4. Mose 31:2 - O Debleskro Drom 2021 (Sinte)

² “De kol Midianarjen ko tchilatchepen pale, hoi kran le ap i Israelitarjen! Un pal kowa well ko diwes, kai mereh tu.”

O Debleskro Lab 2024 (Sinte-Manouche)

² “De kol Midianaryen ko čilačepen pale, hoy kran le ap i Israelitaryen! Oun pal kova vell ko dives, kay mereh tou.”

4. Mose 31:2 ပူးပေါင်းရင်းမြစ်များ

1. Mose 15:15

Un tuke penau me: ‘Te mereh, soweh bachtelo dren. An i mishto phurepen weh tu paskedo.’

1. Mose 25:17

O Ismael was 137 (sheel-te-trijanda-te-efta) bersha phuro. Un job meras un was paskedo.

1. Mose 25:8

Les his i rah djipen. Un job meras an o mishto phurepen un was paskedo.

2. Mose 2:16

O rashai an ko them Midian his efta tcha. Kolla wan pash i brunna, te denn le pengro dadeskre bakre un busja pani te pijell.

Jesaja 1:24

Doleske penell o baro Dewel, ko rai pral o bolepen un i phub, kai hi o Israeleskro sorelo Dewel: Dikenn tumen glan! Me dau tumen pale, hoi ap mande kran, tumen, kai kamenn man gar. Miri bari choli well pral tumende, kai krenn lauter wawartchandes, har me kamau.

Nahum 1:2

O baro Dewel hi i Dewel, kai kamell, te mangenn i menshe kek wawar debles an har les kokres. Leskri choli well pral kolende, kai hadenn pen pral leste. Kolen, kai kamenn lestar tchi te djinell, dell job i phagi. Un bistrell gar, hoi jon ap leste kran.

4. Mose 20:24

“O Aroneskro tsiro nashas tele, un job well gar an ko them, kai dom i Israelitarjen. Tumer shunan gar ap kowa, hoi penom pash o pani ‘Meriba’.

4. Mose 20:26

un rib o Aroneske peskre rashajeskre koola win, un rib len leskro tchaweste Eleasar an! Un o Aron merella kote.”

4. Mose 25:1

Un i Israelitarjen his pengre plachtene khera pash o foro Shittim. Kote mukan pen i mursha dren kol tchentsa dran o them Moab.

4. Mose 25:6

Un i tsele Israelitarja his tchiddo o ropah glan o Debleskro plachteno kheer. Koi anas i mursh dran Israel i Midianetsa an o plachteno kheer peskri familjatar. Un o Mose un i tsele israelitarja dikan kowa.

4. Mose 27:13

Un te dikal tu kowa, mereh tu, jaake har tiro phraal Aron ninna meras.

4. Mose 31:1

O baro Dewel rakras o Moseha un penas:

4. Mose 31:3

Koi penas o Mose ap i Israelitarjen: “Lenn lurden tumendar, te kurenn jon pen kolentsa dran Midian. Jaake te lenn kol Midianarja pengri phagi, hoi o baro Dewel len dell.

Louka 21:22

An kol diwessa well o Debleskri choli ap i menshende tele. Palle well lauter tchatcho, hoi an o Debleskro lab tchinlo hi.

Bičepangre 13:36

Un o David his an peskro djipen o Debleske koi. Un job meras un was paskedo pash peskre menshende. Un leskro mass ferdjas tel i phub.

Remarja 12:19

Mire kamle phrala un phenja, ninna te kras jek tumenge tchilatcho koowa, ma denn leske pale! Mukenn les! O Dewel dell les i phagi. An o Debleskro lab hi tchinlo: O Dewel penas: Me dau len pale. Me dau len i phagi.

Remarja 13:4

O Dewel das len pengri budi, te djal tuke latches. Tu te kre tchilatcho koowa, palle hunte daress tu lendar. Hi gar tchitcheske, te well len i soor, te denn le i phagi. O Dewel das len koi budi, te denn le kolen i phagi, kai kran i tchilatcho koowa.

5. Mose 32:35

Job penell: Me hom kowa, kai dau len halauter ap lengro shero pale an ko tsiro, kai trissenn lengre herja. Gar dur hi o diwes, kai well lengri bibacht pral lende. Un kowa, hoi ap lende well, kowa well sikepah.

5. Mose 4:22

Me merau an kawa them, me djau gar wergel o pani Jordan. Tumer djan ap i wawar rig, un lenn ko latcho them tumenge dren.

1. Tessalonikarja 4:6

Kek hunte chochell peskro phrales. Koon kowa krella, koles dell o Dewel i phagi. Jaake penam tumenge, un dam tumen trad.

Hebrearja 10:30

Mer djinah, kai o Dewel penas: Me dau len ko tchilatchepen pale, hoi jon kran. Miri choli well ap lende. Un pale hi tchinlo: O Dewel rakrell o tchatchepen pral peskre menshende win.

Debleskro tsiro 18:20

Awenn bachtelo, tumer, kai djiwenn an o bolepen! O baro foro hi paash! Awenn bachtelo, tumer Debleskre menshe! Awenn bachtelo tumer, kai han o Jesuseskre bitchepangre, ninna tumer, kai han o Debleskre rakepangre! Kowa, hoi o foro tchilatches kras ap tumende, das o Dewel ko fores pale.

Debleskro tsiro 19:2

Latcho un tchatcho hi lo. I phagi, hoi job i menshen das, hi mishto un tchatcho. Job das i bari lubjat lakri phagi. Joi tserdas i menshen ap i tseli phub an wi-ladjedo koowa un maras o Debleskre budepangren. O Dewel das lat ko tchilatchepen pale, hoi joi ap lende kras.”

Debleskro tsiro 6:10

Un dan soreles gole un penan: “Baro Dewel un tchatcho rai, ab sik un rake i phagi win pral kolende ap i phub, kai maran men. De len ko tchilatchepen pale, hoi jon ap mende kran!”

Čačepangre 16:24

Un har i Filistarja o Simsones dikan, sharan le pengro debles un giwan: Maro dewel das koles an maro wast, kai menge tchilatchepen kras, koles, kai maro them khetne das, un bud mendar maras.

Čačepangre 2:10

Palle meran ninna kol tsele wawar menshe, kai an kau tsiro djiwan, har o Josua djiwas. Un pal lende wan menshe, kai o baro Debles gar prindjran, witar gar kowa, hoi job i Israelenge kras.