4. Mose 32:38 - O Debleskro Drom 2021 (Sinte)

³⁸ Nebo, Baal-Meon un Sibma un dan kol forjen, kai jon kran, newe laba.

O Debleskro Lab 2024 (Sinte-Manouche)

³⁸ Nebo, Baal-Meon oun Sibma oun dan kol foryen, kay yon kran, neve laba.

4. Mose 32:38 ပူးပေါင်းရင်းမြစ်များ

1. Mose 26:18

Un mukas kol brunne pale newes te krell, hoi jon kran an ko tsiro, kai leskro dad Abraham djiwas, un kolen i Filistarja pherdo tchik witsran pal leskro merepen. Un o Isaak das kol brunne ko lab, har leskro dad len das.

Esra 10:43

an i familja Nebo: o Jehijel, o Mattitja, o Sabad, o Sebina, o Jaddai, o Joel un o Benaja.

Debleskri gili 16:4

Bud hi i duka kolendar, kai nashenn i wawar debleske palla. Me kamau kol chochene deblenge kek rat win te tchorell. Witar gar kamau lengro lab an miro mui te lell.

2. Mose 23:13

Denn jak un rikrenn ap lauter, hoi me tumenge penom! Ma mangenn wawar deblen an! Lengre laba hunte wenn gar dran tumare muja win!

Jesaja 16:8

Ap ko hachetikri phub trul o foro Heshbon well buder kek latcho djob bares. Mulo hi kol drakengre ruka pash o foro Sibma. I themengre raja dan i feteder drakengre kashta tele, hoi djan bis pash o foro Jaser. Un ap jek rig djan i newe kashta bis an o mulo tato them, ap i wawar rig bis pash o Mulo Baro Pani.

Jesaja 46:1

O chocheno dewel Bel phagas khetne, un o chocheno dewel Nebo peras. Lengre figure, hoi tumer trujel hidjran, wan kanna i viechenge ap lengro dumo pandlo. Jon hunte hidjrenn len un wenn khino tel ko pharo hidjepen.

Jeremia 48:1

Laba pral o them Moab. Kowa penell o baro Dewel, ko rai pral o bolepen un i phub, kai o Israeleskro Dewel hi: Djungeles djal kol menshenge an o foro Nebo. Khetne dino well lengro foro. Ladj well pral o foro Kirjatajim. Dren lino well lo. I massuri trul o foro well tele dino un khetne phagedo.

Jeremia 48:21

I phagi was pral ko telstuno them, pral kol forja, kai kharenn: Holon, Jahaz, Mefaat,

Jeremia 48:23

Kirjatajim, Bet-Gamul, Bet-Meon,

Ezekiel 25:9

Doleske dau i forja ap i berge an o them Moab an i wasta kolendar, kai krenn len paash, – kol raile sorele forja, hoi kharenn Bet-Jeshimot, Baal-Meon un Kirjatajim.

4. Mose 22:41

Un taissarlakro las o Balak o Bileames peha, un anas les pral ap i berga Bamot-Baal, te dikell job kotar ap kol tsele menshende Israel.

4. Mose 32:3

“Ko them pash kol forja Atarot, Dibon, Jaser, Nimra, Heshbon, Elale, Sibma, Nebo, un Beon,

4. Mose 32:37

I mursha dran o kheer Ruben kran kol forja Heshbon, Elale, Kirjatajim,

5. Mose 32:50

Un tu mereh ap koi berga, ap koja tu pre djal, un tu weh paskedo, har tiro phraal Aron meras ap i berga Hor un kote paskedo was.

Josua 23:7

Ma tchiwenn tumen khetne kol wawar menshentsa, kai gomme an kau them djiwenn. Lengre deblen denn gar an-gole! Ma denn tumen sowel pash lende! Ma anenn lenge viechen un wawar koowa! Ma witsrenn tumen tele glan lende!