4. Mose 32:4 - O Debleskro Drom 2021 (Sinte)

⁴ hoi las o baro Dewel dren peskre menshenge Israel, kote hi bud senlepen i viechenge, un men, tire budepangren, hi vieche.

O Debleskro Lab 2024 (Sinte-Manouche)

⁴ hoy las o baro Devel dren peskre menshenge Israel, kote hi boud zenlepen i firhenge, oun men, tire boudepangren, hi firhe.

4. Mose 32:4 ပူးပေါင်းရင်းမြစ်များ

1. Familjakro liil 4:41

Un an ko tsiro, kai o Hiskija o baro rai pral Juda his, wan kolla, kai o labeha pre tchinlo his, un djan ap kol menshende Ham pre, kai kote an pengre plachtene khera djiwan, un ninna pral i Meunarja, kai kote djiwan. Un jon maran len lauteren. Jaake djiwenn jon kote bis ap kau diwes. Kote his bud senlepen lengre bakrenge un busjenge.

Jeremia 50:19

O Israel anau me pale khere, te djiwenn le pale ap i berga Karmel un an o them Bashan, un hatsenn doha chapen, un wenn tchalo ap i berge Efrajim un an o them Gilead.

Micha 7:14

Baro Dewel, de jak ap tire menshende, har i bakrengro jak dell ap peskre bakre! Tu rodal tuke tire menshen win, te wenn le tiro. Jon djiwenn kokres an o weesh. Trul lende hi bud them latcho senlepah. Muk len pale an i themma Bashan un Gilead te djal, te hatsenn le kote latcho senlepen har an o phuro tsiro.

4. Mose 21:24

O Israel his sorleder un das les o chareha un las lestar ko them peske, hoi hi mank o pani Arnon un o pani Jabbok un djal bis pash o them, kai kol Ammonarja djiwenna. Ko them, kai i Ammonarja djiwan, djas bis pash o foro Jaser.

4. Mose 21:34

Un o baro Dewel penas ap o Moseste: “Ma traash lendar! Me dom les an tire wasta, ninna o them i menshentsa. Un tu kress leha jaake, har kral o baro rajeha pral i Amorarja, o Sihoneha, kai an Heshbon djiwas.”

4. Mose 21:35

Un i Israelitarja dan o baro rajes Og un leskre tchawen un leskre tsele lurden, – kek lendar atchas pral. Un jon lan lengro them penge.

4. Mose 32:5

Te hal menge latcho, de men kau them, te hunte djas mer gar pral o pani Jordan.”

5. Mose 4:38

un tradas menshen win dran lengre themma glan tumende, natsjone, kai bareder un sorleder hi har tumer, te dell lo tumende lengro them, jaake har kowa kanna hi.