4. Mose 31:6 - O Debleskro Drom 2021 (Sinte)

⁶ Un o Mose bitchras len an o kurepen. Lentsa djas o Pinhas, koleskro dad o rashai Eleasar his. Un o Pinhas las o Debleskro koowa peha, ninna kol kurepaskre phurdepangre.

O Debleskro Lab 2024 (Sinte-Manouche)

⁶ Oun o Mose bičras len an o kourepen. Lentsa djas o Pinhas, koleskro dad o rashay Elazar his. Oun o Pinhas las o Debleskro koova peha, ninna kol kourepaskre phourdepangre.

4. Mose 31:6 ပူးပေါင်းရင်းမြစ်များ

2. Samuel 11:11

Penas lo: “O Debleskro mochton, ninna i lurde dran Israel un Juda hi an plachtene khera. Un o Joab, miro pralstuno, un tire lurde sowenn ap i phub. Un me djap an miro kheer, te chap un pijap, un te wap pash miri romjate tchiddo. Jaake tchatcho har kowa hi, kai tu djiweh: Sawo koowa krau me gar.”

Esra 7:5

koleskro dad o Abishua, koleskro dad o Pinhas, koleskro dad o Eleasar, koleskro dad o Aron, ko baro rashai.

2. Mose 25:9

Jaake har me les tut kanna sikrau, jaake krenn tumer o kheer, ninna ko tselo koowa, koleha budrenn le an miro kheer. Krenn lauter jaake, har me les tut sikrau.

4. Mose 14:44

Ninna te rakras job jaake, kran jon pal pengro shero, un djan pral ap i berga. O Mose atchas ap i platsa un djas gar lentsa, witar gar ko sonakaskro mochton, kai o Debleskre deesh laba dren hi.

5. Mose 20:2

Glan te stenn tumer pre un djan an o kurepen, stakrell o rashai glan un penell ap tumare kurepangre:

Josua 22:13

Un jon bitchran i bitchepaskres pash lende an o them Gilead. Kowa his o Pinhas, koleskro dad o rashai Eleasar his.

1. Samuel 14:18

Kote penas o Saul ap o Achija: “An o rashajeskri damdira kai!” An ko tsiro hidjras o Achija koi damdira glan i Israelitarja.

1. Samuel 23:9

Har o David haiwas, te hi o Saules tchilatchepen an o dji un kamas ap leste te djal, penas lo ap o rashajeste Abjatar: “An mange o rashajeskri damdira kai!”

1. Samuel 4:17

Koi penas ko bitchepaskro: “O Israel nashas glan i Filistarja. Kolla dan men phares, un tire dui tchawe, o Hofni un o Pinhas hi mule, un ko mochton, kai o Debleskre deesh laba dren hi, lan le mendar.”