4. Mose 33:1 - O Debleskro Drom 2021 (Sinte)

¹ Kalla hi kol platse, kai tchiwan i Israelitarja pengre plachtene khera pre, har djan le win dran o them Egiptia pengre lurdentsa. Wi las len o Mose un o Aron.

O Debleskro Lab 2024 (Sinte-Manouche)

¹ Kalla hi kol platse, kay čivan i Israelitarya pengre plarhtene khera pre, har djan le vin dran o them Egiptia pengre lourdentsa. Vi las len o Mose oun o Aron.

4. Mose 33:1 ပူးပေါင်းရင်းမြစ်များ

Debleskri gili 105:26

Job bitchras peskro budepaskres, o Moses, un o Arones, koles job peske wi-rodas.

Debleskri gili 77:20

Tu djal mashkral o baro pani. Tire herja djan an o telstuno pani. Un kek nai dikas, kai tire herja stakran.

2. Mose 12:37

Un i Israelitarja djan win dran o foro Ramses un djan pash o foro Sukkot. Kokres i mursha his 600.000 (shob-sheel-serja). Ninna lengre romja un tchawe his pashel.

2. Mose 12:41

Un har kal bersha trujel his, ap ko diwes, djan o baro Debleskre menshe win dran o them Egiptia.

2. Mose 12:51

Un ap kau diwes anas o baro Dewel i tsele Israeleskre familjen win dran o them Egiptia, jek familja pal i wawar.

2. Mose 13:18

Doleske mukas lo len i baro drom trul o Filistarengro them te djal. Ko drom anas len an o mulo tato them pash ko baro pani, hoi kharella ‘Baro Lolo Pani’. Un i Israelitarja djan penge dran o them Egiptia jaake har te djan le an o kurepen.

2. Mose 6:26

Kowa Aron un kowa Mose hi kolla, ap kolende o baro Dewel penas: “Anenn i Israelitarja win dran o them Egiptia! Anenn len jaake win, te djal haki bari familja khetne!”

Micha 6:4

Me hom kowa, kai anas tumen dran o them Egiptia win, kai hans pandle budepangre. Me dom tumen o Mose, o Aron un i Mirjam, te djan le glan tumende.

4. Mose 33:2

Un jaake har o baro Dewel o Moseske penas, tchinas kowa pre, hawo drom jon djan un ap hawe platse jon atchan. Kalla hi kol platse, kai jon pengre plachtene khera pre tchiwan ap lengro drom.

Josua 24:5

Pal bud tsiro bitchrom o Mose un o Aron pash lende, un anom bari bibacht pral o them Egiptia koweha, hoi krom kote. Pal kowa lom tumare phuren dran o them Egiptia win.

1. Samuel 12:8

Har o Jakob an o them Egiptia was, un i Egiptarja tumare phurenge o djipen phares kran, dan jon gole ap o baro Debleste, te well lo ap lengri rig. Un o baro Dewel bitchras o Moses un o Arones. Un jon anan tumare phuren dran o them Egiptia win, un mukan len kate an kau them te djiwell.