4. Mose 31:8 - O Debleskro Drom 2021 (Sinte)

⁸ Ninna maran le kol pantch bare rajen pral i Midianarja. Jon kharan Ewi, Rekem, Zur, Hur, un Reba. Ninna dan le o Bileames o chareha mulo, koleskro dad o Beor his.

O Debleskro Lab 2024 (Sinte-Manouche)

⁸ Ninna maran le kol panč bare rayen pral i Midianarya. Yon kharan Evi, Rekem, Sur, Hour, oun Reba. Ninna dan le o Bileames o rhareha moulo, koleskro dad o Beor his.

4. Mose 31:8 ပူးပေါင်းရင်းမြစ်များ

Debleskri gili 10:2

O tchilatcho hi pre-phurdo un lell i tchorwelen palla, un krell lentsa ko tchilatcho koowa, hoi leske an leskro shero trujel djal.

Debleskri gili 9:16

I menshe an wawar themma, peran an koi cheb, hoi jon i win hadan. An koi netsa, hoi jon win tchiwan, tapran le pen kokres.

Gosewe laba 11:3

Lengro djudjo dji anell i latchen ap o tchatcho drom. Ko midjak koowa, hoi i phukepangre krenn, well ap lende pale un phagell len.

Gosewe laba 13:17

I tchilatcho bitchepaskro anell bibacht. I bitchepaskro o labestar rakrell jaake, te well lauter pale mishto.

Habakuk 3:7

Me dikom, har daran kol menshe, kai djiwenn an plachtene khera an o them Kushan, un har trissan i menshe an o them Midian.

4. Mose 22:10

O Bileam penas ap o baro Debleste: “O Balak, koleskro dad o Zippor hi, ko baro rai pral kol Moabarja bitchras len pash mande un mukas mange te penell:

4. Mose 22:4

Un jon penan ap kol phurende mank kol Midianarja: “Kanna chan kol tsele menshe halauter pre, hoi trul mende hi, har i grumni koi senlepen ap i phub pre chala.” O Balak his an ko tsiro o baro rai pral i Moabarja.

4. Mose 22:5

Un job bitchras murshen pash o Bileam, koleskro dad o Beor hi. O Bileam djiwas mank peskre menshende an o foro Petor, kai pash ko pani Eufrat tchiddo hi. O baro rai mukas leske te penell: “Am pash mande! I bari natsjona djas dran o them Egiptia win un hi kate an o tselo them. Kal menshe tchiwan pengre plachtene khera pre ap i wawar rig mandar.

4. Mose 23:10

Kek djinell, har bud menshe o Jakobeskre menshe hi. Awa, kek nai hatsell win, har bud serja i Israelitarja hi? Me kamau, te merap jaake har jek lendar, kol tchatche menshendar. Miro merepen mu well har lengro merepen!

4. Mose 24:14

Un kanna djau pash mire menshende. Glan kowa kamau tuke te penell, hoi kal menshe tire menshenge krenna an o tsiro, hoi wella!”

4. Mose 24:25

Un o Bileam hadas pes un djas kote, un was pale an peskro them. Un o Balak djas peskro drom.

4. Mose 25:15

Koi djuwel dran Midian, kai ninna mulo dino was, kharas Kosbi. Lakro dad his o Zur. Kowa his o pralstuno i bari familjatar mank kol Midianarja.

4. Mose 25:18

Jon anan tumen an i bibacht, har anan le tumen jaake dur, te mangan o Baal-Peor an. Un jon anan tumen an i bibacht lengri phenjah Kosbi, kolakro dad i pralstuno pral kol Midianarja his. Koja was mulo dino ap ko diwes, kai was ko nasslepen pral tumende pash i berga Peor.”

4. Mose 31:16

Ma bistrenn, te his kol djuwja, kai kran, hoi o Bileam lenge penas, un tserdan i Israelitarjen o baro Deblestar krik, jaake te nashan le o chocheno debles Baal-Peor palla. Doleske was ko baro nasslepen ap o Debleskre menshende.

4. Mose 31:9

Un kol Israelitarja pandan kol djuwjen fun kol Midianarja un lengre tchawen. Lengre vieche, un halauter, hoi len hi, tchoran jon.

2. Petro 2:15

O tchatcho drom mukan le, un nashran pen. Jon djan ap ko tchilatcho drom, kai djas ninna o Bileam, – leskro dad hi o Beor. O Bileam kamas i tchilatcho koowa te krell, te lell lo lowe.

Judas 1:11

Bibacht well ap lende! Jon djan ap o tchilatcho drom, kai ninna o Kain djas. Un i lowenge anenn le doosh ap pende, jaake har o Bileam kras. Un jaake har o Korach merenn le. O Korach hadas pes peskre menshentsa pral o Debleskre murshende.

Debleskro tsiro 19:20

Un ko viecho was tapedo, ninna leskro chocheno rakepaskro. Ko rakepaskro kras bud baro koowa, un anas kolen ap o bengeskro drom, kai o viecheskro lab ap pende lan, un ko vieches an-mangan, hoi i menshendar kerdo was. Un djides wan kol dui an i bari jag witsedo, hoi soreles chatchella un khandella.

Debleskro tsiro 2:14

I tikno koowa pash tumende hi gar mishto. Mashkral tumende hi sawe menshe, kai djan ap ko drom, koles o Bileam glan i rah tsiro i menshende sikras. Job sikras o baro rajeste pral o them Moab, – leskro lab his Balak, – har te anell lo nai i Israelitarja ap i tchilatcho drom. Jaake chan i Israelitarja ko mass kol viechendar, hoi kol wawar menshe glan pengro debleste anan. Ninna djan le pash wawar djuwjende.