4. Mose 33:52 - O Debleskro Drom 2021 (Sinte)

⁵² hunte tradenn kol tsele menshen, kai djiwenn kote, glan tumende krik. Un lengre tsele barrengre un sasterne deblen, hoi kran jon penge, krenn paash, ninna kol pre-tchidde barra.

O Debleskro Lab 2024 (Sinte-Manouche)

⁵² hounte tradenn kol tsele menshen, kay djivenn kote, glan t'mende krik. Oun lengre tsele barrengre oun sasterne deblen, hoy kran yon penge, krenn paash, ninna kol pre-čidde barra.

4. Mose 33:52 ပူးပေါင်းရင်းမြစ်များ

1. Rajengro liil 11:7

Ap i berga glan o foro Jerusalem kras o Salomo i mulni platsa, kai mangan le o djungelo debles an, kai kharell Kemosh. Koles mangan i Moabarja an. Ninna kras lo i mulni platsa, kai mangan le o Moloch an, ko djungelo debles, koles i Ammonarja an-mangan.

2. Mose 23:24

Ma mangenn lengre deblen an! Ma anenn viechen, te chatchrenn len lenge! Ma krenn jaake har kolla, kai an ko them djiwenna! Denn lengre tsele deblen paash, un phagenn kol bare barra, hoi jon lenge pre-tchiwan!

3. Mose 26:1

Ma krenn tumen chochene deblen, witar kek figure un pre-tchiddo barra, oder barra an kolende i shero dino hi, te mangenn len an! Me, o baro Dewel, hom tumaro Dewel.

5. Mose 31:5

Ap ko tsiro, kai dell o baro Dewel kol menshen an tumaro wast, krenn lentsa jaake har penom me tumenge.

5. Mose 33:29

Bachtelo han tumer, Israelitarja! Koon hi jaake har tumer? Tumen kokres las o baro Dewel dran o pandepen win. Job well ap tumari rig, un rikrell peskro wast pral tumende. Job kurell pes tumenge, un krell, te wenn tumer sorleder har kolla, kolentsa kurenn tumen. Jon hunte witsrenn pen tele glan tumende, un tumer djan pral lende wergel.

Josua 11:15

Jaake penas o baro Dewel kowa ap o Mose, leskro budepaskro, te krell lo kowa. Un jaake penas o Mose les ap o Josua, te krell lo kowa ninna. Un o Josua rikras pes ap i tsele laba, hoi o baro Dewel o Moseske penas, un kras kowa jaake.

Josua 23:7

Ma tchiwenn tumen khetne kol wawar menshentsa, kai gomme an kau them djiwenn. Lengre deblen denn gar an-gole! Ma denn tumen sowel pash lende! Ma anenn lenge viechen un wawar koowa! Ma witsrenn tumen tele glan lende!

Josua 9:7

Koi penan i Israelengre mursha ap kol Hiwarja: “Nai hi, te djiwenn tumer kate mashkral mende! Har nai kras mer palle sawo koowa tumentsa win?”

Čačepangre 2:2

Un tumendar kamom, te wenn kek mala kol menshenge, kai an kau them djiwenn, un te phagenn tumer lengre pre-tchidde barra tele, kai chatchrenn le viechen lengro debleste. Un hoi kran tumer? Tumer shunan gar ap kowa, hoi penom!