4. Mose 30:6 - O Debleskro Drom 2021 (Sinte)

⁶ Te kamell lakro dad kowa gar an ko diwes har job kolestar shunas, palle hunte rikrell joi gar, hoi das li pes sowel, un hoi joi las ap peste. Un o baro Dewel djinell, kai lakro dad gar kamas te krell joi kowa, un job hidjrell lake tchi palla.

O Debleskro Lab 2024 (Sinte-Manouche)

⁶ Te kamell lakro dad kova gar an ko dives har yob kolestar shounas, palle hounte rikrell yoy gar, hoy das li pes sovel, oun hoy yoy las ap peste. Oun o baro Devel djinell, kay lakro dad gar kamas te krell yoy kova, oun yob hidjrell lake či palla.

4. Mose 30:6 ပူးပေါင်းရင်းမြစ်များ

Debleskri gili 56:12

Ap leste dikau un rikrau man, un darau gar. Hoi nashte krenn man i menshe?

Jeremia 44:19

Un i djuwja penan: Te anah mer djuwja i bolepaskri rajetsake sungepaskro koowa un tchorah mool glan late win, palle krah mer kowa gar dran mende kokres. Na-a, mare romma djinenn kowa, te krah lake merklia, hoi win dikenn har joi, un tchorah mool glan late win.

3. Mose 5:4

Te dell jek pes sowel, jaake te rakrell leskro mui sik, un job haiwell pal i tsiro, hoi lo kras, – hi jek, te hi kowa, hoi lo penas, latcho oder tchilatcho leske – palle anas lo i doosh ap peste.

4. Mose 30:5

un lakro dad shunas lakro labestar, hoi joi o Debleste das, un job penas tchi koi pre, palle hunte rikrell joi halauter, kai das li pes sowel pre. Un halauter, hoi las li ap peste, hunte rikrell li ninna.

4. Mose 30:7

Te romedinerell joi, un ap late hi i sowel tchiddo, ninna te das li pes sowel un djinas gar, hoi joi penella, un pandas pes jaake ap kowa, hoi joi penas,

1. Samuel 1:11

un das pes sowel un penas: “Tu, baro Dewel un rai pral o bolepen un i phub, tu te dikeh kanna tiri tchorweli budepaskretsa an, un bistreh lat gar, un deh tiri budepaskretsat i mursh tchawes, palle dau me les tute o tselo tsiro, hoi job djiwella. Un kek tchuri well ap leskre balla, hoi tchinals len tele.”