4. Mose 32:14 - O Debleskro Drom 2021 (Sinte)

¹⁴ Un kanna krenn tumer ko emligo koowa! Tumer han tchatche tchawe tumare dadendar! Mursha, kai o Debleskro drom tele djan un krenn, te well o baro Debleskri choli pral Israel bareder.

O Debleskro Lab 2024 (Sinte-Manouche)

¹⁴ Oun kanna krenn t'mer ko emligo koova! T'mer han čače čave t'mare dadendar! Morsha, kay o Debleskro drom tele djan oun krenn, te vell o baro Debleskri rholi pral Israel bareder.

4. Mose 32:14 ပူးပေါင်းရင်းမြစ်များ

1. Mose 5:3

Har o Adam 130 (sheel-te-triin-deesh) bersha phuro his, was job o dad i tchawestar, kai win dikas har job. Un das les ko lab Set.

1. Mose 8:21

Un o baro Dewel sungas ko latcho sungepen un penas ap peste: “Me dau man sowel, te anau buder gar hawi bari bibacht pral i phub doleske, hoi i menshe krenna. Djinau, o mensheskro dji hi tchilatcho fun tiknes pre. Me kamau buder gar o tselo djipen ap i phub te marell, jaake har krom.

2. Familjakro liil 28:13

Un jon penan ap lende: “Ma anenn kol pandlen kate pash mende! Te krenn kowa, anenn tumer i doosh pral mende glan o baro Debleste, un krenn, te well mari doosh gomme bareder har li hi. Doha doosh anam pral mende. Un o baro Debles hi i bari soreli choli ap Israel.”

Esra 10:10

Un o Esra, ko rashai, stas pre un rakras lentsa un penas: “Tumer peran o Deblestar tele, kai lan tumenge romjen kol menshendar, kai gar tumendar hi, un jaake anan tumer budeder doosh ap Israel.

Nehemia 13:18

Kran kowa tumare phure gar ninna jaake, te anas maro Dewel koi bari bibacht pral mende un pral kau foro? Un tumer krenn i choli pral o Israel gomme bareder, doleske te budrenn tumer ap o Debleskro diwes.”

Hiob 14:4

I tsele menshen hi doosh ap pende. Har nai well lendar jek, koles kek doosh ap peste hi?

Debleskri gili 78:57

Jon peran lestar tele. Un jaake har lengre phure menshe kran, kran jon ninna, un kaman o Deblestar buder tchi te djinell. Tchi-moldo his le har i bogo, koleskri dori buder gar sorelo hi.

Jesaja 1:4

Tumenge djal djungelo, tumer tchilatche menshe, kai anan jaake bud doosh ap tumende! Tumer han bede, tchawe, kai molenn tchi! Tumer mukan o baro Debles, kamenn tchi buder te djinell o Israeleskro Deblestar, kai kokres o Dewel hi, un sikran leske tumaro dumo.

Jesaja 57:4

Tumer san pral mande, un krenn tumaro mui bares pre, un sikrenn mange i tchip. Tumer han phukepangre un chochene!

Ezekiel 20:21

Un ninna lengre tchawe mukan pen tchi mandar te penell, un kran gar hoi lendar kamom, un djiwan gar pal miro tchatchepen. Mire tchatchepaskre laba hi kolla, kolentsa i mensho djido atchell, te rikrell lo pes ap lende. Un jon kran sawo koowa ap o Debleskro diwes, hoi hunte krans le gar. Un jaake wom gar sharedo. Kote kamom miri choli pral lende win te tchorell. Kote an o mulo tato them kamom miri tseli choli ap lende win te mukell.

4. Mose 32:15

Te djan tumer lestar krik, mukell job kal menshen i rah tsiro an o mulo tato them, un tumen hi doosh, te djan le halauter tele.”

Louka 11:48

Jaake penenn tumer: Awa, mer djinah, hoi mare phure kran. Kowa his mishto. Me penau tumenge: Jon maran o Debleskre rakepangren. Un tumer krenn kolenge i mulengre khera.

5. Mose 9:24

Jaake rah har prindjrau tumen, hi tumen sherja har barra un krenn gar, hoi o baro Dewel tumenge penell.