4. Mose 35:3 - O Debleskro Drom 2021 (Sinte)

³ te hi len forja, kai djiwenn le un them lengre viechenge, kai lengre grumja, bakre un wawar vieche nai chana.

O Debleskro Lab 2024 (Sinte-Manouche)

³ te hi len forya, kay djivenn le oun them lengre firhenge, kay lengre groumya, bakre oun vavar firhe nay rhana.

4. Mose 35:3 ပူးပေါင်းရင်းမြစ်များ

2. Familjakro liil 11:14

I Levitarja mukan pengre forja un halauter, hoi len his, un wan an o them Juda un an o foro Jerusalem. An o them Israel mukas len o Jerobeam un leskre mursh tchawe buder gar rashaja te atchell, kai budrenn o baro Debleske.

Ezekiel 45:2

Fun kau kotar them, lenn i paash, kowa hi 12,5 (deesh-te-dui-te-paash) kilometarja lengsto un 5 (pantch) kilometarja buchlo. Lestar well i kotar phub lino o Debleskro khereske: 250 (dui-sheel-te-paash-sheel) metarja lengsto un 250 (dui-sheel-te-paash-sheel) metarja buchlo, un trul leste i platsa trujel, hoi hi 25 (biish-te-pantch) metarja buchlo. Un kote well o Debleskro kheer tardo, kai ninna o Debleskri kutch isema dren hi.

4. Mose 35:2

Pen ap kol Israelende: Tumer lenna them un forja. Denn kol forjendar ninna forja kolende dran o kheer Levi, kai jon nai djiwenn. Denn lende ninna them lengre viechenge, ko themestar, hoi trul kol forja hi,

4. Mose 35:4

Ko them i viechenge, hoi glan kol forja hi, hoi tumer kol Levitarjen denna, hunte djal win o forestar 500 metarja an hake star rigja, jaake te well i platsa, kai haki rig 1.000 jek sero metarja baro hi, un o foro hi mashkral dren.

5. Mose 18:6

Te kamell i Levitari ko foro te mukell, kai djiwell lo an Israel, un kamell ap koi platsa te djal, hoi o baro Dewel peske wi-rodell,

Josua 21:11

Kirjat-Arba, hoi his kharedo pal o mursheste Arba, kolestar i Anakarja wenn, un i phub trul o foro trujel, kai i vieche nai chan; kau foro hi kanna Hebron un hi tchiddo an i berge Juda.