4. Mose 33:3 - O Debleskro Drom 2021 (Sinte)

³ Jon djan dran o foro Ramses ap o 15. (deesh-te-pantchto) diwes an o ersto tchon. Kowa his o duito diwes kol bare diwessa ‘Passa’. Peskro sorelo wasteha anas len o baro Dewel win glan i jaka kol tsele Egiptarja,

O Debleskro Lab 2024 (Sinte-Manouche)

³ Yon djan dran o foro Ramses ap o 15. (deesh-te-pančto) dives an o ersto čon. Kova his o douyto dives kol bare divessa Passa. Peskro zorelo vasteha anas len o baro Devel vin glan i yaka kol tsele Egiptarya,

4. Mose 33:3 ပူးပေါင်းရင်းမြစ်များ

1. Mose 47:11

Un o Josef sikras peskro dadeste un peskre phralende, kai jon djiwenn nai. Un das len o feteder kotar them, hoi an o them Egiptia his, ko them Ramses, jaake har o baro rai penas.

Debleskri gili 105:38

I Egiptarja daran lendar, un his bachtele, har djan jon penge.

2. Mose 1:11

I Egiptarja tchiwan pralstune pral i Israelitarja. Kolla dan garda te budran i Israelitarja phares, un jaake rikran le len tele. Un jon kran i forja Pitom un Ramses, te well kote o chapen tchiddo o baro rajeske, o Farao.

2. Mose 12:2

“Kawa tchon well tumenge o ersto tchon an o bersh.

2. Mose 12:37

Un i Israelitarja djan win dran o foro Ramses un djan pash o foro Sukkot. Kokres i mursha his 600.000 (shob-sheel-serja). Ninna lengre romja un tchawe his pashel.

2. Mose 14:8

Un o baro Dewel pandas o Faraeskro dji, jaake te las job i Israelitarja palla, har jon i hadede wastentsa bachteles win djan.

Jesaja 52:12

Kau kopo hunte nashenn gar sik kotar win, witar gar jaake har wans ap o naashepen. O baro Dewel djal tumenge glan win, un dell pal tumende jak, job, o Dewel pral o Israel.

Micha 2:13

Lengro pralstuno krell lenge o drom pre un djal glan lende. Jaake phagenn le o foreskre wudja pre un djan win. Un lengro baro rai djal glan lende. Kowa hi o baro Dewel, kai hi lengro pralstuno.

4. Mose 33:2

Un jaake har o baro Dewel o Moseske penas, tchinas kowa pre, hawo drom jon djan un ap hawe platse jon atchan. Kalla hi kol platse, kai jon pengre plachtene khera pre tchiwan ap lengro drom.