

2. Mose 19:21

O baro Dewel penas ap o Mose: “Dja tele un pen lenge, te wenn le gar dureder pre, te dikenn le man. Te wenn le pre, hunte merenn bud lendar.

3. Mose 10:2

Kote djas jag o baro Deblestar win, un chatchras len pre. Jon meran kote glan o baro Debleste.

3. Mose 16:13

Kote tchiwell lo ko sungepaskro koowa ap i jag, te djal i jagakro ducho win un tchakrell ko pralstuno kotar ap ko mochton, kai o Debleskre deesh laba dren hi. Kowa hunte krell lo doleske, te merell lo gar.

4. Mose 1:51

Un te djan tumer dureder, tchiwenn kol Levitarja o Debleskro plachteno kheer khetne. Un te tchiwenn tumer tumare plachtene khera pre, palle tchiwenn i Levitarja o Debleskro kheer pale pre. Hako wawar, kai well pash o kheer, hunte merella.

4. Mose 18:3

Un kol wawar Levitarja hunte budrenn tuke, un krenn koi budi ap o tselo Debleskro kheer. O Debleskri chatchepaskri un ko tselo Debleskro koowa, koleha budreh tu an o Debleskro kheer, kowa taprenn le gar an, te merenn jon gar, un tumer lentsa.

4. Mose 4:15

Ap ko tsiro, kai djan i Israelitarja dureder, hunte krenn o Aron un leskre tchawe kawa halauter un hunte tchakrenn kol tsele kotja o Debleskro plachteno khereske un halauter, hoi koi pashel hi. Pal kowa wenn kol Kohatarja un hidjrenn kowa. Kaja hi lengre budi. Jon taprenn kokres kol plachte an, hoi trul ko tselo koowa tchiddo hi, un gar ko Debleskro koowa, te merenn jon gar.

4. Mose 4:19

un merenna gar ap ko tsiro, kai djan jon pash o Debleskro koowa! Doleske krenn jaake: O Aron un leskre tchawe djan glan lende an o Debleskro kheer dren un sikrenn hakeneste, hoi job hunte hidjrella.

4. Mose 4:21

Un o baro Dewel rakras o Moseha un penas:

Debleskro tsiro 11:19

Un o Debleskro kheer an o bolepen was pre kerdo. Un an o Debleskro kheer dikom me ko sonakaskro mochton, hoi sikrella, kai o Dewel o maal peskre menshendar hi. Un i jag das karje dran o bolepen pre te tele. Un o bolepen das bari gole, har koi gole, hoi o bolepen della, te dell baro brishin un te djal jag tele dran o bolepen. Un i phub trissas, un das brishin har bare barra.

1. Samuel 6:19

An o foro Bet-Shemesh his menshe, kai dikan an o mochton, kai o Debleskre deesh laba dren hi. Un o baro Dewel maras lendar efta-deesh (70) murshen. Un i tsele menshe rowan, te das len o baro Dewel jaake phares.